المساعد الشخصي الرقمي

مشاهدة النسخة كاملة : استراحة نسائية ؟


ابو الهول
08-28-2010, 06:52 PM
- حفرة دخان سكينة بت ود جيب الله
45sd

الدخول في البوست دا على مسؤولية صاحبه
ولو عايزين ترفدوني بسبب البوست دا
واطاتكم اصبحت -
- نتابع -
:36_1_68:

ابو الهول
08-28-2010, 06:53 PM
:11_6_205:

(1)
gft46
سكينة يا الحبان مرتا زيني وليها رفقات دايما متلمات في الخير..
الشي السمح في الحلي أليلن..
ان بقى في خبر شين في الحلي تلقاهن واقفات ومتحزمات...
وفوق دة ودة خبارات الحلي كلها عندهن..
ليل ونهارن مع بعض...
الخضار يمشن سوا..
ابن بقت دايرات يدققنلهن مريق ولا قمح يمشن سوا ويقعدن في بنابر الطاحونة
لامن الحسين ود بابكير يدققلهن دقيقن ويرجعن لي بيوتن..
اصلو كل شي يسوينو مع بعض..
حتى الطلح أليلن والشملات والنُطُع خاتاتنو عند سكينة..
ان بقى في مرتا في الحلي شاكلتلها وحدي فيهن الله قال بي قولها
سرهن كله بيناتن..
أهلن بقوا أهل بعض..
إن بقى واحدي فيهن جاها زول من البلد تاني يوم يتلمن عندها
وكل واحدي تجيب صينيتها وقهوتها ويكرمن الضيف أليلا
الماهن مع بعض كدي شن مع انه كل واحدي فيهن راسها براهو
تسمعن يتغالتن تقول بالله حا يمعطن بعض..
شويتين تسمع فيهن يشربن في قهوتن..
لا تعرفن متحاربات لا تعرفن متصاحبات..
oi89

ابو الهول
08-28-2010, 06:55 PM
:11_6_205:


(2)
:36_1_68:
سكينة بت حُومد احمد ود جيب الله
جات الخرطوم مع راجلها من مروي..
شايقيي مشلخة تلاتة شلوخ عرااااااض..
لونها قمحي وليها مساير جادعاهن لي وراء
وليها شلاليف مدقوقات بالأسود
وليها عيونا غلاد ونخرة سوالا فيها زمام
سميحي تحمد ربها... ورجليها دايما ممسحاهن بالكركار..
ودايما تراري وتشبه روحها..
عندها المحن.. دايما تلقى النسوان متلمين فوقها..
عند حسن بتاع الخضار ياخدن ونستن معاها ويقطعن زييييين حتين يمشن علي بيوتن..
راجلها من طريف نوري.. شغال عطشقي في السكة حديد
20486676686t

ابو الهول
08-28-2010, 06:56 PM
oi89

(3)
45sd
خادم الله بت عبد الله ود صالح..
مرتا مرهة وطويلي..
وليها يدينا طواااااااال
وضُعُووووويفي ان بقى ما الشطور وشوية لحيمات من لاااوراااا كان تبقى علي خشبة الأبلكاش..
ومشاطها آآبتخليهو يتملو تلاتة شهور وكل مرة تنادي فاطني بت خليل فشان تنقضو وتمشطها من جديد
دنقلاويي من ناوا...
عندها لسان اطرق وغالات ودايما حسوسها مالات الحلي..
ان بقيت قلتلا السماء دة ازرق وفوق اللرض.. تقولك وحات نضري السماء احمر وما بعيد بالحيل
راجلها ابن عمها وشغال عامل في الهيئة القومية للكهرباء والمياه...
120ds

ابو الهول
08-28-2010, 06:58 PM
gft46

(4)
البتول بت محمد كُبُر..
من ركابية بارا..
سمممممممحي وعاجباها روحها
ليلها ونهارها تخت في الحني وتلقط في حواجبينها
والكتفين دايما عريانات حتى تحت التوب تشوف فيهن يلمعن من الدلكي
ومن تصبح تلتخ وشها باللخوخة حتى تشوف دايري تسوي شنو في التُكل أليلا..
انت بقيت نغزتها بي شي ماهو ياهو تقولك: قادر الله أنا بت بارا بت الرمال والتبلدي
تدخل بيتها دة ان بقيت من شربت القهوة بالهبهان واكلتلك شي آآبتخليك تمرق من عندها
راجلها من النهود مغترب في قطر.. شغال مع الجيش القطري
120ds120ds
- نتابع -
oi89

ابو الهول
08-28-2010, 06:59 PM
:21_122:

(5)
oi89
آمنة بت محمد أحمد ود الخواض..
جعليي من سقادي..
ليلها ونهارها وصيف وشتاء لابسي الأبيض
تقول الناس القاعدين يموتوا في الدنيا دي كلهم قرايبها
راجلها ود عمها خضرجي في سوق الزنك في الخرطوم
مرتا كريمة وصينيتها دايما ملياني وخمجانة
لكن يا ويل نسوان الحلي ان بقت ماتلها زول وما جن باكنها
وكتين تتشمطلها مع مرة من الحلي.. تلقى النسوان كلهن يجرجرن فيها
فشان يدخلنها بيتها.. وتسمع فيها تكورك: انا بت الجعليين بت سقادي تقولي لي كدة
اصلها غير اللوم والحِدْ آآبتعرف شي..
120ds120ds
- نتابع -
:7_4_20:

ابو الهول
08-28-2010, 07:01 PM
120ds

(6)
السُرة بت حاج النعيم
:36_1_68:
رباطابية من ابو حمد
لسانها علي ود الزومة
اصلو لا بيعجبها العجب ولا الصيام في رجب
اي شي في الحلة عندها فيهو راي
وليلها ونهارها تنقنق
وتحب القطيعة والخبارات زي عيونا
الشمار دة تفتش عليه من بداية الحلة لي نهايتها
فشان كدي وكتين تجي تنوم تسمع الشخير أليلا لي الشارع التالت
ممصرنة من لحم الدنيا وليها رجلين مكلوجات ومعوجات علي مفرمة الخُضرة
متزوجالا جعلي من بربر عندو كارو يشيلبو السلع من السوق العربي لي دكاكين القطاعي
120ds
- نتابع -
gft46

ابو الهول
08-28-2010, 07:04 PM
:110:45sd

كدي قبل ما نبدأ فشان ما يجي يتصلبط فيني زول
الاسامي الهني دي كلها مستعارة
- طارق جبريل -
- منتديات نخبة السودان -
:110:

(7)
oi89
- كو كو كو
سكينة: منو الفي الباب
- آمنة: امرقي يا خرابة الخضار بيكمل علينا
- سكينة: اصبري اللفح توبي جاياكي
- آمنة: استعجلي خادم الله والبتول ام لخوخة والسرة قبيل سبقننا
- سكينة: عاد هن بيقدرن يلاكي امسكي القفة النسد الباب
دحين ام توب لبني وتجدع في يدينا علي ستاير الرطشة دي منو آآآمني
- آمنة: منو غير البتول البتتفدع ما ياهو مشيها
- والله عفيت منها دايما نايري وقلبها ميت
- آمنة: نان قلبها كيفن آآبيموت الراجل يشيل ويخم ويرسلها من قطر.. تسكت تحمد ربها
- سكينة: كيف اصبحتن.. حسن ازيك
- حسن بتاع الخضار: اهلا بالشايقيي القاهري
- سكينة: الشق اليقطع لهاتك
- حسن: ههههههههههههه والله اماني مداعاتك ماها سمحي
- سكينة: كدي خلني من النضمي القاطع اللهجي دة
الخضار دة مالو مضبلن كدي والعجور علي ضُنب الكديس كدي
- حسن: وحاتك يا الشايقيي جايي من توتي هسي
- السرة: توتي اليخموك فيها هسي دي خضرة دي ولا الجرجير الممصرن دي يودوهو وين
- حسن: عاد أنا زرعته يا السرة
- البتول: هوووي شيلن خضاراتكن فسراع انا دايراكن في غرض
- خادم الله: (بصوت عالي) في شنو يا البتول.. لا يبقى ناس قطر هههههههههه
السرة: اها قامت علي الطروقيي شيلي خضارك وتعالي منجري

شالن خضارن وغشن احمد الجزار شالن لحمن وجن ماشات

-سكينة: البتول مالك خير
- البتول: خير يا الشايقيي.. الراجل جايي باكر ودحين انا دايري اجهز
- آمنة: انت من بتين ماكي جاهزي ليلك ونهارك تتلتخي وتمعطي في كرعينك
- خادم الله: اها قمتي علي طروقية الجعليين
- سكينة: ههههههههه يا اخوانا روقو النسمعها دايري تقول شنو

وقفن النسوان الخمسة تحت نيمايات ناس خادم الله وكلو واحدي شايلالا قفة
المارق منها عجور والطالع منها ربطة خضرة والفيها بصلا اخضر
البتول: يا اخوانا الليلة ولعوا الدخان بدري دايري آخدلي تلات اربعة كبات في الطلح
والرسول يا سكينة تشدي معاك الحلاوة في علبة النيدو الكبيري
السرة: قادرة الله باقيلي ماكي دايري تشهديهو.. يا خرابة الراجل بيجي فتران هههههههه
- آمنة: انت عاد بري منكن
- خادم الله: باقيلي داير تعدمي الجسم الصوفاي.. الخوف بعد دة كله مواسيرك يشرشرن
من لااااااااااتحت وتبقي زي نقاع الزير مع جية الراجل ههههههههه
- سكينة: بري بري بري منك يا خادم الله اصلها طروقية الجن
- السرة: ههههههههه عاد ان نقاع الزر حقها بدا بكرة يمين الراجل عل يسعر ضُمة ضُمة
- البتول: انتن جنيتن انا الاسبوع الفات يا دابي نشفت
- آمنة: قادر الله باقيلي ظابطاها مع جية الراجل
- البتول: لا تكتروا الحجي شي.. الليلي دايري اتفسخ واتمعط زين فشان كدي ابدوا بدري
- خادم الله: (اخدتلها سفة من حقتها) بت الغلفا مكوفري باقيلي -
:36_1_68:
- نتابع - 8 -
:11_6_205:

ابو الهول
08-29-2010, 01:01 AM
:21_240:

http://www.asir1.com/mlfat/hadi/hadi58.jpg

wernm
(8)
:21_240:
النسوان مشت كل وحدي علي بيتها..
الشدتلها باميي.. والسوتلها خضرة .. واللايقتلها لاريق... والكوجنتلها بطاطس
مع المغربيي كل وحدي فيهن شالتلها بوقجي ألت هدوم وتوب جارات قديم وبرطمان كركار ومشن علي بيت سكينة -
- خادم الله: قشيرة كيفنك أها طلحك دة مكسر ولا لليلي
- سكينة: مكسر من امبارح يا ست اللفحي
- السُرة: الرسول خلني اللاخدلي كبة أنا قبلكن باقي مخروقتي واجعاني
- البتول: هي مخروقتك دي ما لقت توجعك علي الليلي
- السُرة: مشيت استحمى في الحمام المن تالاكي وانزلقت لامن سروالي انشرط كرررررررررررررر
- سكينة: هن سراويلك شن طعمن العلي خيمة البكاء ديل
- السرة: (تضحك بعمق) وحات نضري يا سكينة سراويل الجن ديل تقول ضاربن شيطان
- البتول: كيفن.. مالن النبي يا السرة
السُرة: يوما نعافر انا والراجل الغبيان دة في الضُلمة.. قوم يا الغبيان لبس سروالي ودخل استحمى
وساق الكارو أليلو ومشى علي السوق العربي.. وكتين بقى يعتل في البضاعة ألت الناس
قوم ارفع العراقي أليلك وسط النسوان.. ههههههههه.. إن كان يلقى نفسه لابس السروال أليلي ومندلي منه المطبقة بي الجلد أليلا
- سكينة: هي سووووووود علي نان شن سوا هههههههههههه
السُرة: السوق كله يضحك عليه وقالولوا: باقيلي امباح الليل كله انت تحَفِت ؟؟؟ ههههههههههههه
والله جاء دعاني جنس دعايا ههههههههههههه
- البتول: انت نان يا خرابة ما تلمي سراويلك عليكي وسط معافرة الجن دي
- السُرة: أنا شن عرفني تراهو يلكزني وندخل علي الأوضة الفاتحي في ضهر بيتك ديك هههههههه
- خادم الله: اصلو يا كافي البلا ماكُن قاعدين تولعوا النور وكتين يأذن الفجر
- السُرة: إييي نور شنو... حق الله بق الله كل زول يمشي علي شغلو هههههه
- البتول: بري بري بري منك عاد... ماكي مرة شي -
- سكينة: قومي يا البتول ادخلي انت اللولا فشان نطفي نور الحوش دا
النسوان كلهن كل واحدة قلعت هدوما ولبسن تيبان الجارات المقطعات ديلك وبقن يشربن في قهوتن
- البتول: احي احي .. الخرابة .. طلح الجن دا ماله كافر كدي
- سكينة: دا قولك.. جايبو معاهو ابو محمد من الصعيد.. بالله الكبة فيهو تمرق جسمك زي الجبص
- خادم الله: عاد الليلي اتجبصي زين باقي الراجل جايي... انتو آمنة لليلي ما جات
- السرة: يبقى ماتلها زول... هههههههه... هسي تجيكن دمعها علي نقاع الزير وتقولكن: جاني خبر العدو هههههههه
- سكينة: حرام عليكي يا ام لسان اطرق انت... يديك الجات من الزقاق
- محمد ولد سكينة: يمة... يمة (من جهة الزقاق)
سكينة: النجما التقطع مصارينك مالك
- محمد ود سكينة: يمة عندي بكرة امتحان في الحساب داير اشيل شنطتي من جوة
- السرة: انت الجنا مالك مداعاهو خليهو يجي يدخل يشوف الشي الدايرو
- سكينة: نان انا من الصباح قلتلو ان عندك شي في الاوضة طلعو قبل تمغرب
- البتول: (من تحت الشملة وراسها مارق والدخان طالع من جنب رقبتها علي البخار البيطلع من حلة البريستو): تعال يا محمد حبيبي ادخل شيل شنطتك امك دي باقي خرفت
- سكينة: يا فقر تعال شيل نصيبتك دي واوعك تجي بي هنا تاني -
wernmwernmwernmwernmwernm
- ونتابع -
105jhg

ابو الهول
08-30-2010, 12:42 AM
lkj,mmm
- اصحاب الباصات كانوا بيكتبو ؟
23fd
- العفش داخل البص علي مسوؤلية صاحبه -
- وهسع - ؟
نقول البوست بمحتوياتو علي مسوؤلية كاتبه ؟
23fd23fd
- كتلونا سجمونا رمدونا - كلو واحد ؟
47hyg

ابو الهول
08-30-2010, 12:50 AM
23fd23fd

اشهر انواع الطلح الطلح النجدي .
الطلح العراقي .
طلح السلم .
طلح السمر .
الطلح الحبشي .
طلح الحسك .
طلح كمبوبيتلا .
الطلح الطويل .
طلح أتبايكا .
الطلح السناري .
الطلح الزاهي .
الطلح العسلي .
الطلح العسيري .
الطلح النوبي .
طلح سيال .
:36_1_21::36_1_21::36_1_21::36_1_21:

ابو الهول
08-30-2010, 01:00 AM
23fd23fd
(9)
lkj,mmm
الشافع يا الحبان دخل مهجوم لقى النسوان نصهن الفوق كله في السهلة
شال شنطتو وجاء مارق لقى خالته البتول مارقي من الشملي
ضحكلو ضحكي خبيثي وخت ايدو فوق عيونه وقام جري علي الحوش البيغادي-
23fd
- البيتول: ولدك يا سكينة باين عليه ماهو ساهل شي.. حدرلي زييييين هههههه
- سكينة: ترب ابوهو عاد.. وكتين يقوم علي الخمج.. ووووب علينا
- خادم الله: هو منو الفيهم الماهو خمجان...
- سكينة: قومي يا السرة الطلح دخانه قاجي -
23fd
السرة قامت وقلعت توب الجارات المهرود داك
الكرعين مكلوجات وضُعوووويفات علي كُنش العصيدة
مشت قدام آمنة وغتست تحت الشملة
- آمنة: النبي فيك يا السرة.. الراجل دة شن عاجبه في عضيماتك ديل ههههه
- البتول: حرام عليك يا آمني وحات ربي السرة ليها وجيها صبوح وتتراد
- السرة(من تحت الشملة ممرقي نخرينها بس): عاد فراغك وحات ربي وكتين
يهيج ويقعد يجوعر تقولي الراجل معرس تاجوج في زمانها
- سكينة: كدي كدي كدي علي الرباطابيي.. انا اختك يا السرة
- البتول (تلايق في الحلاوة فشان تمعط تحت يدينها): باقيلي الراجل قاعدي ترسليهو لي شغلو مهضلم
- السرة: وكتين يكون ليله ماشي زي العجب يقوم الصباح يلبس ويقولي: انا ود عمك يا السرة
- سكينة: انتو في السرة دي ولا خادم الله النامت دي ههههههههههه
- السرة: الكزيها بي عود طلح الخرابة لا يبقى ماتت
- سكينة: حرام عليك يا السرة الله يخليها لي وليداتها
سكينة قامت علي البتول تشيلها في الحلاوة وتقلب فيها يمين وشمال
-سكينة: عاد بعد الهركي دة باكر الراجل دا ان ما بقيتي رقدتيهو خل ماكي مرة شي
- البتول: وحاتك علي اخليهو يعوعي ههههههههههههه
حنان بت آمنة جات داخلة من تالا الزقاق -وتصفق: يا ناس البيت ازيكم
-سكينة: حبابك اتفضلي
- حنان: انتو اصلكم طلحكم دة ما بتخلوهو.. يمة انا ما اجي المغرب البيت القاكي تدخني
- خادم الله (صحت من نومها): اييي حنان كيفنك انت من متين هني
- السرة: هي حليل ابو داك
- خادم الله: انت يا آمني دحين بتك دي ما تمت الحول لليلي مالها لليلي ما تقلت شي
- حنان: خالتي خادم الله ماني دايري الد انا ارتاحي
- سكينة: كيفن يا بتي عاد الكلام دة لااامتين مصيرك تسويلك ولاد
- آمنة: نان هي تسويهن كيفن الولاد ديل مباري راجلها وراجلها مباري الانتخابات
والحزب الفلاني ويسقط فلان ويعيش فرتكان
- السرة: من تحت الشملة: الخرابة لا تبقي بقت شوعيي كافري
- خادم الله (بلت اصبعها بي لسانها وختتو في الواطة ونفضتو): قبلها وحدها كافري ضمة
- سكينة: لا تسمعي كلام خالاتك المخرفات ديل.. يا بتي مصيرك تلدي
- السرة: يبقى الخومري ألت امها ميمي ومايصي
- آمنة: عاد فراغك خومرتي انا يحكوبها
- السرة: تعالي يا بتي اديك فتيل أليل خومرة يمين تجيبيهم تيمان
- سكينة: قدر خومرتك انت يا المخرفي
- السرة: وحاتك الراجل من يشمها يقوم ينكرش وتبقالو صلاة العشي دي بعيدي
انا ان ما الخومرة ألتي دي كان جبتلي تلاتة شفع الفرق بيانت كل واحد فيهم عشرة شهور
- البتول (ميتة من الضحك) باقيلي تتشوبحي من من تمغرب للفجر
- حنان: ارتاحن انا لاني كافري لاني دايري ألد تمن دخانكن
- خادم الله: الرسول يا حنان الدني خميس ما تجدي تاخديلك كبي وتمشي تراري علي راجلك
- حنان: يا خالتي والله انا ما جاهزة والراجل منتظرني بهناك في البيت
- السرة: بنرسلو ونقوله حا تدخني.. هو الدخان دة دايرلو جهوزيي
ما تتقولعي وتغتسي تحت الشملي
سكينة: البتول اتمسحي بالكركار الطلح دة كافر بيشقق جسمك
خادم الله: باقيلي دايرين ترسلوها عروس للراجل
- سكينة: ياخي الراجل ليهو سنة بعيد خليها تعيش حياتها
- السرة: نان هي الغبيانة ما براها ابت تمشي معاهو
- حنان: ياخي كملوا دخانكم دا
- آمنة: خلاص انتهينا يا بتي كملي فنجان القهوة أليلك فشان نمشي
- سكينة: الله يعدلها عليكن ويطرح البركة فيكن -
كملن دخانن وكل واحدي مشت علي بيتها
.....
:21_131:47hyg

ابو الهول
08-31-2010, 01:10 AM
11116ds
؟؟؟؟؟؟؟؟؟؟؟ -
- يا 39sd
شكيتك على الله .. الله يجازيك ويجازى مِحنك ..الكلام دا بتجيبو من وين ؟
ياها عمايل خالك زاااااتها ..
مش قالوا فى المثل .. الولد خال !!
:10_5_137:
- ياتو ؟ فيهم ؟
:0041:

ابو الهول
08-31-2010, 01:14 AM
66sdhtyu7yu66sd
حفرة دخان سكينة دى ذكرتنى قصة واحد سودانى كان فى بريطانيا وتزوج خواجية من حِسان أولاد جون..
وجات معاهو السودان .. لمو ليك فيها أخواته وبنات أهله.. وولعوا ليها حفرة الدخان الما خمج..
قالوا ينضفو الخواجية دى شوية ..
الخواجية طبعن من الحرارة العالية بقا لونها أححححمر زى الفشفاش المنفوخ ( دا شغلكم إنتو طبعن ) ..
لامن راجلها جا راجع من الشغل سألها الحصل شنو لونها بقا أحمر كدا ؟
قالت ليهو دي عمايل أخواتك
They *****d me
htyu7yu
- أو - ديل طبخوني ؟
:0041:

ابو الهول
08-31-2010, 01:17 AM
66sd

(10)
11116ds
إتلمن النسوان تاني يوم عند بتاع الخضار زي عادتن.. وهن جايات في الطريق بدن ونستن
- خادم الله: انتو الخرابة البتول ما جات للخضار.. لليلي غاتسي مع الراجل
- سكينة: نان راجلها يا دوبو جاء وين تطيريها انت
- السُرة: النصيبي خلوها مكوفري ههههههههه
- آمنة: اها شن دايرات تسوّن ليها في الصباح دة
- سكينة: نوديلا الفطور ونتحمدلها بالسلامي.. ولا شنو قولكن
- آمنة: أيي اعوج.. كل واحدة تسويلا شي ونملالنا صيني ونمشي نوديها ليها ونجي علي بيوتنا
- السُرة: عديلة.. دة ان بقت هي فضتلكن ولي اكلكن دة
- سكينة: نحن بعد نوديهو ليها هي حرة.. تاكلو ولا تخلي
- خادم الله: نان باقيلكن هي فاضيي لي اكلكن دة هههههههههه
- سكينة: اها قمتي علي الطروقييي .. هههههههههه

اتلمن النسوان عند سكينة وملنلهن صينيتين كباااااااار
شي سكسكانية وشي شعيرية وشي قراصي بالدمعة
وشي لحمة ألت صاج وشي طعميي... وشي ملاح نعيميي
وشالنلهن صندوق أليل بيبسي ومشن عليها
كل اتنين شايلاتلهن صينيي

كو كو كو كو
- السلام عليكم
- راجل البتول: اهلا مرحب اتفضلوا... اتفضلوا..
حمدلله علي السلامة
بركة الجيت طيب
حبابكم حباكم... اتفضلوا
وجاتن البتول من لا جوة
- البتول: والله ما كان في داعي لي دة
- خادم الله: باقيلي ماكي كنت دايرانا نجي... لا يبقى سويتيلك حُفري ألت دخان هني للإجازي دي
- البتول: غايتو أصلي ما بسألك
- السُرة: الخرابة اتكشكشتي كلك دهب.. صلاتي علي محمد
- البتول: فضلة خيرك يا الحبيبة
- خادم الله: انت في الدهب ولا شوفي الخرابة لابسالا فستان كله عريان
- السُرة: اتبنيها من اوراكها باقيلي ماها لابسالا شي من تحت القاهري دي هههههههههه
- سكينة: اييي شوفيها مَفَندري الصِدير كيفن قدامها.. آآبعرفها سوتلو شنو
امبارح وانا بشيلها في الحلاوة كان علي المنقايي الممصوصي
- البتول: انا عاد وووووووب علي من لسناتكن
ضحكن كلهن ودخلن علي البرندة اللاجوة
البتول قدمتلهن العصير وقالتلهن لامن نفطر نديكن الحلاوة
- سكينة: فطور شنو نحن جينا نتحمدلك بالسلامي ونمشي
- البتول: وحات نضري وحدي فيكن تطلع من هني تاني لا أناضمكن لا شيتين
- السُرة: البتول انت جنيتي... نحن غُوربة كمان
- البتول: وحات امي تمشن وما تفطرن تاني لا بيني لا بينكن
نادت رجلها شال صينية الفطور عشان يفطر مع اخوانه الجو يسلموا عليهو
والنسوان قعدن في برندتن دي يفطرن ويقرقرن
- خادم الله قامت علي الطروووقييي: اها الشفع سويتولن شنو.. باقيلي رشيتوهن بي جمكسين
- السرة: وحات نضري الخرابة دي ماها نايمي شي.. شوفي عيونها واقعات كيفن
- آمنة: اييي شوفي الشلاليف مجلبطات احمر شلاليف
- سكينة: هي سووووووووود علي.. انتن دايراتنها تقولكن شنو يا المخرفات
- البتول: الرسول آآآسكينة امسكيهن مني القاهرات ديل
- آمنة: قبيل قلنلكن اتبننها في اوراكها... هههههههه
- سكينة: والله حمد لله على السلامة
كملن فطورن وهن مارقات البتول جابتلهن كل واحدة فستان أليل بيت
وعلبة حلاوة للبُطان وبخور الند... هي تحلف وهن يحلفن
وهن طالعات جات داخلي مدينة بت حسب الرسول
سلمن عليها وسلامها لي آمنة كان مسييييييخ وقاطع اللهجي
- خادم الله: انت يا آمني المرة دي مالها مدتلك طرف اصابعيها
- آمنة: اييي خليها ماها نصيحي
السُرة وسكينة شافن في بعضن!!!
وكل مرة مشت علي بيتها -
:0041:

ابو الهول
09-01-2010, 01:26 AM
66sd
(11)
htyu7yu
اتلمن يا الحبان النسوان يوم الخميس بالصباح
فسراع فسراع شالن خدارن ولحمتن ومشن علي بيوتن
- سكينة يا آمن افطري بدري وتعاليلي فشان نحصل السوق قبل يقفل
- خادم الله: ايي يا آآآمني وحات الله انا عدماني السكر والزيت
- البتول: هي ودعتكن الله بعدين بجيكن لي قسيم الميز
- السرة: الرسول يا البتول تجيبي معاكي القهوة
- البتول ابشري
مشن علي بيوتن فطرن وسكينة وآمني مشن علي سوق الجمعة
والسوق المركزي فشان يجيبن الميز أليل الشهر
شي زيت وشي سكر وشي صابون بدرة وشي صابون حجر
وشي ملح وشي بهارات
قريب الضُهر جات سكينة وآمني مع بتاع البُكسي محمد
ختاهن جنب الدرابزين والنيمايات المن تالا بيت خادم الله
ادنو كوز مويي وجرن بنابرن وختن سكينة في وسطن
وكل واحدي جابت عدتها التشيلبها الميز
النسوان متفقات كل واحدة جايبالا عدي في لون
اللزرق أليل آمني واللحمر أليل سكينة واللخدر أليل السُرة
واللصفر أليل خادم الله والبنوفسو (البنفسجي) أليل البتول
آمني فتحت شواويل السكر وختتن جنب سكينة
وسكيند بقت تملا الكوريي وتمسحها وتكب في كل جردل لامن وزعت السكر
ونفس الشي سوتو في صابون البدرة وقسمن صابون الحجر
- سكينة: ياخواتي خلني الننجم شويي ونشرب قهوة البتول
- خادم الله (بعد ما جغمتلها جُغُمي من القهوة): آآلرسول يا آمني مدينة
يومداك مالها سلامها كان قاطع اللهجي كدي معاكي
- السُرة: يعني ماكي عارفي مالها زعلانها
- خادم الله: يخربني وحات ولادي
- السُرة (ختتلها سفة ونفضت يدها): الخرابة ولدها ما كان داير حنان بت آمني
- آمنة: عرسها بل يخمها
- خادم الله: ولدها محمد الطويل ابو تفي داك
- سكينة: ايي ياهو
- خادم الله: نان مالك حميتيها ليهو
- آمنة: نان يا خادم الله ارمي بتي
- خادم الله: كيفن
- آمنة: الولد ماهو شغال اعرسلو كيفن.. كمل قرايتو وقعد
- السُرة: نان يشتغل كيفن هو ينوم ويفنقس لااا نصت نهار وضُراطو يصم اللضان
- سكينة (ميتة من الضحك): نان انت سمعتي ضُراطو وين
- السُرة: انت باقيلي جنيتي الكرقي ألتي المن تالا التُكل ماها ملاصقاهم..
يوما اسمع في الطووووووووووووط طوووووووووط.. مديت راسي من فوق الحيطي
لقيتو مفنوس ومادي صلبو علي الضُل ويضرط
- البتول: الله يقلعك انت ههههههههه.. حمدت ربي ماني ملاصقاكي
- آمنة: عاد ارمي بت لي جنس الطووووووووووط دا ؟
- خادم الله: اتاريها وكتين شافتك عيونها بقن يرمشن دلقان الطاحونة
وكتين الدقيق يجي نازل
- آمنة: هي كدي.. خلننا النكمل ميزنا دة ونمشي علي أهلنا
كملن وزيع الميز وجوا البُطان من المدرسة سالموهن
- سكينة: تعالوا يا الحبان كل واحد فيكم عندو عندي حلاوة حربة
- البتول وقفت علي حيلها: بعدين بدري عليكن الله دايري آخد كبتي
وامشي فسراع علي بيتي..
- السُرة: قادر الله باقيلي ماكي مشهداهو الخرابة.. بتكتليهو
- خادم الله: باقيلي تتفدع قدامو وتهزهز في المخدات الشايلاهن وراها ديل
والراجل يقعد يجوعر.. ماني شايفاهو ختالو كرسي برة من جا
- سكينة: وووووب عليكي قامن عليكي.. امشي علي بيتك ولااابعدين
- البيتول: عاد انا بقدر عليهن هههههههههههه
.....
39sd
- نواصل -
66sd

ابو الهول
09-02-2010, 12:46 AM
66sd66sd
ياناس عووووووووك -
راعوا عامل السن ههههههه
لا ضقنا ضريرة لا حنة ؟
:36_1_56:
تقوموا بينا طوااااالي بنمرة خمسة
ودخاخينكم ضاربة
http://www.sudanelite.com/vb/images/smilies/36_6_8[1].gif

ابو الهول
09-02-2010, 01:05 AM
66sd66sd

http://dc10.arabsh.com/i/01930/qo4zml2l2qbm.jpg

احححححح
113ds11116ds39sd:10_5_137:
والله العظيم دى مع شلة سكينة ضبح عديل
:5_7_8:

ابو الهول
09-08-2010, 12:35 AM
23fd11ds23fd


http://www.alwatan.com.sa/news/images/newsimages/2685/caricature/0502.mis.p35.n35.jpg

كتير بنسمع انو الزوجة - صديقاتها لهن
تأثير كبير على حياتها الزوجية هل
هذا صحيح؟؟؟؟
:36_1_21::36_1_21::36_1_21:

ابو الهول
09-11-2010, 12:51 AM
98sd:21_129:
(12)
:21_129:
سكينة: حنان يا بتي خالاتك مخرفات خليهن في خرفن دة
- حنان: عارفاهن يا خالتي سكينة.. هن خرفن من هسي
- السُرة: الرسول آآآآحنان بتي مالك ماكي دايري تلدي لي هسي
- حنان: يا خالتي السُرة ماني دايري اتهجر بالبُطان من هسي
خليني استمتع بي حياتي ياخي انا وراجلي
- خادم الله: اييي شوف المطرطشة نان المتعي دي مو ياها البُطان
دحين الله ما قال القروش والبُطان سمحين
- حنان: خالتي خدوم قرآن شنو دة القاطعاهو من راسك دة
الله قال المال والبنون زينة الحياة الدنيا
- خادم الله: انا شن عرفني بيهو تراهو عمك وكتين يجي من الجامع
بسمع فيهو يقرأ في القرآن ومرات يبقالي قاعد يقول البُطان
- آمنة: هي حليل ابوي داك ان بقى دة قرآنك هههههههههه
- السرة: هي وين تعرفلكن القرآن ليلها ونهارها تاكل وتلوغد في التركين هههههه
- خادم الله: عاد فراغك .. ابوي ماهو فكي
السُرة: انتي يا البتول الليلي مالك مكوضمي.. الفي شنو
سكينة شافت في البتول وبقن يضحكن الاتنين
حنان اتقولعت وهي ماشي علي الحفرة ألت الدخان قرصتها السُرة في صُلبها
وقالتلها: كدي كدي كدي عاد ليه حق الراجل ماهو داير يجيب البُطان من هسي
اتاريهو لاقي النصايب العلي لُقمة البكا ديل يتهوززن قدامو وهو يجوعر
- حنان (دخلت تحت الشملة): غايتو ما بسألك يا خالتي السُرة.. ماك نصيحي شي
- خادم الله: انتو بنات الهرمي ديل (سكينة والبتول) ساكتات كدي باقيلي عنهن فهم
- سكينة: والله عندنا فهم علي خايفات من لسناتكن
- آمنة: الرسول في شنو يا الشايقيي
حنان قامت من الحفرة ودخلت امها آمنة ومدتلها بُرطمان الكركار
اتمسحي يا بتي الطلح دة كافر بيشقق جسمك
حنان قعدت في بنبر امها زي الله ما خلقها وقعدت تتمسح
- سكينة: هووووووووي دايري اقولكن شي الرسول لا تشيلن حال البتول
- السُرة: انت ما تقولي تولدينا
- سكينة: البتول حامل
- خادم الله: ايووووووووووووووووووووي كدي كدي.. انا عارفاها الحفري دي
غير البُطان ماها قاعدي تجيبلنا شي
النسوان بقن يغنن ويصفقن: السمحة حد الريد.. جيبيلو الوليد
السرة قامت ترقص ونصل منها توب الجارات المهلهل داك والشطور بقن يتلولحن
علي مُعلاق اللبن.. وسكينة ميتي من الضحك.. السرة مشت علي البتول وادتها الشبال
بدل تضربها بي شعرها ضربتها بالشطور.. والنسوان انفقعن ضحك
- خادم الله: باقيلي ليلكن ونهاركن كنتو تحفروا فشان كدي حملتي فسراع
- سكينة: خدوم الطرقة قمتي علي الجن.. ما قلنالك المرة من قبيل خجلاني
- السُرة: (ولعتلها سجارة برنجي) عاد البتخجلها شنو وكتين تشوبح في رجلينها
ماها عارفي الشوبيح دة قاعد يجيب البُطان..
تاني رجعن لي غناهن ورقيصن وصفقتن.. وحنان قاعدي وسطن ميتة من الضحك..
كملن دخانن وباركن لي البتول وقرصنها في أوراكها زين.. ومشن علي بيوتن -
- نتابع -
:ah8::ah8:

ابو الهول
09-11-2010, 01:03 AM
98sd:ah8:98sd
(13)
:ah8::ah8:
النسوان قبل ما يمشن البتول قالتلهن باكر مسوين كرامة ابو الوليدات
وهو قال بيكلم الرجال في صلاة المغرب في الجامع
- البتول: اوعكن واحدي فيكن ما تجي
- خادم الله: ما دام عازمين الرجال البقعدنا شنو في بيوتنا هههههههههه
- البتول: دة كلامك ابو محمد هسي بيكون كلمهم في الجامع
- سكينة: الرسول آآآلسُرة باكر تجيبي الودع اليلك
- السُرة: سمح جيبن بياضكن بس
- البتول: سكينة الرسول تجيني بدري.. مافي زول بيقدر علي الخرفان ديل غيرك
- سكينة: بس تشرق بجيكي
مشن علي بيوتنا.. عشن وليداتن وكل واحدي مشت علي عنقريبها..
98sd
اصبحت الدنيي سكينة سوت الشاي لي وليداتها وابوهم وجري مشت علي بيت البتول
لقت الخرفان يكسروا فيهن والضباح يسلخ في خروف معلق في الباب
سلمت ودخلت لقت البتول تقطع في البصل ومعاها اختها جات من ام درمان بي وليداتها
قالدتها وقعدت في البنبر الكبير وختت طشاشة اللحم وقعدت تنضف في التوم
والبتول جابتلها براطمين البهارات ختتن في طربيزة صغيري جنبها
وجابتلها المقصوصة والكانون الكبير وختت فيهو صاج الشية
سكينة ختت اللحمة في الضاج وكبت فيهو البهارات وغتتو بالصينية
وفي الكانون الصغير جابت صاجد الشية الصغير وقطعت فيهو الكبدة والقلب وكلاوي الخرفان
والبتول تبلت شية الجمر وجابت الشواية والكانون جنب اختها فشان تبدأ تشوي
- سكينة: شية الجمر دي خليها شوية لامن نكون خلاص دايرين نودي الاكل للرجال
- البتول: سمح.. خليني اخلط الجوافة دي عشان الرجال وكتين يجوا يقابلهم بيها ابو محمد
- سكينة: ضيوفكم كتار يا دي
- البتول: بري بس راجل اختي واخوان ابو محمد الاتنين ورجالكن
- سكينة: نان الخرفان ديل كلهن لي شنو
- البتول: بري يا سكينة اخير الشي يزيد وما ينقص
- سكينة: ما شاء الله خيركم كتير
- البتول: الحمد لي الله
98sd
شويتين جن آمنة وخادم الله والسُرة وصوت الرجال في النسوان يقرقروا
الفطور جهز.. السُرة قطعت العيش ورصتوا فوق الكسرة في الصواني
وآمنة ملحت ام رقيقة وخادم الله غرفت اللحمة وصحانة الشية بقت تتطاقش
البتول جابت الطُباقة من المخزن وغتت الصينية ودقت شباك الصالون من تالا
المطبخ..
ابو محمد مدا راسو: خلاص جاهزين
-البتول: جاْهز ابوي
- السُرة لكزت سكينة: شفتي بت الغلفا دي تكسر في حسها كيفن
- سكينة هههههههه (مسحت دموعها من الضحك): الله يقلعك يا خرابة
ابو محمد واخوانه جوا شالوا صواني الفطور وصبارة الموية -
فطروا الرجال وشربوا شايهم وفرشوا الطربزة بي ملاية
ومرقوا كوشتينتهم وابو محمد شغال يكاوي في حاج احمد:
والله الليلة اجرك ستين خمسين يا حاج احمد
- حاج احمد: كدي وزع النشوف رجالتك
98sd
النسوان قامن يفطرن.. وينضاحكن شربن شاين
ومشن علي البرندة اللاااجوة والسُرة طلعت الودع وفرجخت في الواطة
- السُرة: يلا يا بنات امي ارمن بياضكن
سكينة رمتلها طرادة وخادم الله ريال والبتول ختتلها خمسين قرش
السرة كشحت الودع واحدي منه طارت علي البتول
السكينة سكتت وجرتلها ودعاية جنب التانية وقالت للبتول:
البتول اختي جاييك سفر بس ماني عارفاهو لي وين
- البتول: ان شاء الله يكون لي بارا اشتقت اتمردغ في رملة بيتنا
- سكينة: لا يبقى الراجل داير يسوقك معاهو
- البتول: تراهو من جاء ينقنق قال ما بيقعد تاني براهو
- خادم الله: النصيحي لي الله راجلك لليلي صغير وانت ذاتك صغيري
كيفن قدر يصبر علي فراقك وفراق وليداتو
- البتول: يا خادم الله ماني دايري السفر يعلم الله.. خايفي من
القفلة ألت اختي حسنة في السعودية.. كلما تضرب تليفون تشكي وتبكي
- آمنة: ان بقى راجلك صمم ما عندك حل ياكي المسافري
كملن النسوان رمي الودع وتفسيرات السُرة وتاني جابنلهن شاي
البتول جابت المسجل وشغلت شريط لي عبد القادر سالم
الجابني للبرضا.. العمري ما بنسا
قامت البتول واختها يرقصن في المردوم وباقي النسوان يصفقن
سكينة: يا السرة شوفي الخرابة دي ترهرج في صُلبها كيفن
النصيبة تقول ماهو ملصوق فيها.. يترهرج علي الجلي وكتين يكونوا شايلنوا في الصحن
- خادم الله: بت الغلفا قايلي الراجل داير يخلي الصُلب دا وراهو يمشي
يمين ان بقى خلا الخرابة دة ورجع لي غربتو هاكي (مدت اصبعها الوسطاني لي البتول)
- سكينة ميتة من الضحك: وحات ربي ماها نصيحي المرة.. شوفي الشطور تلولح فيهن
كيفن علي كورة الشراب وكتين يعلقوها الشُفع في النيمايي
البتول تضحك وترقص من اول البرندة لي آخرها والنسوان يصفقن
تمن رقيصن وقامن علي العدي غسلنها ورصنها تاني في المطبخ ورجعن
الطُباقة والكوانين والكُومش للمخزن..
ان شاء الله عامرين يا ناس
يا اخوانا ما بدري
لا لا لا ياخي نمشي نشوف بيوتنا كمان
ومشن علي بيوتن -
46فقف
- نتابع -
:21_129:

عبدالله قاسم
09-15-2010, 03:28 PM
الحبيب ابو الهول

وصف دقيق ومفصل وجميل باسلوب سوداني قح ,,,,,,,,,,,,منتظرين المزيد من الابداعات ,,,,واصل ونحن بانتظار المزيد والجيد والمميز ,,,,,,,,,,,,

ود الشيخ عبدالله قاسم

ابو الهول
09-20-2010, 01:01 AM
:21_131:
[quote=عبدالله قاسم;29724]الحبيب ابو الهول

وصف دقيق ومفصل وجميل باسلوب سوداني قح ,,,,,,,,,,,,منتظرين المزيد من الابداعات ,,,,واصل ونحن بانتظار المزيد والجيد والمميز ,,,,,,,,,,,,

ود الشيخ عبدالله قاسم
lkj,mmm
- ( 14 )
كو كو كو
- سكينة: منو الفي الباب ؟
- خادم الله: البو اليشقك.. افتحي الباب انا قاشر الله -
- سكينة: قاشر الله مالك.. متين اصبحت هي ؟
- خادم الله: اريتو خبر السواااااااااااد يا بت امي -
- سكينة: وقعتي قلبي مالك يا خرابة ؟
- خادم الله: آمنة ابوها مات والخبر جاها هسي دا -
- سكينة: لا حولة ولا قوة الا بالله...وووووب عليها عاد
انتظريني النلفح توبي واجيكي -
- خادم الله: اسرعي نغشى البتول معانا
- سكينة: السرة كلمتوها ؟
- خادم الله: اييي كلمتها وقالتلي السفر لي سقادي محمدنا ههههههههه -
- سكينة: هي الخرابة دي حتى في البكا تسوط ...
عاد ما بيبقى لازم نسافر معاها ياها اختنا -
- خادم الله: كدي النغشى البتول ونتفاهم في الطريق -
lkj,mmm
اتلمن النسوان ومشن علي بيت آمنة ولقن الدنيي مقلوبة -
وآمنة من شافتن بقت تنطط لااااافوق لابسالا فردي بيضاء
ونصها محزم: حييي وووووب حيييي وووووووب حييي وووووب حيييي وووووووب
حييي وووووب حيييي وووووووب حييي وووووب حيييي وووووووب -
اتقالدن النسوان الخمسة يبكن ويتنخجن والنسوان يقوللنهن: استغفروا استغفروا -
جاء اخو آمنة وقالهن - اجرنا بص بيجي بعد ساعة ونص -
23fd
اتلمنا السرة وخادم الله والبتول وسكينة وشوشن لي بعضن وكل ويحيدي فيهن
جابت اختها تقعد مع بُطانها في البيت..
ومشن علي بيوتن كل واحدي جابتلها شي.. الجات شايلالا سكر في جرادل
والجابتلها قُفاف ألات دقيق والجابتلها جرادل ألات فول والجابت الويكي
وكل واحدي جابتلها غيار وجابولم شنطي صغيرونيي من البتول ختن فيها
هدماتن وشالن قروشن ختنها عند سكينة وركبن البص مع اهل آمنة ؟
البص ماشي والنسوان يبكن: الليلة وووووب يا صمدنا
وووب علي الما حضرتك يا ابوي.. ووووووب يا علي يا حشاي -
هن في الحالي دي لامن وصلن المحمية وعدن بالبنطون علي سقادي
ولقن الدنيي تعوج وتموج.. وآمني نطت من البنطون في الواطة
وبقت تدردق وجن اخواتها شالنها من الواطة غمراني ضُمة ضُمة -
:36_1_21:
النسوان باكن النسوان وطوالي دخلن علي المطبخ ونزلن الفول والدقيق والويكي
والبصل والسكر ..
وطوالي اتحزمن في المطبخ قطعن البصل وجابن الشرموط
لي سكينة وبقن يسون في الملحات والسُرة وخادم الله يعوسن في الكسري والفطير -
والبتول تملح وترص في الصواني وتنادي للولاد فشان يشيلو الاكل
وقفن لامن غدن الناس كلهم وطوالي شدن الفول فشان العشاء -
وجن قعدن جنب آمني في البرش جنب النسوان.. كلما تجي واحدي تبكي
مع آمني يقومن يبكن معاها..
ويستغفرن
-خادم الله: انت دي منو البتتباكا من غير دموع دي وتلكز في راس آمني دي
- سكينة: نان شن عرفني بيها
- خادم الله: شوفيها تلكز في راس آمني كيفن وتقشقش في نخرينها وهن ما فيهن شي -
- السرة: باقيلي فشان تشوفها.. باقي الجعليات ما تجيها في العرس لكن ان ما جيتيها
في البكاء عاد الله قال بي قولك -
ونسوان من سقادي يقطعن: انت يا دي ديل منن الجنب آمني ديل ؟
- ديل جاراتها قالوا في الخرطوم
- عاد اريتن جارات السرور.. بالله وقفن في المطبخ لامن غدن الناس ؟
- اييي يا بت امي حتى الدقيق والسكر والشرموط جايباتنو معاهن من هناك
- قادر الله عاد دي الجيرة ولا بلاش
السُرة: في اضان خادم الله:
انت دي شنو دي الراسمي الحني في قعر رجلها دي ؟
- خادم الله: شن عرفني الخرابة باقيلي جايي عرس -
- البتول: يبقى عروس يا جماعة لا تشيلو حالها -
- سكينة: اييي عروس شنو الخرابة كانت شايلالا شافع في صفحتها -
- السُرة: بري منهن عاد نسوان الزمن دة.. شوفيها راسمالا عقرب في قعر رجلها
- خادم الله: العقرب التلدغها..
- سكينة: هههههههههه مالك عليها ؟
النسوان وكتين مغربت الدنيي سون شاي المغرب ودخلن يطعمن في الفول
ويرمن في الطعميي.. وبعد صلاة العشاء سون العشاء للناس
وبقن صاحيات لامن غسلن العدة..
23fd
ومع صلاة الصبح قامن سون الشاي
وجاء اخو آمني وقالهن يا جماعة شكرا ونجيكم في الخير ان شاء الله
البص بيرجع هسي ..
بارك الله فيكن
- آمنة: قومن يا بنات امي تمشن علي بيوتكن وولادكن.. الله يعدلها عليكن
قالدنها وبكن زيييييييييييين ومشن علي البنطون وعدن علي المحمية
وركبن البص مع اهل آمني الراجعين الخرطوم.. ووصلن لي بيوتن..
...
- ونتابع -
11ds

عبدالله قاسم
09-20-2010, 09:37 AM
الحبيب / ابو الهول

صوره مشرقه ومضيئه عن التكافل الاجتماعي الذي يتميز به الشعب السوداني دون سائر شعوب الارض وهي من القيم العليا والنبيله ورغم الضغط الاقتصادي الذي يزداد يوما بعد يوم لا زالت هذه القيمه الاخلاقيه صامده,,,,,,,,,

ود الشيخ عبدالله قاسم

ابو الهول
09-20-2010, 11:43 PM
98sd:ah8::11_6_206:
:012:
- ونواصل -
21dfg

ابو الهول
09-22-2010, 12:14 AM
[quote=ابو الهول;29854]98sd:ah8::11_6_206:
:012:
- ونواصل -
21dfg
- ما علينا ونواصل -
:36_1_33:
سمح العلم ....لكن بعد ما شاخ دخلو الكتاب
25dfgdf
غايتو ناس ندى القلعة وحرم النور ما عملو فينا فايدة بالغنية دي ....
sdfiu78
اغنية دائما ما تدندن بها حاجة ؟؟؟ (حبوبتي) وعلى العليها الحس بقى مقروش ومع مطلع كل حرف تمسكها ما يسمى بالعشراقة وتستنجد بكوز من الماء وتكشحو في حلقها - قال شنو اوتاري الصوتية اشتبكت في بعض ...
لا بالله هي فضلت فيها اوتار صوتية غايتو كان كده ناس الطب ديل تعبانين سااااااااااي بالقراية طالما حبوبتي برغم اميتها عرفت تشخص الحالة بسرعة البرق -
522ds
في يوم من الايام وانا قاعده جنبها شغالة بالجهاز الحظها في صمت عجيب ما عهدتو منها قبل كده وكانت تستمع بتمعن غريب لطقطقات لوحة المفاتيح ومصاحبو كحيل بالجنبة كده نظام البت دي بتهبب في شنو وفجأه كان السؤال :
- انتي يا مقطوعة الطاري النصيبة الفي يدك ده بتعملي بيهو شنو صدعتيني ياخ طق طق طق فوق راسي من قبيل وهو ده زاتو شنو
-انتي يا حبوبة ضرتك انا ولا كاتلة ليك رقبة مالك قاطعة طاريني انتي كان موستغنية مني امي وابوي دايرني ياخ ايه تعامل الجواري البتعامليني بيهو ده
-جواري دي شنو كمان حا اعتبر نفسي ما سمعتك ياااااااا... يا مقطوعة الطاري ولسانك ده يوم انا بجزو ليك من حتتو ابقي عليهو عشرة سمح طالما نويت بسويها -
-غايتو كان كده تاني بري الواحد زاتو لا يشتاق ليكم لا يجي يقعد معاكم
-هسي خليني من الكلام الفارغ ده بتعملي في شنو والبتطقطي بيهو ده شنو ؟
- ده اسمو لابتوب يا حبوبة وشغالة بيهو في النت -
-اهاااااااا لاس توب لا كويس اها والنت ده شنو يعني بتعملو فوقو شنو ؟
sdfiu78
(غايتو الحاح عجيب صدق المثل البقول بعد ما شاب دخلو الكتاب) 25dfgdf
-لاس توب شنو يا حجة هو انتي اسمو ساي ما عارفة تنطقيهو كمان دايرة تعرفي نت ده شنو ؟
- يا بت جاوبيني على حسب سعالي وبس -
- اوكي وكان عرفتي اوكي دي زاتا تكوني ولا فاضية - لنيوتن زاتو -
- قلتي شنو ؟
- لا ولا شي النت ده يا حجة بطريقة مبسطة وعلى حسب كمية الذكاء الجارية في عروق المخيخ حقك بخليك عارفة اخبار الدنيا دي كولها كده واي شي دايراهو ولا بتفتشي عنو تلقي في النصيبة ده -
(لقيتا مبحلقة فيني وحسيت انو الكلام ما وقع ليها لكن قلتا اشوف ردت الفعل شنو يكون الموضوع موعقد بالنسبة ليها وتتنازل وتنساه لكن وييييييييييييين زي اللبانة بس) -
-امممممممممممم اها فهمتا يلا انتي الفاتحاهو ده شنو ؟
- واااااااااااااي من عدم الشغلة ده اسمو فيس بوك ياخ ؟
وفيهو شنو التيس لوك ده ؟
- تيس الينطحني انا يا حبوبة عشان ارتاح من التعذيب البطيء المعاك ده.... ده ياخ بعرفو بيهو اخبار الاهل والاصحاب شنو وكمان برضو حاجات تانية كتيرة ؟
103gfhgf
- اهااااااااا كدي شوفي لي خبر نفيسة بت عمتي لي زمن منها الزولة دي -
- نفيسة بتاعت الساعة كم نفيسة دي تكون هسي بقت بترول كان من زمنكم داك وكان عايشة لحدي هسي فيس بوك شنو في العمر ده البتقعد فيهو - هسي الفيس بوك دا بخليهو -
- يا بت انا دايرة اعمل تيس لوك وريني كيف ؟
- كدي لمن تعرفي تنطقيهو اول ويشيلو ليك الموية البيضا من عيونك ديل بعداك تعالي قولي دايرة تيس ولا معزة -
sdfiu78sdfiu78sdfiu78
وهنا غلبني اواصل الحديث ولحدي الليلة في ذهول من الطلب ده ؟ ومن الكلام أياهو ؟
sdfiu78
ولحدي امس والليلة وبكره حاجة ؟؟ تلح في طلب التيس لوك وتستمر بغناء اغنيتها المفضلة -
سمح العلم سمح الشهادة
نحنا زمنا فات -
25dfgdf
وياخي وقت عارفة زمنك فات -
تيس شنو وخرفان شنو ليك
الظاهر كدا الحاجة زمان كان عندها طموح لعمل زريبة في حوش البيت ورا -
- 125467465 -
- وطبعا في المنتدي ما ممكن ؟
- ونواصل -
sdfiu78sdfiu78

ابو الهول
09-22-2010, 01:33 AM
sdfiu78sdfiu78

أريتو يا ؟؟ أدبك أدب البنات لي حدهن..
- شادية -
522ds
حدثني حاج (ياسين) إنه ولدو (محمود) الذي تم (عقد قرانه) في الصيفية الفاتت على (بت خالتو) -
مع العلم بأنه أختارها بنفسه وليست (أمه ولا أبيه) قد حصل بينهم خلاف وهو إنه (محمود) وجد وظيفة ويعمل بها بعد تخرجه من (هندسة طيران) في جدة..
إقترح على (عروسته) عمل الزواج هناك في السودان والقدوم إلى جدة للعيش في بيت الزوجية..
ولكن حدث مالم يكن في الحسبان وهو أن (العرس) وهي خريجة (قانون) قالت: (حالفة ومتيمنه ومتنضره) إلا تجو كلكم هنا في السودان وتسو العرس وتخسروا خسارات رهيبة حتى تتم الدخله..
sdfiu78
فما كان من محمود إلا أن قال لها:
لا يمكن انا ظروف شغلي كده..
فما كان من العروس إلا ان قالت له (طلقني) فقال لها (محمود) بطلقك بس بي مزاجي..
ردت عليه وقالت ليه: ما مشكلة (أنا براااي بطلق روحي) وفي ستين داهية..
sdfiu78
أها الحاجة قبل كده حكت لي قصة مشابهه بس تختلف في (المنطق) وهو أن (شادية) خريجة (إقتصاد جامعة الخرطوم) قال لها زوجها (عفيف) -
وهم حديثي الزواج إنه تم نقله إلى ديوان الضرائب ب (المناقل) وهم يقطنون مدينة (ود مدني) وقال لها نحن لا نملك غير (اوضة النوم) عشان ساكنين مع أهل زوجها بس عندها غسالة في كرتونتا..
قال لها كيف الحال بكون؟! وكان يستمع للحديث أخو (عفيف) وهو محامي مشهور..
قالت شادية: إذا جبت (زير مويه) بملاهو وبنشرب منه.. وإذا جبت (الفحم) الكانون عندي بولعه بسوى الأكل وبنعيش أحسن عيشه..
sdfiu78
فقال لها زوجها: عفيت منك دنيا وآخره
آها يوم الرحيل وبعدما تم رفع كل العفش في (اللورى) من شنط وأوضة النوم والغسالة..
sdfiu78
فإذا بلوري يقف امام الباب وهو محمل بي (ثلاجة جديدة لنج وبوتجاز 5 عيون مع فرن + طقم مطبخ كامل مستورد) فكانت هذه هدية أخو عفيف (المحامي) لاخية بمناسبة رحوله وبمناسبة مقولة زوجته الأصيلة والتي تزن وزنها ووزن أهلها ذهبا
sdfiu78
آها يا جماعة الخير رأيكم شنو في حواء الاولانية وحواء الثانية؟
522ds

ابو الهول
09-23-2010, 12:16 AM
sdfiu78sdfiu78sdfiu78
- وشنو العرس - بلا شيلة -
- بس شيلة من ماليزيا -
- والأهم سلامة الأقدام - ؟

http://img150.imageshack.us/img150/6756/strangeshoes25ng2.jpg

http://img150.imageshack.us/img150/695/strangeshoes06ej3.jpg

http://img150.imageshack.us/img150/4447/strangeshoes07nw2.jpg

http://img150.imageshack.us/img150/8738/strangeshoes24io4.jpg

http://img150.imageshack.us/img150/2729/strangeshoes15qe4.jpg

http://img150.imageshack.us/img150/8250/strangeshoes16ou1.jpg

http://img262.imageshack.us/img262/5743/strangeshoes36qe3.jpg

http://www.impactlab.com/wp-*******/uploads/2009/03/high_chair_shoes.jpg

http://img150.imageshack.us/img150/3868/strangeshoes05om2.jpg

http://oursurprisingworld.com/wp-*******/uploads/2008/06/strange_shoes_06.jpg

http://img150.imageshack.us/img150/2637/strangeshoes21dk2.jpg

:21_132:5111tkj25dfgdf

ابو الهول
09-23-2010, 01:32 AM
sdfiu78sdfiu78

هل جربت يوما من الايام ان تفكر جديا في العرس
:21_144:
عشان تجيك بلوى
تحرمك من النوم
تفسد عليك مذاق الطعام
تجعل نهاراتك مظلمة
25dfgdf
إن فكرتم
فإليكم النصيحة
فأنا خبرة في الاناث
واخاف منهم جدا
كخوفي من حفار القبور
واليكم النصيحة
sdfiu78
لا تأمن الانثى ابدا
فهي كالثعبان
وقد فعلت زليخا بيوسف عليه السلام ما فعلت
وقد اهلكت شمشون الجبار دليلة الانثى
وهن اكثر اهل النار
وكيدهن عظيم
وهن النكد والهم
522ds
وهن من خلقن من ضلع اعوج أن حاولت ان تقيمه انكسر
وحواء من اخرجت ادم من الجنة
:21_144:
وبعد دا كلو نمشي نعرس
قال عرس قال
وهن دايرات شيله
وستة ستة
وعشرة عشرة
وشيلة اكل
وريحة
وحفلة
وبعدين يجي هم الحمل
والوحم
وما ادراك ما الوحم
والدكتور ومصاريف متلتلة
والراجل المسكين ما بيعرف أن آخرته (طالع شايل ونازل شايل )
وبعد دا كلو الخوف تلد ليك ( متخلف ) -
:21_144:
ويا انثى نسال الله ان يبعدك عنا
25dfgdf
- أنتي - دوشة دماغ - سااااااكت ؟
5111tkj5111tkj

عبدالله قاسم
09-23-2010, 12:06 PM
وبعدين يا ابو الهول ,,,,,,,انت منطقك عالي ويصعب مقارعتك في النقاش ,,,,,,,,,لكن قبل الرد ننتظر رد الاناث للثأر من هذا الحديث الغليظ وبعدين عندنا كلام طويل وعريض مع الحبيب ابو الهول ,,,,,,لانو جنس الكلام ده ما بيقولوا الا ( االممكون صدقوني) الظاهر قريبا سيقع الفارس فيما يعترض عليه ظاهريا ,,,,,ولا كيف يا جماعة الخير ,,,,,,,,,,,,

ود الشيخ عبدالله قاسم

ابو الهول
09-28-2010, 01:00 AM
45rtyyr

فتاة في المرحلة الجامعية - كلية الآداب - قسم علم نفس ولها أخوات ثلاث، منهن من تدرس في المرحلة الثانوية والأخريتان في المرحلة المتوسطة.
وكان الأب يعمل في محل بقالة ويجتهد لكي يوفر لهم لقمة العيش. وكانت هذه الفتاة مجتهدة في دراستها الجامعية، معروفة بحسن الخلق والأدب الجم كل زميلاتها يحببنها ويرغبن في التقرب إليها لتفوقها المميز - 34ds

قالت : في يوم من الأيام خرجت من بوابة الجامعة، وإذ أنا بشاب أمامي في هيئة مهندمة، وكان ينظر إلي وكأنه يعرفني، لم أعطه أي اهتمام، سار خلفي وهو يحدثني بصوت خافت وكلمات صبيانية مثل: يا جميلة… أنا أرغب في الزواج منك.. فأنا أراقبك منذ مدة وعرفت أخلاقك و أدبك. سرت مسرعة تتعثر قدماي.. ويتصبب جبيني عرقأ، فأنا لم أتعرض لهذا الموقف أبداً من قبل. ووصلت إلى منزلي منهكة مرتبكة أفكر في هذاالموضوع ولم أنم تلك الليلة من الخوف والفزع والقلق -
45rtyyr

وفي اليوم التالي وعند خروجي من الجامعة وجدته منتظراً أمام الباب وهويبتسم، وتكررت معاكساته لي والسير خلفي كل يوم، وانتهى هذا الأمر برسالة صغيرة ألقاها لي عند باب البيت وترددت في التقاطها ولكن أخذتها ويداي ترتعشان وفتحتها وقرأتها وإذا بها كلمات مملوءة بالحب والهيام والاعتذار عما بدر منه من مضايقات لي. مزقت الورقة ورميتها وبعد سويعات دق جرس الهاتف فرفعته وإذا بالشاب نفسه يطاردني بكلام جميل ويقول لي قرأت الرسالة أم لا ؟
قلت له : إن لم تتأدب أخبرت عائلتي والويل لك.. وبعد ساعة اتصل مرة أخرى وأخذ يتودد إلي بأن غايته شريفة وأنه يريد أن يستقر ويتزوج وأنه ثري وسيبني لي قصراًويحقق لي كل آمالي وأنه وحيد لم يبق من عائلته أحد على قيد الحياة و.. و.. و..فرق قلبي له وبدأت أكلمه وأسترسل معه في الكلام وبدأت أنتظر الهاتف في كل وقت. وأترقب له بعد خروجي من الكلية لعلي أراه ولكن دون جدوى وخرجت ذات يوم من كليتي وإذا به أمامي.. فطرت فرحاً، وبدأت أخرج معه في سيارته نتجول في أنحاء المدينة، كنت أشعر معه بأنني مسلوبة الإرادة عاجزة عن التفكير وكأنه نزع لبي من جسدي -
:0011:
كنت أصدقه فيما يقول وخاصة عند قوله لي أنك ستكونين زوجتي الوحيدة وسنعيش تحت سقف واحد ترفرف عليه السعادة والهناء .. كنت أصدقه عندما كان يقول لي أنت أميرتي وكلما سمعت هذا الكلام أطير في خيال لا حدود له وفي يوم من الأيام وياله من يوم كان يوماً أسوداً ... دمر حياتي وقضى على مستقبلي وفضحني أمام الخلائق ، خرجت معه كالعادة وإذا به يقودني إلى شقة مفروشة ، دخلت وجلسنا سوياً ونسيت حديث رسول الله صلى الله عليه وسلم : " لا يخلون رجل بامرأة إلا كان ثالثهما الشيطان" رواه الترمذي -
34ds

ولكن الشيطان استعمر قلبي وامتلأ قلبي بكلام هذا الشاب وجلست أنظر إليه وينظر إلي ثم غشتنا غاشية من عذاب جهنم.. ولم أدر إلا وأنا فريسة لهذا الشاب وفقدت أعز ما أملك.. قمت كالمجنونة ماذا فعلت بي؟ - لا تخافي أنت زوجتي. - كيف أكون زوجتك وأنت لم تعقد علي. - سوف أعقد عليك قريبأ. وذهبت إلى بيتي مترنحة، لا تقوى ساقاي على حملي واشتعلت النيران في جسدي..
يا إلهي ماذا أجننت أنا.. ماذا دهاني، وأظلمت الدنيا في عيني وأخذت أبكي بكاء شديداً مراً وتركت الدراسة وساء حالي إلى أقصى درجة، ولم يفلح أحد من أهلي أن يعرف كنه ما فيَّ ولكن تعلقت بأمل راودني وهو وعده لي بالزواج، ومرت الأيام تجر بعضها البعض وكانت علي أثقل من الجبال ماذا حدت بعد ذلك؟؟ كانت المفاجأة التي دمرت حياتي..
دق جرس الهاتف وإذا بصوته يأتي من بعيد ويقول لي.. أريد أن أقابلك لشيء مهم.. فرحت وتهللت وظننت أن الشيء المهم هو ترتيب أمرالزواج.. قابلته وكان متجهماً تبدو على وجهه علامات القسوة وإذا به يبادرني قائلأ قبل كل شيء لا تفكري في أمر الزواج أبداً .. نريد أن نعيش سوياً بلاقيد... ارتفعت يدي دون أن أشعر وصفعته على وجهه حتى كاد الشرر يطير من عينيه وقلت له كنت أظن أنك ستصلح غلطتك..
ولكن وجدتك رجلاً بلا قيم ولا أخلاق ونزلت من السيارة مسرعة وأناأبكي، فقال لي هنيهة من فضلك ووجدت في يده شريط فيديو يرفعه بأطراف أصابعه مستهترا وقال بنبرة حادة .. سأحطمك بهذا الشريط قلت له : وما بداخل الشريط. قال : هلمي معي لتري ما بداخله ستكون مفاجأة لك وذهبت معه لأرى ما بداخل الشريط ورأيت تصويرأ كاملأ لما تم بيننا في الحرام. قلت ماذا فعلت يا جبان...
ياخسيس..قال: كاميرات "خفية كانت مسلطة علينا تسجل كل حركة وهمسة، وهذا الشريط سيكون سلاحأ في يدي لتدميرك إلا إذا كنت تحت أوامري ورهن إشارتي وأخذت أصيح وأبكي لأن القضية ليست قضيتي بل قضية عائلة بأكملها؟ ولكن قال أبداً ..
والنتيجة أن أصبحت أسيرة بيده ينقلني من رجل إلى رجل ويقبض الثمن.. وسقطت في الوحل- وانتقلت حياتي إلى الدعار - وأسرتي لا تعلم شيئأ عن فعلتي فهي تثق بي تمامأ. وانتشر الشريط.. ووقع بيد ابن عمي فانفجرت القضية وعلم والدي وجميع أسرتي وانتشرت الفضيحة في أنحاء بلدتنا، ولطخ بيتنا بالعار، فهربت لأحمي نفسي واختفيت عن الأنظار وعلمت أن والدي وشقيقاتي هاجروا إلى بلاد أخرى وهاجرت معهم الفضيحة تتعقبهم وأصبحت المجالس يتحدث فيها عن هذا الموضوع. وانتقل الشريط من شاب لآخر. وعشت بين المومسات منغمسة في الرذيلة وكان هذا النذل هو الموجه الأول لي يحركني كالدمية في يده ولا أستطيع حراكأ؟ وكان هذا الشاب السبب في تدمير العديد من البيوت وضياع مستقبل فتيات في عمر الزهور.
وعزمت على الانتقام .. وفي يوم من الأيام دخل عليّ وهو في حالة سكر شديد فاغتنمت الفرصة وطعنته بمدية. فقتلت إبليس المتمثل في صورة آدمية وخلصت الناس من شروره وكان مصيري أن أصبحت وراء القضبان أتجرع مرارة الذل والحرمان وأندم على فعلتي الشنيعة وعلى حياتي التي فرطت فيها
وكلما تذكرت شريط الفيديو خُيل إليّ أن الكاميرات تطاردني في كل مكان. فكتبت قصتي هذه لتكون عبرة وعظة لكل فتاة تنساق خلف كلمات براقة أو رسالة مزخرفة بالحب والوله والهيام واحذري الهاتف يا أختاه .. احذريه.
وضعت أمامك يا أختاه صورة حياتي التي انتهت بتحطيمي بالكامل وتحطيم أسرتي ، ووالدي الذي مات حسرة ، وكان يردد قبل موته حسبي الله ونعم الوكيل أنا غاضب عليك إلى يوم القيامة
!!!!!! مـــا أصعبــــــــــــــــــها من كلمة !!!!!!!
1sd35454654
المصدر : رسالة بعنوان شريط الفيديو الذي دمر حياتي
:21_144:
- بنقدم التصيحة - و ؟؟ و ليس ألا ؟؟
104ty

عبدالله قاسم
09-28-2010, 01:01 PM
الحبيب ابو الهول

والله قصة ينفطر لها القلب حزنا ,,,,,,,,,,الا انها قصة واقعيه وبها الكثير من العظات حتى لا تعتقد الفتاة ان هذا المجتمع به ملائكه فقط,,,,,,,,,,,,بل خليط من هذا وذاك,,,,,,,,,,, وما اكثر الذائاب البشريه ,,,,اللهم احفظ نساء المسلمين من كل شر وسوء ,,,,واجعل الدائرة على من ارادهم بسوء يا رب العالمين ,,,,,,,,,,

ود الشيخ عبدالله قاسم

ابو الهول
09-29-2010, 01:06 AM
45rtyyr
طيب يا شباب سلام
وربنا يجعل كل ايامكم افراح ومسرات
34ds
وبمناسبة الافراح دي - زمان كانو نسوان
الحلة متسيدات الموقف من ليلة الخدار حتى نهاية مراسم الزواج -
وتعمدت كتابة خدار لأنها اكثر حنية من خضار..
تلقى شباب الحلة في ونساتهم - يقولوا والله خالتي فلانة ديك بتكفت ليك الكمونية صاح والعجب خالتي فلانة
دي كمان بتجنن ليك المحشي جن -
اما البنات فينقسمن الى قسمين قسم ضهب زي الجك تلقاها كاتلة
اي عرس ميكياج وآخر قشرة وطوالي خاشة في الدلوكة ..
يمة انا زولي ما جا.. وسجّل لي الريدة ..
والاغنية الفلتة -
يمة اندهي لي شيخك البدري يجيبه لي يجري زي موية الكوبري -
وتمر السنين لا الموية بتجري
ولا عمك البدري يستطيع إصلاح ما أفسده الدهر-
بينما نجد في القسم الآخر - بت هادية لابسة توب عادي
تفرم في البصل وتساعد الخالات وكل همها العرس يطلع تمام -
هكذا كانت الافراح حتى هجم السيد الطباخ ليسحب
البساط من تحت أقدام الجميع فهو الذي يطبخ وهو الذي ينهي ويأمر ولما تجي الساعة واحدة
والحلل في النار ياخد ليهو تكية وهاك يا غنا على سبيل المثال ..
عيانة خطرية في ريدي
مأذية لكن يا خسارة كفارة ما قالا ليا ..
45rtyyr
اما الحريم فيتفرغن للونسة والشمارات الوحدة تجي قاشرة زولة غدا وبس ..
34ds
صحيح الطباخ مفيد مافي لخبطة ومافي زول من ضيوفك ما بيتغدا طبعا
واكيد اديتو عدد المعازيم
والامور كلها تمام إلا ان هناك من يحن الى ايام نسوان الحلة الشغلة دكاكينية كدا وفيها حنية شوية ..
1sd35454654
فهل تفضل الطباخ ام نسوان الحلة -
- سؤال للجميع
:21_144:

عبدالله قاسم
09-29-2010, 12:34 PM
الحبيب ابو الهول

لدي ملاحظه في موضوع الطباخين بتاعين الاعراس ديل مع كامل الاحترام لهذه الفئه ,,,,,,,
دائما بعض هؤلاء الطباخين اذا لم نقل الغالبيه للاسف يتشبهون بالنساء في حركاتهم وكلامهم ,,,,,,
ولا ادري سبب مباشر لذلك الا ما يلي على ما اظن ,,,,,,,
- المجتمع الشرقي بشكل عام يعترف بوظيفة الطباخه للمرأه فقط ولا يعترف بها للمتطفلين من الرجال وعليه اذا اردت الدخول لهذه الوظيفه لابد ان تقلد حواء ,,,
لان كل من حولك في العرس والمساعدين سيكونون من النساء ,,,,,,,
لعل هذا هو السبب الرئيس ويجوز تكون هنالك اسباب اخري ,,,,
هل تقلصت هذه الظاهره ام لا زالت موجوده يجوز مع تطور الحياة وافتتاح الكثير من المطاعم والهجوم الكاسح من الرجال لهذه المهنه يكون الحال قد تبدل والمفاهيم تغيرت ,,,ولا كيف يا جماعه ,,,,,,,,,,

ود الشيخ عبدالله قاسم

ابو الهول
09-30-2010, 12:28 AM
oi89

http://www.alriyadh.com/2010/03/09/img/274377346452.jpg

gft46
- أيمن بغدادي -
- طباخ الأمراء - أبدى استعداده لتعليم الشباب السعودي سر المهنة -
120ds
الشعب السعودي يأكل بعيونه قبل فمه -

45sd
كان يكره رائحة الأسماك ولا يستطيع دخول سوق السمك لعدم قدرته على تحمل الروائح التي تملأ السوق، غير أن المصادفة وحدها قادته إلى أن يكون أمهر رجل عرفته قصور الملوك والأمراء ورجال وسيدات الأعمال في قلي السمك.
أتته الفرصة، عندما وجه دعوة لعدد من أبناء الأمير عبدالله الفيصل لتناول وجبة سمك تعدها والدته، تكررت الدعوة حتى طلب منه الأمير تركي العبدالله فتح محل خاص بإعداد الولائم للقصور.
هذه كانت بداية الطباخ السعودي أيمن عبدالحميد بغدادي الذي أصبح معروفا ب - طباخ الأمراء -
oi89
يقول بغدادي:
بدأت بزيارة سوق السمك لأعتاد على الرائحة وأتعرف على الأسماك وأنواعها، واكتسب دراية كافية في التعرف على المغشوش وغير المغشوش، بعد ذلك قمت بارتياد مطاعم الأسماك لأتعرف على كيفية القلي، فكنت أتلصص على الطباخين.
ولان الحرفية والأمانة في العمل يجلبان النجاح بالدرجة الأولى، انطلق اسم أيمن بغدادي بسرعة البرق في الوسط المخملي، حتى أصبح طباخ الملك فهد بن عبدالعزيز (رحمه الله) فكان يدخل قصره الخاص بين ثلاث وأربع مرات أسبوعيا ليقدم له وجبات السمك، ليس هذا فحسب، بل أصبح الطباخ الخاص لضيوف خادم الحرمين الشريفين الملك عبدالله بن عبدالعزيز من الملوك والرؤساء والوزراء الذين يأتون سنويا لتأدية فريضة الحج.




http://www.alriyadh.com/2010/03/09/img/384718800598.jpg

وسط معمعة المهنة
45sd


ويشير بغدادي الى وقوف الأمير تركي العبدالله إلى جانبه في بداية مشواره حيث كان يرسله إلى قصور الأمراء في جدة ومكة المكرمة لعمل وجبات السمك لهم، وكانوا دائما يثنون على ما يقدمه لهم، والكثيرون منهم يكررون طلبه، والبعض الآخر يستدعيه إلى الرياض ليأكل من يديه وجبة سمك مقلية.
وقد استغل بغدادي الفرصة واستثمرها خير استثمار، حيث استطاع تقديم ما يميزه عن غيره من المحترفين في هذه المهنة، فاقتنع أصحاب القصور أن المطابخ العالمية مهما علا صيتها لا يمكنها تقديم النكهة التي يقدمها بغدادي، ولأنه يتمنى النجاح للآخرين خاصة الشباب السعوديين، فهو لا يمانع من تقديم خبرته وتجربته للشباب الراغبين في التعلم لينطلقوا في مشروعات من هذا النوع.
لم يتشرب بغدادي المهنة ولم يتعلمها من أصحابها والمتخصصين فيها، ورغم ذلك نجح نجاحا باهرا وكسب ثقة كل من عرفه، لأن المسألة بالنسبة له كانت تحديا أمام نفسه وأصدقائه الذين راهنوا على فشله لكنه تحدى الصعاب وواصل طريقه.
يؤكد بغدادي أن التوفيق أولا ثم الثقة في النفس والأمانة ونظافة الطعام ومكوناته هي السبب الرئيس في نجاح الطباخ الذي يدخل القصور الملكية، فعندما يدخل أحد القصور ينسى لمن سيطبخ ويعمل بأمانة، لأن انعدام الثقة يؤدي إلى الارتباك الذي يؤدي بدوره إلى إخلال ميزان الطبخ.
العمل في القصور والفنادق الفخمة والحفلات الكبيرة التي يطلب أصحابها من بغدادي الحضور لتقديم وجباته، يجعله يواجه نوعا من الغيرة أو الفضول لمعرفة سر المهنة وهذا ما دعا أحد الطباخين إلى سرقة البهارات، معتقدا أن سر النكهة فيها.
45sd
لكن كيف هو الوضع في القصور؟ هل هناك مبالغات في كميات الطعام لدرجة الإسراف؟.
يؤكد بغدادي أن قصور الأمراء لا تفيض من الطعام، فالكميات التي يطلبونها -رغم كثرتها- تنتهي على السفرة وما زاد يوزع، وغالبا لا يزيد شيء، فهم يحسبون حساب 40 أو 50 شخصا للوجبة الواحدة.
وكما أن دعوة عشاء عادية غيرت مسار حياته، أحدثت مناسبة أخرى نقلة نوعية أخرى في حياته والتي من خلالها أصبح طباخا في الديوان الملكي.يقول بغدادي: كانت زيارة الملك عبدالله لجازان وراء توسيع نشاطي والخروج من دائرة الأسماك إلى لحوم الخراف، حيث تم اختياري مشرفا على الوليمة التي سيعدها أهالي جازان للملك، لذا توجهت إلى أشهر طباخي الخراف في مكة، ولأنني وصلت إلى أفضل الطباخين من أجل تلك المناسبة، ولدينا نحو 150 رأسا من الخراف، كان لا بد أن أتعلم على يدي هؤلاء الرجال، فخرجت من تلك التجربة، بمعلومات وافية عن كيفية طبخ الخراف ونجحت في هذا المجال نجاحا كبيرا.
ويعتبر بغدادي أن المجتمع السعودي يأكل بعيونه، قبل فمه، فيصدر الفرد أحكامه على الطعام من النظر فيجزم انه قليل أو كثير، لذيذ أو عادي، كما أن الأكل في المجتمع السعودي مقدس بشكل كبير، فهو موجود بكثرة في مختلف المناسبات حتى في العزاء، وهذا ليس من باب الكرم وإنما من باب التفاخر الذي يؤدي إلى الإسراف.
:110:
- نعم الطباخ الرجل - عالميا - أصبح هو المفضل - بل المفضل جدا في منطقة الخليج
- وأيضا بالسودان - أذ أتضح جليا أن الطباخة المرأة تعمل بالفطرة والتوريث فيما
الطباخ الرجل يعمل بما ذكر أعلاه مضافا اليها الدراسة والتدريب والبحث والتنقيب -
- نعم في السودان كان من الصعب سابقا ولوج الرجل لهذا المجال بأعتبار أن المنطقة مقفولة للنساء - حتي الثمانينات تقريبا - والنساء كن يعشقن هذا الدور - ولكن ؟
مع تعاقب الأجيال ظهرت النساء بمظهر آخر وهو الأهتمام بالوجود الألقي وليس المهني - يعني ظهورهن أصبح مربوطا بالمظهر - اللبس والمكياج والبرستيج مع أهمال دورهن لطباخات - وترك تلك المساحة للمؤجرات والغير بارعات في فن الطبخ -
- وكان الرجل قد أقتحم مجال فن الأكل والطبخ والخدمة ولما تركت حواء الساحأقتحمها الرجل بقوة - وبأجر مغري ؟ - 45sd
- ويمكن أن نتفق بأنه قد تشبه بالنساء لآقناع
الزبون بأنه قادر علي القيام بهذه المهمة ويجوز أن هناك بالفعل آخرون - حاجات تانية حامياني وكدا ) -
oi89
- طيب الملخص اليوم شنو ؟
oi89
- الأجابة عندي وعن تجربة - الزبون من النساء والرجال اليوم - يلجأوون للفنادق للبحث عن طباخ يؤدي لهم هذه المهمة وهم يعلمون تماما أن لا طباخة بأي من الفنادق -
- وأنا شخصيا أعيش هذه التجربة أسبوعيا أذ يأتيني أو تأتيني من يبحث عن طباخ رجل
يقوم بالمهمة المطلوبة - ويؤكدون - نريد طباخ وليست طباخة ؟-
- وكمان من أهلنا - يطلبون طباخ وليس طباخة ؟؟
gft46
- وليه الطباخ - أيدو - طاعمة - سنأتي له ؟
:36_1_68::36_1_68::36_1_68:

ابو الهول
09-30-2010, 01:31 AM
:7_4_20:

الدلكة من أدوات الزينة
:36_1_68:
الأساسية التي تستعملها المرأة السودانية، لما لها من تأثير فعال على البشرة وترطيبها، هذا ما أكدته اختصاصية التجميل السودانية إخلاص البله عمر وأضافت -
" للدلكة تأثير صحي على الجسم، فعملية التدليك تساعد على جريان وتنشيط الدورة الدموية، وتشد عضلات الجسم فيكون متماسكا، وتساعد على التخلص من ترهل الجسم خاصة مع التقدم في السن، أما الدهن والعطر وهما عنصران أساسيان في الدلكة فيتغلغلان إلى مسام البشرة فيكسبانها نعومة وحيوية ولمعانا، وقد التفت العالم حديثا لأهمية التدليك في المحافظة على الصحة والرشاقة فانتشرت صالات التدليك والمساج".
:0091:
يستخدم حوالي ثلاثة كيلو جرامات من دقيق الذرة النقي، ويعجن الدقيق بالماء المنقوع بالقرنفل بحيث ينقع القرنفل في الماء لمدة ليلة كاملة، ثم يوضع على قدح من الخشب في باطنه حتى يلتصق تماما، ثم نكفي القدح على حفرة الدخان ويدخن بالشاف وهو نوع من الحطب ذو رائحة نفاذة ويكسب البشرة لونا جميلا، ونغطي الصحن والحفرة جيدا حتى تتغلغل رائحة الشاف فيه جيدا، ويترك حتى يحمر لون العجين، ثم نرفعه من نار الدخان، ويعجن مرة أخرى، ويبلل بمزيد من منقوع القرنفل، ويوضع مرة أخرى على الدخان، وهكذا نكرر هذه العملية لمدة أقلها ثلاثة أيام حتى ينضج، ويكون لون العجين أقرب للسواد، ويكون دليل النضج هو تساقط العجين من القدح، ثم ترفع العجينة المتكونة من الدخان وتخلط بالمسك المسحون والضفرة المطحونة وهي أظفر الغزلان والروائح السائلة وتتكون من فلير دامور وريف دور وسواردي باريس وقليل من الخُمرة، وهي نوع من العطور السودانية ذات رائحة قوية تستخدمها السيدات المتزوجات فقط، وتعجن جيدا لضمان اختلاط العطور بالعجين، وتعبأ في إناء محكم الإغلاق"، مشيرة إلى أنه يستحسن تقطيع العجينة قطعا أو تشكيلها في كريات صغيرة لسهولة استخدامها.
:36_1_68:
طريقة الاستخدام:
" نأخذ كتلة صغيرة من العجينة وتبلل بالماء حتى تصير في شكل شبه سائل، ويدلك بها الجسم، ويستخدم الدهن أو الزيت المعطر ليسهل خروجها ويكسب الجسم لمعانا".
45sd
أنواع الدلكة للدلكة أنواع هي المحلب وهو نوع من الحبوب النباتية والبطاطس والذرة، أما دلكة المحلب فتعد بتسخين المحلب ناعما ثم يغربل ثم يعجن بعصير الليمون المخفف بالماء، وتدخن بنفس الطريقة المستخدمة في دلكة الذرة، وتعجن في كل مرة بمزيج الماء والليمون حتى تنضج وتتساقط من القدح، وتعجن العجينة بالعطور ومنها صندلية، فلير دامور ومسك مسحون وقلامور، وتعبأ في إناء محكم الإغلاق، وتترك لتتشرب العطور، وتستخدم بنفس الطريقة السابقة".
45sd
"أما دلكة البرتقال فتعد بتجفيف قشر البرتقال والقريب فروت، ثم يسخن ناعما ويغربل ويعجن بمزيج الماء وعصير الليمون، ويدخن بنفس الطريقة السابقة حتى ينضج، ثم يعجن بعطور الصندلية، وقلامور والفلير دامور والمسك المسحون، ويعبأ في إناء محكم الإغلاق ليستخدم عند الحاجة -
وأضافت أن هذه الطريقة هي بمثابة صنفرة للبشرة، وتعطي رائحة زكية للجسم ونعومة، وهي من العادات التي يتم استعمالها للعروس وعامة النساء، ويمكن أن تستعمل كل يوم أو مرتين في الأسبوع.
45sd
المرأة السودانية تعتبر هذه الطريقة من دلائل اهتمام المرأة وبزوجها، وتعد هذه الدلكة في البيوت، تعدها الأمهات والأخوات الكبيرات في السن، وتخلط بكميات كبيرة وتعبأ في علب"، دلكة الذرة والمحلب يمكن استخدامهما لسنوات طويلة، أما دلكة البرتقال فهي سريعة التلف، وهي من ضمن التقاليد التي توارثتها المرأة السودانية من الجدات ومن الموروث الشعبي وتستعملها جميع السودانيات،
وأن هذه الطريقة تحظى بإقبال كبير من بعض الجنسيات الأخرى كالسعوديات اللواتي يفضلن استخدامها لتعطير الجسم والبحث عن النعومة حيث تقوم السيدات السعوديات بشراء هذه الخلطة واستخدامها في الزينة واسمها مشتق من التدليك، وهي تمنح الجسم رائحة عطرة، ويستمر مفعولها من يومين إلى ثلاثة أيام، وبالنسبة للعروس قبل الزوج يتم تدليكها بهذه الدلكة لمدة شهر كامل وتبخر بالطلح -
http://www.albdoo.info/uploaded/1911/1157149831.jpg
http://www.s-oman.net/avb/attachment.php?attachmentid=450154&stc=1&d=1276600847

http://www.arablocale.net/vgallite/pix/GDIRathr/torth03.jpg

120ds:0091:120ds

ابو الهول
10-01-2010, 01:00 AM
23fd23fd
قمر - مراة - حسين -
lkj,mmm
اشهر دلالية في الحلة .. لكن اشتهرت اكتر حاجة بي نقلها للشمار والكلام الحار
يعني هي شغالة شمارات ودلالية في نفس الوقت .. تغطية اعلامية وكده ... تفيد وتستفيد -
اها مرات مرات كده بتقرا الكف .. بتعرف البخت يعني .. ومرات كده بترمي الودع .. يعني حسب الظروف .. مهارات عادية وكده ..
23fd
اها زوجها حسين المعروف بي حسين قزازة .. مشهور بي انو اكبر شريب في المنطقة .. من حيث العمر .. واكتر زول بشرب في اصحابوا .. بطنوا غريقة عديل كده ..

وطبعاً هو ما راضي مرتو تشتغل الحاجات دي كلها .. عدا شغلة الدلالية دي .. لانها بتوفر ليهو حق الشراب وكده .. لانو اصحابوا في بيت الشربة بيضحكوا عليهو وبشاغلوهو بي علوية الدلالية .. والحاجة دي بتحرقوا ..

اها في يوم قمر قااااعدة في البيت ومعاها نفسية بت جادين ونوال مرت عوض الترزي .. بتقرا ليهم في البخت .. قالت لي نوال :
قمر - هوي يا غبيانة .. انتي ما جايبة خبر ولا شنو ؟؟!!
نوال ليه في شنو يا بت امي .. نعل مافي عوجة ؟
قمر - عوجة ولا ما عوجة .. الحقي راجلك ابو عيون زايغة ده .. داير يعرس فوقك
نوال - اجي يا بنات امي .. ده كلام شنو ده .. الراجل ده جنه ولا شنو ؟
نفيسة = سجمنا يا يمة .. سجمك يا نوال يا بت امي .. الراجل ده داير يقصر يومك
نوال = هوووي يا علوية .. كلامك ده كيفنو .. بالصح يعني ولا هظار
قمر = هظار شنو؟؟ هده عايني ليهو .. وشوفي المرة القصيرة الجايبة ليك
نفيسة = لالالالا .. الشين ابوجضوم .. الشايب المخرف ده داير بالمرة القصيرة دي شنو ؟؟!!
نوال = وا سجمك يا نوال .. الترابة في خشمك .. كده يا عض يا شين
قمر = كدي خلينا هسع نعرف ح تعملي شنو ؟؟!!
نوال = العمل عمل ربنا يا علوية يا اختي .. وووووب علي يا بنات امي .. وا شماتك يا نوال
نفيسة = وووب وووب يا نوال يا بت فاطمة .. الله يصبرك بس والله
قمر = هوي يا مجانين هوووي .. طلاق بس .. سامعة يا نوال .. قولي ليهو طلاق
نفيسة = طلاق !!!!! طلاق شنو يا مرة هوي .. والشفع ديل
نوال = ايوة طلاق انا استحالة تاني اقعد معاهو .. الراجل الخاين .. المابشبه الرجال
قمر = ايوة يا نوال .. راجل زي ده احسن منو البورة .. واولادك بصرف عليهم بالمحكمة
نفسية = هو يا نسوان .. انتو جنيتوا ولا شنو ؟؟!! استهدوا بي الله
نوال = هوي يا نفسية خليني بس .. اطلع عينو بالجري في المحاكم
قمر = ايوه .. واسمعيني هنا النحدثك .. اوع تخلي ليهو البيت سامعه يا نوال
نوال = اجييييي ده كلامك البيت ده عمل فيهو شنو هو !! البركة في اخواني
23fd

كو كو كرو رو رو حسين رزع ليك الباب حق البيت وشاف ليك النساوين في الحالة دي
حسين = ده شنو يا شووم .. انا ما قلت ليك ما تجيبي لي النساوين هنا
قمر = هي حسين انت جيت .. اتفضل اتفضل كدي نجيب ليك الموية
حسين = موية !! موية شنو ؟؟ انت طلقانة يا ولية وبالتلاتة
قمر = ووووب علي يا حسين ده كلام شنو ؟؟
حسين = ايوة طلقانة .. وبكرة دي بجيب لي عروس جديدة .. يلا خومي كرورك وامرقي
قمر = الليلة ووووب علي يا نوال .. انا قريت ليك و قريت لي روحي
نوال = تهي تهي .. الحمدلله .. جات سليمة .. يلاكي يا نفيسة سريع
نفيسة = اااي يلاكي .. من حفر حفرة لاخيه .. بقع فيها برااااهو
قمر = تعالن يا نسوان ماشات وين .. الله الله
نوال = اسمعي يا علوية ما تنسي المحكمة والبيت ؟ سمح -
23fd

ابو الهول
10-04-2010, 12:15 AM
:21_240:

- ( أم الحسن) زوجة وربة منزل خمسينية تسارع الخطى نحو الستينّات ..
سودانية كلاسيكية الملامح بـ (المساير) المسدلة على جانبي وجهها المستدير كـ طارة عجل المرسيدس، وإن شئت ان تعاين للشبه (الباين)، بين بقايا الكلف الذي خلّفه تتابع الايام وشقا السنين وتوالي الحمل والتفريغ على سحنتها البهية، وبين شكل تلال القمر في الليالي البيض، فيمكنك القول بأنها (قمرة اربعتاشر بي ذاتا)!
htyu7yu
ولـ الحقيقة فإن جميع تضاريسها تميل للاستدارة، فهي مستديرة الوجة، مدردمة الجضوم، مكورة الكرش، تحمل فارات ساقيها وضراعيها إستدارة التبش، وبما أن قامتها تميل للقصر، فقد كانت – كلها كدي على بعضها – كرة بيضاوية الشكل ..
فعندما تنظر إليها للوهلة الأولى تخالها واحدة من نساوين الفنان (منعم حمزة) غافلته وقفزت من إحدى لوحاته الكاريكاتيرية.
لم تعيب (أم الحسن) بشكلها فهو (خلقة الله) ولا اعتراض عليها، كما أنه ليس من الانصاف تعيبها بـ حبها للكلام فتلك طبعة و(الطبيعة جبل) -
فقد كانت إمرأة محبة للاسهاب في التفاصيل والشروح، كمحبتها لمعرفة كل (الحاصل) مع كل الناس، فلا تضاهيها في تلقي وإعادة ارسال المعلومات على طريقة (قالوا وقالوا وقلنا ليه) سوى قناة الجزيرة في تغطيتها لاحداث غزّة ..
فعندما ينبري لسانها المسمر من كثرة شرب الشاي والقهوة للحكي، وتسترسل في الحديث تدفعك لتمني أن (ليتها لا تسكت)، فلها شأنا في أن (تسوي للكلام توم وشمار) لا يعلى عليه.
في طفولتها كانت كثيرة الكلام ولم تكن في حوجة لرفقاء لعب، فهي تستطيع أن تصنع من خيالها الخصب العشرات منهم، ثم تنخرط معهم في حوارات شبيهة بـ كلام الطير الفي الباقير لا يقطعه عليها سوى سؤال والدتها:
بتطربقي مع منو يا المبدولة؟ النهار ما طال تورجقي زي طير بجا بجا !!
لذلك التصقت بها إلقاب مثل (طير بجا بجا) و (نقْدّوبه) و(نقّة) حتى كادت أن تطغى على اسمها، فنادرا ما يناديها أحدهم بـ (أم الحسن).
كانت (نقّة) (أم الحسن) حلوة وزي العسل على قلب زوجها (نورين)، فقد كان يستعين بموهبتها الكلامية في غسل همومه وأوجاع (قلبه) و(جيبه) وتخفيف معاناته من (القاود) ووجع المفاصل ومْوْتان (الرُكب)، عندما يعود من دكانه في المساء، فما أن يخلع عمامته ويعلقها في الشماعة مع الجلباب ويتمدد على سريره بعد صلاة المغرب، حتى يناديها:
أم الحسن .. جيبي شاي المغرب وتعالي فرّقي علي بي خباراتك الما تكمل دي.
فتضع صينية شاي اللبن أمامه وتصبه، ثم تتمدد في السرير المقابل بعد أن تحمل كوبها باليد اليمنى و(تكوّع) باليسرى، وتبدأ في ارسال لا يشوش عليه أو يقطعه سوى صوت شخير (نورين)، فتضطر كـ (شهر زاد) للسكوت عن الكلام حتى يحين الصباح.
بقدر ما كان (نورين) يحب ونسة (أم الحسن) ويستلطف كلامها الكتير في المساء، بقدر ما كان (يكجنه) في الصباح خاصة عندما تحاصره بـ (النقة) بعد أن ينهي كباية الشاي مع الوجبة الخفيفة التي تعود على تناولها قبل خروجه للسوق، فغالبا ما تندفع خلفه عندما يدخل للغرفة ويقوم بفتح الدولاب كي يجمع أوراقه ومحفظة النقود ومفتاح العربية، وتحاصره بالاسئلة والطلبات مع موجز لآخر الشمارات ..
وتنهمك في ذلك فتدخل رأسها معه بين ضلفتي الدولاب دون أن تشعر، فيرتبك وتختلط عليه الامور والاوراق وقد يتلخبط بين مفاتيح العربية و مفاتيح الدكان، فيزجرها:
هسي يا وليه مالك بتداقسي تحت كرعيني متل العتود الضهبان .. أمرقي دقنوسك ده من الدولاب خليني النشيل حاجاتي؟
فـ تنقرع مرغمة وتتراجع للخلف لتفسح له مجال الحركة دون أن تتوقف عن الكلام.
وفي ذات صباح تكرر نفس السيناريو الصباحي فقد لحقت (أم الحسن) بـ (نورين) ووقفت بجانبه جوار الدولاب تمطره بالنقة الراتبة، ولكن لأنه كان مشغول الفكر بـ ناس الضرائب، لم يشتغل بـ نقّتها الشغلة، وانحنى ليلتقط من الرف الاخير في الدولاب الصندوق الذي يحتفظ فيه بالأوراق المهمة، ثم انشغل بفرزها وتصنيف اقراراته الضريبية السابقة، عندما وقعت بين يديه ورقة قديمة مصفرة ..
حمل الورقة وانتصب واقفا ثم قربها من وجهه، وليمعن في تفحصها أكثر استدار بها ناحية الضوء ..
ارتفع قرني استشعار (أم الحسن) الشمارية، فإقتربت منه وهي (تداقس) لتشاركه في تفحص الورقة وسألته في فضول:
- دي ورقة شنو.
- دي قسيمة زواجنا
فعادت لتسأل في دهشة:
والقسيمة مالا، بتعاين فيها كده؟
فأجابها مناكفا:
داير أشوف (مدة إنتهاء الصلاحية) بتاعتا مكتوبة وين !!
:21_240:

ابو الهول
10-06-2010, 12:36 AM
:21_240:

السعادة الزوجية اشبه بقرص عسل
wernm
تبنيه نحلتان ، وكلما زاد الجهد فيه زادت حلاوة الشهد فيه .
:21_14:
وكثيرون يسألون كيف يصنعون السعادة في بيوتهم ، ولماذا يفشلون في تحقيق هناءة
الأسرة واستقرارها ..
ولا شك أن مسؤولية السعادة الزوجية تقع على
الزوجين .فلا بد من وجود المحبة بين الزوجين. وليس المقصود بالمحبة ذلك
الشعور الأهوج الذي يلتهب فجأة وينطفئ فجأة ، إنما ...

هو ذلك التوافق الروحي والإحساس العاطفي النبيل بين الزوجين -
والبيت السعيد لا يقف على المحبة وحدها ، بل لا بد أن تتبعها روح
التسامح
بين الزوجين . والتسامح لا يتأتى بغير تبادل حسن الظن والثقة بين
الطرفين .
51ds
والتعاون عامل رئيسي في تهيئة البيت السعيد ، وبغيره تضعف قيم المحبة
والتسامح . والتعاون يكون أدبياً ومادياً . ويتمثل الأول في حسن استعداد
الزوجين لحل ما يعرض للأسرة من مشكلات . فمعظم الشقاق ينشأ عن
عدم تقدير أحد الزوجين لمتاعب الآخر ، أو عدم إنصاف حقوق شريكه
ولا نستطيع أن نعدد العوامل الرئيسة في تهيئة البيت السعيد دون أن نذكر
العفة بإجلال وخشوع ، فإنها محور الحياة الكريمة ، وأصل الخير في علاقات
الإنسان
وقد كتب أحد علماء الاجتماع يقول :
- لقد دلتني التجربة على أن أفضل
شعار
يمكن أن يتخذه الأزواج لتفادي الشقاق ، هو أنه لا يوجد حريق يتعذر
إطفاؤه
عند بدء اشتعاله بفنجان من ماء ....
ذلك لأن أكثر الخلافات الزوجية التي
تنتهي بالطلاق ترجع إلى أشياء تافهة تتطور تدريجياً حتى يتعذر إصلاحها "
وتقع المسؤولية في خلق السعادة البيتية على الوالدين ، فكثيراً ما يهدم
البيت لسان لاذع ، أو طبع حاد يسرع إلى الخصام ، وكثيراً ما يهدم أركان
السعادة البيتية حب التسلط أو عدم الإخلاص من قبل أحد الوالدين وأمور
صغيرة في المبنى عظيمة في المعنى .
وهناك بعضاً من تلك الوصايا التي تسهم في إسعاد زوجك
. لا تُهنْ زوجتك ، فإن أي إهانة توجهها إليها ، تظل راسخة في قلبها
وعقلها .
وأخطر الإهانات التي لا تستطيع زوجتك أن تغفرها لك بقلبها ، حتى ولو
غفرتها
لك بلسانها ، هي أن تنفعل فتضر بها ، أو تشتمها أو تلعن أباها أو أمها ،
أو
تتهمها في عرضها
. أحسِنْ معاملتك لزوجتك تُحسنْ إليك . أشعرها أنك تفضلها على نفسك ،
وأنك حريص على إسعادها ، ومحافظ على صحتها ، ومضحٍّ من أجلها ،إن
مرضتْ مثلاً ، بما أنت عليه قادر
. تذكر أن زوجتك تحب أن تجلس لتتحدث معها وإليها في كل ما يخطر ببالك من
شؤون. لا تعد إلى بيتك مقطب الوجه عابس المحيا ، صامتا أخرسا ، فإن ذلك
يثير فيها القلق والشكوك .!
. لا تفرض على زوجتك اهتماماتك الشخصية المتعلقة بثقافتك أو تخصصك ،
فإن كنت أستاذا في الفلك مثلا فلا تتوقع أن يكون لها نفس اهتمامك
بالنجوم
والأفلاك !!
. كن مستقيما في حياتك ، تكن هي كذلك . ففي الأثر : " عفوا تعف
نساؤكم " رواه الطبراني . وحذار من أن تمدن عينيك إلى ما لا يحل لك ،
سواء
كان ذلك في طريق أو أمام شاشة التلفاز ، وما أسوأ ما أتت به الفضائيات
من
مشاكل زوجية !!
. إياك إياك أن تثير غيرة زوجتك ، بأن تذكِّرها من حين لآخر أنك مقدم
على
الزواج من أخرى ، أو تبدي إعجابك بإحدى النساء ، فإن ذلك يطعن في قلبها
في الصميم ، ويقلب مودتها إلى موج من القلق والشكوك والظنون . وكثيرا ما
تتظاهر تلك المشاعر بأعراض جسدية مختلفة ، من صداع إلى آلام هنا وهناك
، فإذا بالزوج يأخذ زوجته من طبيب إلى طبيب !!
. لا تذكِّر زوجتك بعيوب صدرت منها في مواقف معينة ، ولا تعـيِّرها بتلك
الأخطاء والمعايب ، وخاصة أمام الآخرين
. عدِّل سلوكك من حين لآخر ، فليس المطلوب فقط أن تقوم زوجتك بتعديل
سلوكها، وتستمر أنت متشبثا بما أنت عليه ، وتجنب ما يثير غيظ زوجتك ولو
كان مزاحا
. اكتسب من صفات زوجتك الحميدة ، فكم من الرجال ازداد التزاما بدينه حين
رأى تمسك زوجته بقيمها الدينية والأخلاقية ، وما يصدر عنها من تصرفات
سامية
. الزم الهدوء ولا تغضب فالغضب أساس الشحناء والتباغض . وإن أخطأت تجاه
زوجتك فاعتذر إليها . لا تنم ليلتك وأنت غاضب منها وهي حزينة باكية .
تذكَّر أن
ما غضبْتَ منه - في أكثر الأحوال - أمر تافه لا يستحق تعكير صفو حياتكما
الزوجية ، ولا يحتاج إلى كل ذلك الانفعال . استعذ بالله من الشيطان
الرجيم ،
وهدئ ثورتك ، وتذكر أن ما بينك وبين زوجتك من روابط ومحبة أسمى بكثير من
أن تدنسه لحظة غضب عابرة ، أو ثورة انفعال طارئة
. امنح زوجتك الثقة بنفسها . لا تجعلها تابعة تدور في مجرَّتك وخادمة
منفِّذةً
لأوامرك . بل شجِّعها على أن يكون لها كيانها وتفكيرها وقرارها .
استشرها
في كل أمورك ، وحاورها ولكن بالتي هي أحسن . خذ بقرارها عندما تعلم أنه
الأصوب ، وأخبرها بذلك وإن خالفتها الرأي فاصرفها إلى رأيك برفق ولباقة
. توقف عن توجيه التجريح والتوبيخ ، ولا تقارنها بغيرها من قريباتك
اللاتي
تعجب بهن وتريدها أن تتخذهن مُثُلاً عليا تجري في أذيالهن ، وتلهث في
أعقابهن
. أنصتْ إلى زوجتك باهتمام ، فإن ذلك يعمل على تخليصها مما ران عليها من
هموم ومكبوتات ، وتحاشى الإثارة والتكذيب ، ولكن هناك من النساء من لا
تستطيع التوقف عن الكلام ، أو تصبُّ حديثها على ذم أهلك أو أقربائك ،
فعليك
حينئذ أن تعامل الأمر بالحكمة والموعظة الحسنة
. أشعر زوجتك بأنها في مأمن من أي خطر ، وأنك لا يمكن أن تفرط فيها ، أو
أن
تنفصل عنها
. أشعر زوجتك أنك كفيلٌ برعايتها اقتصاديا مهما كانت ميسورة الحال . لا
تطمع
في مالٍ ورثتْـهُ عن أبيها ، فلا يحلُّ لك شرعاً أن تستولي على أموالها
ولا تبخل عليها بحجة أنها ثرية ، فمهما كانت غنية في حاجة نفسية إلى
الشعور بأنك البديل الحقيقي لأبيها
.حذار من العلاقات الاجتماعية غير المباحة . فكثير من خراب البيوت
الزوجية
منشؤه تلك العلاقات
. وائم بين حبك لزوجك وحبك لوالديك وأهلك ، فلا يطغى جانب على جانب ،
ولا يسيطر حب على حساب حب آخر . فأعط كل ذي حق حقه بالحسنى ،
والقسطاس المستقيم
.كن لزوجك كما تحب أن تكونَ هي لك في كل ميادين الحياة ، فإنها تحب منك
كما تحب منها . قال ابن عباس رضي الله عنهما : إني أحب أن أتزين للمرأة
كما
أحب أن تتزين لي
. أعطها قسطا وافرا وحظا يسيرا من الترفيه خارج المنزل ، كلون من ألوان
التغيير ، وخاصة قبل أن يكون لها أطفال تشغل نفسها بهم
. شاركها وجدانيا فيما تحب أن تشاركك فيه ، فزر أهلها وحافظ على علاقة
كلها
مودة واحترام تجاه أهلها
. لا تجعلها تغار من عملك بانشغالك به أكثر من اللازم ، ولا تجعله يستأثر
بكل
وقتك، وخاصة في إجازة الأسبوع ، فلا تحرمها منك في وقت الإجازة سواء كان
ذلك في البيت أم خارجه ، حتى لا تشعر بالملل والسآمة
. إذا خرجت من البيت فودعها بابتسامة وطلب الدعاء. وإذا دخلت فلا
تفاجئها
حتى تكون متأهبة للقائك ، ولئلا تكون على حال لا تحب أن تراها عليها ،
وخاصة إن كنت قادما من السفر
. انظر معها إلى الحياة من منظار واحد ..وقد أوصى رسول الله بالنساء
بقوله:"
أرفق بالقوارير " وقوله : " إنما النساء شقائق الرجال " و قوله : "
استوصوا
بالنساء خيرا "
. حاول أن تساعد زوجتك في بعض أعمالها المنزلية ، فلقد بلغ من حسن
معاشرة الرسول صلى الله عليه وسلم لنسائه التبرع بمساعدتهن في
واجباتهن المنزلية . قالت عائشة رضي الله عنها
" كان يكون في مهنة أهله -يعني خدمة أهله- فإذا حضرت الصلاة خرج إلى
الصلاة "
. حاول أن تغض الطرف عن بعض نقائص زوجتك ، وتذكر ما لها من محاسن
ومكارم تغطي هذا النقص لقوله فيما رواه مسلم " لا يفرك ( أي لا يبغض )
مؤمنٌ مؤمنة إن كرِهَ منها خُلُقاً رضي منها آخر "
. على الزوج أن يلاطف زوجته ويداعبها
. استمع إلى نقد زوجتك بصدر رحب
. أحسن إلى زوجتك وأولادك ، فالرسول عليه الصلاة والسلام يقول : " خيركم
خيركم لأهله " . فإن أنت أحسنت إليهم أحسنوا إليك ، وبدلوا حياتك
التعيسة
سعادة وهناء . لا تبخل على زوجك ونفسك وأولادك ، وأنفق بالمعروف ،
فإنفاقك على أهلك صدقة . قال : " أفضل الدنانير دينار تنفقه على أهلك
wernmwernmwernm

ابو الهول
10-06-2010, 02:53 PM
:21_240:
وزائرتي كأن بها حياء !!!
39sd
رغم أن زائرتي كانت قد أتحفتني بزيارتها غير المرغوبة وقد تسللت خلسة في ظلام الليل غير أني لا أحسب أنها كانت بها حياءُ ولا يحزنون...
وبما أنها كانت قد طرَقت بابي بأناملها الناعمة حتى كل متنها لتلج شقتي وتناجيني ملياَ وتبث لي أسرار الهوى وتصوغ الصبح ذوباً بابلياً وتهمس لي حديث العشاق الحيارى،
إلا أنني "لم أفرش لها المطارف والحشايا"
"ولم أراقب وقتها من غير شوق، مراقبة المشوق المستهام"
ولا أدري كيف وصلت هذه الزائرة من الزحام في ليلة خميس منامية ضوت بها
ضي القمر كما في أغنية فنان العرب محمد عبده!
يا إلهي لقد لبثت طويلاً وهي تقف أمام الباب تنتظر بلهفة أن أدعها تلج الدار،
وعندما فتحت لها الباب وأنا أقف متسمراً أمامها دون أن أنبس ببنت شفة أخذت تقول وهي ترمقني بنظرة لا تكاد سهامها أن تفتكني:
" يا حبيبي بنظرتك أوفي الميعاد
العيون الشافتك ما أسعدها!!
فقلت لها وأنا أهم ببفتح الباب:
" وين وين كنت وين
لما العمر كانت سنينو مخضرة
جيتني بعد العمر فات الريدة جات متأخرة "
ثم أردفت وهي تجر خطواتها الرشيقة وتتقدم إلى داخل الشقة:
" رجيتك وفي إنتظار عينيك كملت الصبر
ولما راح زمن جيتك وخطاك في دربي ما طلو
قلت أجي أزورك بي نفسي "
فقلت لها متمتماً بصوت خفيض لا أحسب أنها كانت قد سمعتها:
" يا ريتك ما وعدتينا وياريتنا كنا بعاد "

ألم يكفها الأمرين الذين عانيت منهما جراء دوي أبواق السيارات التي تراصت كأعواد الثقاب في شارع المعارض في قلب المنامة - (أنا لي في المنامة غزال دائماً بغني عليهو) - من كل حدب وصوب وقد تباينت لوحاتها وتشكلت ما بين سعودية وقطرية وكويتية وإماراتية وهلم جرا ،،، ناهيك عن مواكب الدراجات النارية الفاخرة التي أخذت تجوب الشارع جيئة وذهاباً في كرنفال إستعراضي مهيب وجلس على متونها صبية في ريعان شبابهم من العجم أي من البحرينيين من ذوي الأصول الإيرانية أو الفارسية ولا هدف لهم في الحياة سوى التسكع والإستعراض ومغازلة الحسان وهكذا حال شباب اليوم من جيل الفاست فوود والنت والأنكى من ذلك أن الحسان يقفن متسمرات عند رؤية هؤلاء الحناكيش مرددات عبارات الإنبهار والإعجاب:
" WOW!!! Awesome,,
That is cool!!! Hip!! in." يا لبجاحتهن!!!
112
وقد تغنت المطربة الخليجية أحلام لشارع المعارض
وجموع أهل الغزل والعشق قائلة:
" راعي المعارض قام يتحدّى
جاب الشبح والبنز من جدة
والروزرايس وارد ألماني
وما أصدقو كان يشناني"
يا إلهي ماذا دهاني!!! لقد نسيت زائرتي جالسة في صالون الشقة وهي تتأمل المكان بفضول مقيت ولكنها وا ويحاه لم تكن على شاكلة زائرة الشاعر المتنبي بل كانت أشد فتكاً وإثماً وضراوة فتباً لوجع الضرس المبرح الذي قض مضجعي في منتصف الليل وأنا أغط في سبات عميق غير آبه بالضجيج الذي كان يسود أركان المدينة فأخذت أبحث عابثاً عن أقراص البنادول في أدراج خزانتي وفوق الطاولة الكائنة في ركن قصي من الصالون ولم أعثر عليها وأصرت الآلام المبرحة أن تداهمني فأخذت حفنة من حبات القرنفل ووضعتها فوق الضرس الملتهب ولكنها لن تجدي نفعاُ فألقيت بها في كيس القمامة وأنا أخاطبها قائلاً:
" فارق لا تلم
أنا أهوى الألم
هجرك لي هلكني
وقربك فيهو سم "
ثم ظللت أهيم من غير هدى داخل الشقة والآلام تفتك بي وأنا أتوه من غرفة لي غرفة عشان يمكن يكون أوفى ولكن هيهات أن تفارقني الآلام فهرولت إلى الصيدلية التي تقع على ناصية الطريق ولكنها لسوء حظي العاثر كانت قد أوصدت أبوابها وبينما كنت أقف متسمراً في مكاني قبالة الصيدلية والحيرة والآلام تتناوبان في إيذائي دون ذنب جنيته، وقفت سيارة كريسيدا بيضاء اللون أمامي وأخذ من بداخله يناديني من وراء الزجاج بصوت عال
:" يا أبوعلي ! يا حلفاوي تعال أركب" وتفرست في وجهه ملياً فإذا هو البلولة الرشيدي صديقي السوداني من شرق السودان وقد إرتدى سديرياً غامق اللون ونسي أنه في الخليج ورميت جسمي المتعب بداخل السيارة وتبادلنا طقوس السلام بالطريقة السودانية التي تثير الأعصاب وقادته مشاعر الفضول ليسألني قائلاً:" ما الذي أتى بك إلى هنا في هذه الساعة المتأخرة من الليل"؟ فقلت له وأنا أمسك بفكي ": إنه ألم الضرس اللعين فأتيت إلى هذه الصيدلية أبتغى بلسماً شافياً ولكنني وجدتها مقفلة بالضرفتين كما ترى!! لكنني لما رأيتك واقفاً ألفيت أن أروي لك ما جرى" هكذا قفيت كلامي كما في رائعة اليزيد بن معاوية "العامرية" وحينما إنتهيت من سردي أخذ يضحك بصوت عال ويقول :" والله صدق حلفاوي" فقلت له غاضباً :" وما بهم الحلفاويين ألا يعجبونك فقال لي مبتسماً": بل هم أحسن ناس ولكن علاجك الفوري عندي أنا" فقلت له كيف ألا تخبرني به؟ فقال:" إليك بهذه السفة الكاربة" فقلت له:" ولكنني لا أسف السعوط البتة وإن كنت أدخن المارلبو بشراهة" فقال لي وهو يناولني الحقة :" ولكن هذا ظرف علاجي طارئ" فأخذت منه السفة ووضعتها أسفل شفتي السفلي وشممتها بأنففي وألفتها أذكى من القرنفل وكانت هذه السفة هي زائرتي الأخري
ذات الخفر ودل العذارى التي طردت الزائرة الأولي دون رجعة فقلت للبلولة وأنا أشكره:
" أعيش في ظلمة وإنت صباحي
وإنت طبيبي أموت بجراحي "
فقال لي وهو يهم بفتح باب السيارة:
" صدق يا حسن أخوي أنا كمان حاسي بألم خفيف في الضرس
وخوفي من نفس المصير"
ثم أردف يقول لي وهو ممسك بمقود السيارة:
" لكني لو ذيك لو جار ضرسي زمان
ما أظن أعود يا حسن
لي ضرس ألمني وخان
أحسن تقلعه وتفتك منو يا زول"
فقلت له :
" لكين يا بلولة يا أخوي
أنا خايف لو قلعته:
" ما أظن أيامي تاني ذي حنانها تكون حنونة "
ثم أعقبت مردداً:
" أصلو السن ناباً كان وضرساً كان كريه وكريه
أصلو السن كان وهماً لبستو طقم وقبضت الريح.......

مع الإعتذار لشعراء ومطربي كلمات الأغاني الواردة
wernm
- حسن سادة - سادنتود -
:21_240:

ابو الهول
10-18-2010, 12:40 AM
11116ds:36_11_8:

نحو أسماء سودانية خالية من الدلع
سخرية كاتب
146546487ds

أسماؤنا السودانية القديمة الأصيلة، كان من الصعب بل المستحيل بأن تأتي لها باسم دلع، فمهما بلغت براعتك فلا يمكنك أن تدلّع أسماء مثل: بلة، الطريفي، أب جيبين، التجاني الخزين، عجبين، الزبير، أب كساوي، الصديق، فضل المولى، فتح الرحمن، عبد الجبار، البشير،عكاشة، الجنيد، تيراب، الريّح، الماحي، حمد النيل، حسب الله،حسب الرسول , جبارة الله، أب سقرة، البي كيفو، تميم الدار، جبر الدار، عمسيب الجاك، الجزولي باشكار ,وغيرها..
:0006[1]:
عليْ النعمة تحاول تدلع أي واحد من الأسماء الفوق ديل إلا ضهرك كع ينكسر، لأنها أسماء قوية زي الخرسانة... أسماء مضببة ضد التدليع زي العكاكيز.. أسماء أهلنا زمان أسماء رجال وما في أي طريقة لتمييعها أو تدلعيها،
68dsf
حتى النسوان عندنا كان أسماهن صلبة ومحتشمة، وتنافس أسماء الرجال! في قوتها وخشونتها، فنلقى أسماء مثل ست النفر، الساتر الله، أم حقين، البتول، سكينة، التاية، نفيسة، النخيل، أم زين، بت الجقمتها وغيرها، والواحدة حتى لو أهلها كانوا متحررين، بالكتير يسموها الصندلية، ومع ذلك ما تقدر تشوفها أو تشم ريحتها، النسوان كانن بنات خدور...
:36_11_8:
والراجل ذاتو بيكون معجب باسم أمو المحتشم وتلقاهو يحلف بيهو في الصغيرة والكبيرة فنسمع: أنا ولدك آآآ ام زين .. أنا ولدك آآآ البخيتة.. هسه أولاد الزمن ده يقولوا شنو ويحلفوا باسم منو.. معقول الواحد يقدر يقول: أنا ولدك يا عبق أو أنا ولدك يا رنا؟
68dsf
أهلنا الكبار الزمان كانوا ما بعرفوا الني وكل شيء عندهم نجيض. الني بدوهوا النار..
عليْ الطلاق تنطق الاسم كده لما شعرة جلدك تكلّب، وتتنفخ وجضومك تتورّم من العجب والخيلاء بهذه الأسماء
113ds
أب كريق في اللجج
سدّر حبس الفجج
عاشميق حبل الوجج
أنا أخويا مقلام الحجج
أبشر آ جنا .. حررّم تبشر.. أبشر آ جنا التقدْ مركوبك..
:21_101:
مش زي أسماء الأيام دي، شدة الأسماء ما بقت مايعة تقررررّب تخت الاسم في التلاجة عشان يجمد ويبقى اسم رجال.
40sd
شوفوا الأسماء دي: وائل، وضاح، وحيد، وليد، وديع، ربيع، مازن، تامر، لؤي، راني، هاني، نادر، حمادة، طلال، أيمن، مهند، وفائى, رامى , إيهاب وغيرها..
والأسماء دي رغم جمالها لكن الناس برضو دلعوها، فحصل ليها ما يعرف في اللغة بتمييع اللأسم وهو محرّم لغوياً فسمعنا ب: هنو، ولي، مزوني، تموري، عموري، ندوري، أيموني، هنودي، هوبة وغيرها من الأسماء - من الدلع -
وكذلك غناهم كان غناء رجال وأصواتهم كانت أصوات رجال،
كان المغني يغني الليل كلو بدون مايك وصوتو تلقاهو زي الجبخانة
يا ليل أبقالي شاهد على نار شوقي وجنوني
:0006[1]:
وناس زمان ديل حتى كعكهم كان كعك رجال.. تدخل الكعكة في خشمك كده لما يغلبك تلوكها وتقعد تقرقش فيها كُرُم كُرُم زي الخروف القاعد يصقع في الجرة. والآن جابوا لينا الكعك المايع بشتى أنواعو تدخل القطعة في خشمك تجي تلوكها تلقاها عملت (سواح) وما تعرف ! نفسك هل أكلتها ولا ما كانت في قسمتك..
113ds
نفس الشيء ده بينطبق على الولادة، زمان الواحدة تلد من خمسة لعشرة وكل سنة تساهم مع زوجها في مصاريف البيت بإنجاب طفل جديد، ومرات لو الظروف ساعدتها ممكن في نفس السنة تلد طفل وتشرع في وضع حجر الأساس لطفل جديد، ومرات الراجل ذاتو من كترة الولادة، ما بعرف أسماء أولادو ومنو الأكبر ومنو الأصغر فيهم.. الراجل يسأل مرتو: إنتِ آآآ الزينة دحين كبير ضيف الله ولا كرم الله ؟ فتجيبه الزينة باستغراب: أجي يا راجل: شن جاب ضيف الله لكرم الله! أنا لما ولدت كرم الله ده، ضيف الله كان يا دوووب بيحبا، لكنهم الاتنين مولودين! في نفس السنة المات فيها خالي عبد الرحمن...
113ds
بنات الزمن ده الواحدة إلى أن يتخرج ولدها من kg2، حتى يقولوا ليك فلانة قاعدة تتوحّم.. وهو شن الوحم؟ الواحدة وحمها ذاتو مخالف وضد العادات والتقاليد.. تلقاها متوحمة ليها على تفاح لبناني أو زبيب إيراني أو عنب إيطالي أو مهند تركي، فيطلع ليها الولد منعّم ومرخ رخ ،والواحدة أصلها ما بتراعي ظروف زوجها.. زمان حتى وحم حبوباتنا وأمهاتنا كان وحم رجال ووحم بسيط وسهل التنفيذ ، الواحدة تتوحم على أم بقبق فيقوم يطلع الولد لايوق وعبيط أو تتوحم على ويكاب مرس فيطلع الولد بتاع مرايس وشطوط! وكمونية .. نحن ناس بتعيش حياتها بالكمونيّة والنيّة السليمة)..
11116ds
أهلنا الزمان كانوا متباشرين وحنينين، بكاهم شهر وعرسهم شهرين، والواحدة لما يموت راجلها من شدة الحزن والأسف والإخلاص، بدل أربعة شهور وعشرة يوم، تتحبس عليهو ثمانية شهور وعشرين يوم، لأنو أصلنا ما كنا بنعرف الشوية..
عليْ الجزيمة في الزمن المايع ده حتى شطتنا بقت مايعة وما بتحرق.. ونحن والله شعب لو ما حس بالشطة في جوفو تسوي تح تح، الأكل ما ينفعو. أنا ود التور البتنتّح ومن الشطة ما بقول أحححححح الزمن ده بقى زمن الكيتشاب والمايونيز، أما الشطة الخضراء وشطة القبانيت فزمنهم فات وغنايهم مات..
الناس هجرت المطاعم وبقوا مستعجلين وما عندهم وقت للقعاد عشان كده اتجهوا للكافتيريات، الأكل كلو بقى عبارة عن بوفتيك وطعمية وبرجر وما شابه، والناس بقوا زي المجانين تلقاهم ياكلوا ماشين ويتكلموا ماشين وكان قلت لزول سلام عليك لا بسمعك ولا برد عليك.. مشيت السودان قبل سنة ما لقيت زول يتونس معاي وفي النهاية جيت راجع وشنطتي مليانة ونسة وشوق للناس الزمان...
11116ds
وكلابنا برضها بقت مايعة وكسلانة ومسكينة وما بتهوهو في زول، الكلب تجي ماشي فوق ليهو ما يقول ليك هوْ، ولو بقى نشيط خلاص، يقوم ينبح فيك بتهوهوة واحدة تاني ما يزيدها، كأنو عامل ليك مس كول.. مرة ناقشت مسألة عدم مبالاة كلاب اليوم مع واحد كلب، فقال لي: زمان كان بيطغى الحماس والانفعال على أدائنا ككلاب، وكنا بننبح في الفاضية والمليانة، لكننا لما شفنا الحكومة ما بتدفع لينا مواهي وحاولت تستملحنا، قلنا ما لنا ومال المشاكل والعباطة الفي الفارغ.. ونحن الآن في ظل نظام عالمي جديد ولن ننبح ببلاش لأنو في حاجة اسمها الملكية الفكرية وأصواتنا دي لازم تقيّم التقييم المناسب واللي عاوز ليهو (هوت دوق) يشوفوا بعيد مننا، نحن خلاص ودعنا عهد العباطة والتهور.
فقلت في نفسي: يا حليل زمان وأيام زمان.. لما الكلاب كانت بتسك الشفّع وتشرط هدومهم.. الآن نبيحها ذاتو بقى مشروط.. زمان تجي ماشي تلقى الكلب منتظرك في الطريق مليان جسارة وعنفوان ولسانو حالو يقول يا دنيا ما فيك إلا أنا، أما الآن فالكلاب بقى مغضوب عليها وضالة ومهمشة وبتعيش على حافة النسيان ولو نظمت نفسها كويس ممكن تدخل الغابة أو تقيم في فنادق وتعلن التمرد وتعمل ليها حركة تمرد وممكن تسميها حركة تحرير الكلاب وتختصرها في كلمة (حتك)..

يا جماعة الكلام ده عيب في حقنا وما بصح في حق شعب عاش (علماً) بين الأمم .. ويا جماعة كفانا تمييع أسماء وتمييع كعك وتمييع وحم وتمييع فحولة وتمييع قضايا وتمييع مياعة وخلونا نرجع لقديمنا ونخلي في البنسوي فيهو ده، الكلام ده بالحيل ما سمح في حقنا ..
11116ds
حليل زمن الصبا الماضى حليل زهر الحياة الزاهر
حليل زمن الحبيب راضى وحليل زمن الهوى الطاهر
حليلو الأبلج الباسم حليلو الكاحل الناير
حليل قمر السما القاسم لياليه وصبح داير
آه لو آه تفيد مجروح والمثل القديم ساير
رهاب ماحصلو الجاري وسماك ما حصلو الطاير
تجدنى مراقب أخبارك اذا النسمات بها تخابر
تجدني على الفراش مضنى وتجدنى على الأسى صابر
أنا البعدك أصون عهدك وليتك كنت بى خابر
وليتك مرة تذكرنى ولو في ذكرة الغابر
:0006[1]:

عبدالله قاسم
10-18-2010, 01:10 PM
الجبيب ابو الهول
الموضوع غاية في الروعه لكن بيت الشعر ادناه غير معقول ,,,,,,,,,,,,,,,,,,,,,
رهاب ماحصلو الجاري وسماك ما حصلو الطاير
منتهى البلاغه والخيال الخصب
شكرا على نقل الموضوع برمته روعه من رائع مثلك ,,,,,,
ود الشيخ عبدالله قاسم

ابو الهول
10-19-2010, 12:38 AM
66sdhtyu7yu66sd

الشباب والشابات ... الكراكات و البلدوزرات ...
كيفنكن .. انشا الله بخير وصحة وعافية .... كدي شوفو القصة دي:::
قال ليك
11116ds
واحد مسطول حاول يكتب ليهو قصة مسلسل
59sd
وكانت كالاتي
:10_5_137:
مدير الشركة قال للسكرتيرة
انا حاسوقك معاي رحلة عمل اسبوع ... جهزي نفسك
:10_5_137:
السكرتيرة اتصلت على زوجها وقالت ليهو
عندي رحلة عمل مع مديري لمدة اسبوع ... دبر امورك
htyu7yu
الزوج اتصل على حبيبته وقال ليها
زوجتي مسافرة اسبوع ... وحنتلاقى كل يوم
11116ds
حبيبة الزوج شغالة دادا لشافع اتصلت بيهو وقالت ليهو
انا حاكون مشغولة الاسبوع ده كلو ... ومابقدر اجيك
39sd
الشافع اتصل بابوهو وقال ليهو
بابا الدادا قالت اسبوع مابتقدر تجيني ... تعال لي كل يوم ونمشي نتفسح
66sd
الابو طلع مدير الشركة اتصل على السكرتيرة وقال ليها
موضوع السفر اتلغى ... انسي الموضوع
:36_7_15:
السكرتيرة اتصلت بزوجها وقالت ليهو
خلاص ما ماشا رحلة العمل لانها اتلغت ... وحاكون قاعدة في البيت
الزوج اتصل بحبيبته وقال ليها
زوجتي ما حتسافر معناها ماحنقدر نتلاقى ... انسي الموضوع
:36_7_15:
حبيبة الزوج اتصلت على الشافع وقالت ليهو
خلاص انا حاجيك الاسبوع ده كلو ... ماتخاف
113ds
الشافع اتصل على ابوهو وقال ليهو
خلاص يابابا الدادا جاية ... اخد راحتك
11116ds
الابو تاني رجع اتصل بالسكرتيرة وقال ليها
انا حاسوقك معاي رحلة العمل ... جهزي نفسك
59sd
- كدي أسطلوا وكملوا المسلسل دا ؟
- وخاصة نكاتكم عن المساطيل كتيرة ووفيرة ؟
112112112

ابو الهول
10-20-2010, 11:50 PM
:21_105:
- زوج وزوجة ؟؟؟

http://www.aleppos.net/forum/attachment.php?attachmentid=124808&d=1209553819

:36_1_61:
- زوجة اليوم ؟؟
http://www.aleppos.net/forum/attachment.php?attachmentid=124807&d=1209553819

:36_1_61:
- النساء في الماضي -

http://i164.photobucket.com/albums/u21/m84_2000/2-1.jpg
- الند بالند ؟
http://www.14october.com/files/issues/98dd1a4c-bcc3-4805-8ab5-c543fcdc9725/hnbu.JPG

:36_1_61:
- تعليمات - سجمكم -
- والرماد - كالكم ؟؟
http://www.nabanews.net/photo/Image/Berlin%20wall/chaina%20women.JPG

146546487ds

ابو الهول
10-22-2010, 01:15 PM
59sd

دكان الحله مخزن اسرار ..
- ياحليل دكان زمان مابدخلوا النسوان..! -
11116ds

http://www.sudanelite.com/*******s/newsm/6846.jpg

39sd
(دكان الحلة) باب واسع يساعد الناس فى تسيير حياتهم اليوميه ويمكنهم من الحصول على احتياجاتهم ..
وهو مخزن اسرار لانه يعطى كل من يقف فيه خلفيه عن الوضع الاقتصادى والاجتماعى لسكان المنطقه..
فهناك من يسعى خلف الضروريات فقط وهناك من هومولع بهوس الشراء فلايحسب لما ينفقه حساب ..وفيه من يستدين ليسد جوعه ..
فى الدكان نعرف الشخص الصادق الامين الذى يعيد المليم .. والمحتال الذى لايمكن التاجر من تزكر ما اخذه منة ..ونجد ان صاحب الدكان يلاحظ غياب احد زبائنه فى حين ان الجار القريب لايفطن الى حال جاره ..وفيه تتلاقى النسوة ويتجاذبن الاحاديث مما يعطيه خلفيه عن اجواء الحله ..فهو ايضا يراقب خروج الناس من والى بيوتهم خاصه وان معظمهم يسكنون الدكاكين.
*عائشه ابراهيم تعقد ان الزمن وضع يده على دكان الحله وحوله الى ذكرى من الماضى وتقول” سيد الدكان زمان كان واحد مننا.. بعرف حالتنا ويميز المحتال من المحتاج ..ويضع امامه دفتر يقيد فيه كل الديون لكننا اليوم نرى بقالات كبيره وفخمه..مافيها غير المعلبات ومعلقين وررقه مكتوب عليها (ممنوع الدين ولو بعدين) فالثقه معدومه خلاف السابق..
كنا نرسل الاطفال الصغار وسيد الدكان ما بخاف منهم ..اضافه الى ان التجار يقدمون من الخارج ولا نعرف لهم وجه غير هذه الدكاكين فكيف نؤمنهم على اسرارنا وفيهم الصالح والطالح.
*الحاجه حواء استوقفناها وهى على عجله من اخرها ولكنها افادتنا بقولها” نسوان زمان بمشوا الدكان وكنا بنرسل الاطفال ورغم صغرهم كانوا بحفظوا المرسال وعينهم (نجيضه) لكن الاطفال اصبحوا (روشين)لايستوعبون الكلام ولايثق فيهم سيد الدكان الا ان كان فى يدهم قروش ..فلازال لدكان الحله اثر على حياة الناس.
*علا عبدالقادر . باحثه اجتماعيه تقول “ دكان الحله يعنى بقيم اجتماعية كثيره اهمها الاجتماعى والاقتصاد المنزلى فمن خلاله نحصل على احتياجاتنا بالمبلغ المتاح .. وربما كان مخزن اسرار جيد لكنه قد يكون واجهه تغطى اشياء اخرى.
htyu7yu

ابو الهول
10-24-2010, 01:01 AM
98sd:ah8:

حاج محجوب لا زال يذوب عشقا في حاجة السرة
:11_6_206:
ذلك الصباح، كنت خارجا إلى السوق حين رأيت حاج محجوب مندفعا من باب السور الخارجي لبيته وهو يعدو بسرعة لا تتفق البتة مع جسده الممتلئ لحما وشحما -
ثم سمعت صوت ارتطام شي صلب بالباب من الداخل وحاج محجوب يرفع يده إلى رأسه ليحيمها -
توقفت وأنا أعلم السبب ،، ،، وحين وصلني خفف من سرعته والتفت خلفه في توقع وجل، ،، ،، ثم لما لم ير أحدا يطارده ابتسم - تخيلوا لقد ابتسم ؟
ثم وبأنفاس متقطعة أخبرني أن هذه المرأة في أحد الأيام " بتودرو وتلحقو أمات طه ؟
:21_129:
كنت أعلم أنه لا يزال يحبها بنفس ذلك القدر المعهود فيه منذ تزوجها ،، ،، لكن كيف استطاع ذلك إلى الآن فذلك شأن نجهله وكثير من نساء الفريق يمتن لهفة ليعرفن سره ،، ،، يبدو أني قد تسرعت ،، ،، دعوني أولا اقدم لكم حاج محجوب ؟
98sd
حاج محجوب جارنا زولا طيب وفي حالو، ،، ،، بس مرات قدرك يرميك في مره زي مرتو حاجة السرة. ،، ،، الزول دا ما بسمع الكلام وكت نصحناهو قبل يتزوج، ،، ،، كلمناهو أنو الناس بقولو ما تتزوج الأكبر منك حجما ولا علما ولا مالا إلا إذا كان من الناس البحملو البتجيهن إن بقى الحكومة انقلبت ،، ،، بس الزول دا المرة كانت شارقاه شرقة مودراهو وما عندو سيرةً غيرا.
:ah8:
"ياخوانا الليلة جيت ماشي بعدل حوش البلولة ،، ،، أشوف ليك بتو السرة شايلة شافع أختها وترفع فيهو يافوق وتنزلو ،والشافع يضحك، ،، ،، ياناس وحاة الفكي الفاضل أنا قلبي ينط مع الشافع دا من كلوتي الشمال لكتفي اليمين وبالعكس -
ويا ناس البنية وكت اتلفتت وعيني لاقت عينا ،، ،، ووب علي أنا ،، ،، الوكت داك قلبي دا أكوس ليو سما واطة ما لميت فيه ،، ،، بس الكان بضرب ويدق في عروق راسي دا شنو ما عرفتو، ،، ،، غايتو أنا الشويفعة دي كان ما عرسوها لي أنا بجن الجن الراسو عديل دا"
98sd
وكررنا عليهو الوصية والنصيحة،
"يا المحجوب الشويفعة دي يادوب عمرها ستاشر سنة وطولا قدرك مرة ونص، وهي لسة ماشة في زيادة, وانت عمرك اتنين وعشرين سنة ،، ،، ، يعني من تالا طول ات بعد دا محلك سر، ماك ماش زايد ولا شبر ،، ،، تحين شويفعتك دي أختاها، لا وكمان على العليها الناس ديل انت عارف ناس شعيتين وجنهن مخامشة"
"ياناس، وحاة الفكي الفاضل أكان شفتوها بيعيني ديل علا الواحد فيكم كرعيو محل يودنو ما يعرف"
:ah8:
كان هذا قبل خمسا وعشرين سنة ،، ،، كبر فيها المحجوب وكبر فيها بطن المحجوب وصار يبدو مع قصر قامته كنصف الدائرة ،، ،، وحدث ما توقعناه ،، ،، لقد زاد طول السرة وزادت حدة طبعها وشدته ،، ،، ورغم أنه قد أنجب منها سبعا من البنين والبنات إلا أن هذا لم يكن يشفع له عندما تخرج الأمور عن الطور ،، ،،
كلمات تلك المرأة كانت تخرج من فيها كالرصاص فتصيب الجميع بلا استثناء ،، ،، أبناءها وبناتها اعتادوا الجو المتوتر، ،، ،، لقد كانوا يحتملونها ،، ،، بل أحيانا يخيل لي أنهم صاروا يستمتعون حين تطير فردة حذاء في طريقها إلى رأس أحدهم، فترى الابتسامات الخبيثة والضحكات المكتومة خوفا ،، ،، ولأنهم كانوا في حال توقع لنوبات غضبها وما يصحبها من قذائف الهاون المتطايرة يمنة ويسرة فقد كانوا يعملون حساب الأشياء الحادة فيبعدونها من متناول يدها.
حتى كان ذلك الصباح الذي لم يكن جديدا بالنسبة لكلينا، -
16sd
لكن دهشتي لثبات حبه لها وولائه الذي لا يعرف الحدود ما انفكت هي هي ،، منذ زواجهما قبل خمسا وعشرين سنة.


:21_129:
في حب ياخوانا أكتر من كدا؟
46فقف
- أنتهي -
:11_6_206:

ابو الهول
10-26-2010, 03:58 PM
45rtyyr

تعرض زوجها سائق التاكسي لحادث حركة اليم -
فاقعده الحادث عن الحركة فاصبح مشلولاً
واضطرت هي للخروج للعمل -
فكانت تعوس الكسرة وتفرش بالاكل والشاي في السوق
لكي توفر لزوجها وأولادها لقمة العيش.. المعايش جبارة ؟
وفرت لهم العيشة الكريمة وثمن الدواء وبرضو حق الممرضة التي تمارض زوجها اثناء غيابها..
:21_236:....
:21_13:...
مرت الايام والسنين حتى نسيت انها انثى فقد تبدلت حياتها وانقلبت رأسا على عقب.
وبعد خمس سنوات تمكن الزوج من السير على اقدامه....
19sd
ولكن ماذا فعل هو؟
105jhg
-
-
-
-
-
-
- تزوج بالممرضة - ( وتركها في السوق ) -
14sd
الراجل ده بري منه يا يمه -
جاحد وناكر للجميل -
:21_13:

ابو الهول
11-01-2010, 04:36 PM
htyu7yu

ان يتخطي قطار الزواج بعض الفتيات فهذا يبدو ممكناً ويندرج تحت اطار القسمة والنصيب بيد ان قطار التعليم لا يمكنه ان يسبق احدا متي توفرت الارادة اللازمة والعزيمة القوية للحاق به -
وقد ضربت المواطنة حياة محمد فضل 60 عاماً المثل الاعلي في المثابرة لتدخل كطالبة في مرحلة الاساس وهي في هذه السن المتقدمة ينطبق عليها المثل القائل ( بعد ما شاب ودو الكتّاب) مخالفة بذلك المقولة التي تقول (العلم في الصغر كالنقش في الحجر) وقصة الحاجة الطالبة حياة التي تحمل علي خديها الشلوخ المطارق لم تأبه بشئ وهي تجلس مع طالبات الصف السابع غير تحصيل اكبر قدر من المعلومات حتي تصل الي غايتها النهائية وهي الدخول الي جامعة القران -
حتي تصبح داعية لبنات جنسها وحتي يتسني لها الاسهام بازالة الامية لاكبر قدر ممكن لبنات جنسها.
وبدعوة كريمة من الاستاذ ادريس اسماعيل ادريس منسق الخدمة الوطنية بكلية دنقلا كانت الدار حضوراً في مدرسة حفير مشو للاساس لرصد قصة الطالبة الخارقة للعادة والتي لم توفق في حياتها الزوحية لمرتين ومع ذلك فقد مضت حياتها بصورة طبيعية الي ان استفزها احد المواقف حينما دخلت الي احدي خلاوي القران مع صغار الصبية وعندما بدأ كل منهم في قراءة لوحه وقفت هي عاجزة بالرغم من انها كانت تؤدي فروض الصلاة بالقدر القليل جداً الذي تحفظه ومن هنا بدأت انطلاقتها نحو ارتياد ساحات العلم لتدخل فصول محو الامية التي اقامتها منسقية الخدمة الوطنية حيث درست لسنتين وكان اول شئ كتبته في حياتها هو اسمها بالكامل وقد شكل لها هذا الحدث نقطة تحول كبيرة في حياتها التي بدأت تاخذ منحي آخر حيث توجهت وبكل جرأة لمدرسة حفير مشو للبنين ودرست هناك الصف الاول والثاني وسط صبيان في عمر احفادها دون ان تكترث لاي شئ ثم انتقلت بعد ذلك لمدرسة بنات حفير مشو لمرحلة الاساس وهي في حوالي الستين من عمرها لتواصل الدراسة الي ان وصلت الي الصف السابع علماً بانها ترتدي نفس الزي المدرسي الذي ترتديه طالبات مرحلة الاساس وقد تسني لها خلال هذه الفترة الكتابة بشكل جيد كما انها حفظت اجزاء كثيرة من القران وآخرها سورة يس. وبالتوازي مع ذلك فقد كانت الخالة حياة تكافح في حياتها الخاصة من اجل الوصول الي هدفها فقد تعودت علي بيع الايسكريم والتسالي صباحاً لزميلاتها الطالبات حتي تقوم بتوفير ثمن وجبة الافطار ومن ثم تتجه بعد نهاية اليوم الدراسي الي سوق منطقة حفير مشو لبيع ماتبقي لها من بضاعة حتي تحصل علي المصاريف اليومية وفي اطار ردها علي مندوب صحيفة الدار عن احساسها وهي في هذه السن بين طالبات في مستوي احفادها قالت انها لا تنظر الي الامر بهذه الطريقة وان مابينها وبين زميلاتها الطالبات تحصيل العلم فقط وذكرت انها تنصاع لمعلماتها وكأنها طالبة في الرابعة عشرة من عمرها مؤكدة انها تضع نصب عينيها هدفاً واحداً لابد من الوصول اليه ولو طال الزمن وهو ارتياد جامعة القران الكريم حتي تصبح داعية ومعلمة في فصول محو الامية وهي تشكر كل من وقف خلفها داعماً لها خاصة شقيقها المقيم بالمملكة العربية السعودية وافراد اسرته الكرام وتسوق الشكر لمعلمي مدرسة حفير مشو الذين قابلو رغبتها في التعليم بصدر رحب حتي وصلت الي الصف السابع.
وللتواصل رجاء الاتصال علي الرقم 0913168068
:21_240::21_240:

ابو الهول
11-09-2010, 01:49 PM
565yt56tr

- بيت العرس..!-
120ds
.. وهل للعرس بيت خاص به؟!..
واذا كان الامر كذلك فما الفرق بين «بيت العرس» والبيوت الاخرى؟!.. والمؤكد ان هذه التساؤلات تحمل ضمنياً اجاباتها.. فهناك بالفعل وخاصة في السودان «بيت للعرس» لا يشبه البيوت الاخرى.. ولأنه كذلك فهو بيت مختلف ومن نوع آخر.. بل وتدور داخله اشياء ظللنا نشاهدها ونعايشها كثيراً.. لكن ربما لم نفكر فيها على هذا النحو الفانتازي الذي ندخل من خلاله هذه المرة «بيوت الاعراس»!!
تسمية بيت العرس مميزة الى حد كبير.. وتؤكد ان «طقوس العرس» تحول بيوت الاعراس الى بيوت فريدة من نوعها والى حد تسميتها «ببيوت الاعراس» فتكون اكثر اناقة ووهجاً وألقاً ورونقاً مهما كانت طريقة بنائها من الخارج.. حيث «الداخل» يشتعل بالفرح ويضئ بالسرور والحبور.. وحيث الاغاني والرقصات والاهازيج يتردد صداها في كل انحاء البيت.. بل في كل انحاء الحي أو القرية.. و... تبدأ الطقوس في عزف سيمفونية الفرح..!
فما ان يحدد موعد الزفاف الاَّ ويتسارع الايقاع في البيت.. حركة دؤوبة.. نشاط لافت.. يبدأون في طلاء البيت من الداخل والخارج.. اثاثات جديدة تحل محل القديمة.. ترتيب انيق لوضعية المحتويات.. ثم نقترب من لوحة الطقس اكثر.. ليزداد الزوار اكثر.. ويتسع الفرح اكثر!!
«فتح الخشم».. و«الشيلة».. و«الحنة»و«السيرة» و«الزفة» و«الصبحية».. احداث مبهجة تتوالى تباعاً.. تمتد اياماً أو اسابيع أو شهور.. وقد تصل لسنوات.. وكل هذه المدة التي تستغرقها المناسبة يقال عن هذا البيت الذي يحتضن الحدث السعيد بأنه «بيت العرس»!!
و«بيت العرس» في الواقع بيتان وليس بيتاً واحداً.. حيث يتزامن هذا الانشغال بالاستعداد والتجهيز للعرس كل من بيت «العريس» و«بيت العروس» في توقيت واحد.. كلاهما يكون عامراً بالمفاجآت.. غناء لا يتوقف ورقص مبهج يرافق كل تدشين جديد لأحد عناصر منظومة «العرس» التي تحرص على اقامتها كل «بيوت الاعراس»!!
و«بيت العرس» يستطيع غالباً ان يحول جميع البيوت الاخرى التي حوله الى «بيوت اعراس».. فتنتقل عدوى الفرح.. والناس داخله ومارقه.. ماشين بيت العرس.. وجاين من بيت العرس.. «الحي» أو «الحلة» كلها في ظرف وجداني استثنائي.. وحديث الناس المحيطة ببيت العرس كله ينصب عن المناسبة.. واللواري والبصات والحافلات والعربات والامجادات والركشات في حالة ذهاب واياب من والى بيت العرس.. والخالات والعمات القادمات من امكنة بعيدة ومختلفة في شبه معسكر داخل بيت العرس والعريس «طالع نازل» ويده لا تفارق جيبه الاَّ لتسليم مبلغ ما.. مصروفات بيت العرس بكل زواره وضيوفه تدفع اولاً باول اما «العروس» فهي تعيش ايام «القفلة» للاعتناء بصحتها واناقتها وجمالها.. وتتبع نظاماً غذائياً معيناً مع المشاركة الفاعلة في طقوس كل يوم.. التي تتجدد كل ليلة!!
«بيت العرس» الذي يتحول الى اشهر بيت في محيطه.. ويشار اليه بالبنان باعتباره «بيت العرس».. يحفل بالمواقف والحكاوي والاحداث.. ليس بالضرورة ان تكون كلها «مبهجة» تمشياً مع روح المناسبة.. فالناس حتى في زمنية افراحهم قد يحزنون.. أو يتخاصمون.. أو يتشاجرون.. ومن دخل بيوت الاعراس لابد ان يصل الى هذه المفارقة الغريبة.. حتى «العريس» نفسه الذي هو المحتفى به قد يعلو صوته معترضاً على أحد أو متشاجراً مع أحد وقد يكون اقرب ناس البيت اليه.. فالترتيبات والتجهيزات وما يتزامن معها من نقاشات قد يقود الى اختلاف ومن ثم الى صدام و.. النساء الكثيرات اللائي يحتشدن في بيت العرس قد ينتهي المزاح البرئ بينهن الى «مشكلة».. خاصة حين تشعر احداهن بأن استفزازاً من نوع ما قد تعرضت له..!!ولا داعي للانزعاج فكل شئ في بيت العرس يعود الى طبيعته وهدوئه سريعاً لأن الفرح لابد أن يستمر والزواج لابد أن يكتمل..!!
لكن حين يتوفى أحد جيران أو أقارب العريس أو العروس فهنا فقط يلتهم «الحزن» كل «الفرح» فتتوقف موسيقى المناسبة ويسود الصمت «المطبق» بيت العرس وليس بمستبعد ان يؤجل «العرس» بكامله أو حتى يقام في اضيق الحدود بدون ضرب للدفوف أو غناء تتردد أصداؤه في سماء ومحيط «بيت العرس»..!!
والاذكياء أو ربما المحظوظين هم من يستثمرون فرصة «رب ضارة نافعة» فيتملصوا من كل التزاماتهم الفرائحية المرهقة مادياً بدعوى أن جاراً أو قريباً لهم قد مات.. فيكملون زواجهم في صمت.. وبلا تكلفة مادية تقصم ظهورهم..!!
ولأن «الزواج» في هذا البلد «تظاهري» الى حد كبير فهناك من يلجأون الى الخيارات الاسهل.. بأن يتزوجوا في اضيق الحدود المادية حين يقتنع كل من الطرفين واهلهما بذلك.. رغم أن اضيق الحدود هذه وتدريجياً لا تخلو من «صرف» حتمي هنا أو هناك.. حيث لا يوجد «عرس» دون تكلفة مهما تضاءل حجم الفرح فيه..!!
اما زواج «الكورة» فهو خيار آخر تعامل معه المجتمع بتحفظ في بادئ الامر لكن الظروف الاقتصادية الصعبة فرضت في نهاية المطاف كلمتها.. فلم يعد ثمة حرج من زواج «الكورة» أو «الزواج الجماعي» الذي يوفر «الشنطة» أي «الشيلة» ومصاريف حفل الزواج نفسها وربما يزداد سقف «الكورة» ليمنح العروسين قطعة ارض أو مبلغاً مقدراً من المال الذي يستهل الحياة الزوجية الجديدة..!!وبعيداً عن «القروش» التي جننت العالم.. فهناك من يتزوجون لاول مرة.. وهناك من يتزوجون للمرة الثانية أو الثالثة أو الرابعة أو.. سواء الرجل أو المرأة.. فإن الغالب هو أن يتم كل شئ في «خصوصية» اكثر منها «عمومية».. وتتفاوت المعايير «هنا» حسب الظروف والامكانيات والاتفاق الذي هو شريعة المتعاقدين.. وعلى نحو قد يجعل «الفرح» خافتاً أو سرياً الى حد كبير.. فهناك من يخافون مداهمة الزوجة الاولى أو الثانية أو الثالثة.. وعلى نحو قد يلغي «الفكرة» برمتها حتى ولو وصلت الى مرحلة متقدمة جداً في التنفيذ..!!
إنها «بيوت الاعراس» بأفراحها وأحزانها معاً.. وأسرارها وخفاياها.. تتحول الى «مصنع» صغير لتعليب الفرح المجاني.. قد يكون صادقاً أو مفتعلاً.. قد يكون حقيقياً أو مزيفاً.. لكن في كل الأحوال لابد من استخدام هذا «المنتج» المفرح والذي يدفع ثمنه صاحب المناسبة بكل القبول والرضا.. وهذه دعوة مفتوحة لدخول «بيت عرس» فانتازيا.. والعاقبة عندكم في المسرات!!
120ds
«فتح الخشم».. والضوء الأخضر
إنهم ـ أي أهل العريس ـ يطرقون الآن أبواب أهل «العروس».. سيفتحون خشمهم ويقدمون «قولة خير».. هذا وحده هو الذي سيمنحهم «الضوء الاخضر» لكي تمضي مراسم العرس الى نهاياتها المفرحة!!
أما لماذا سموا هذا الطقس بفتح الخشم.. فلأن أهل العريس يفتحون خشمهم بالكلام الجاد حول طلبهم للعروس ويبدأون أول خطوة في طريق «الهدايا» و«العطاء» الذي يكون بكامل الرضا والقبول!
120ds
عندما يتكلم مع «أبوها»
هو: يا عمي أنا والله في الحقيقة.. عاوز.. عاوز اتقدم واطلب ايد بتكم المصونة «قمر الزمان»..!
أبوها: وبتعرفها من وين.. كمان حافظ اسمها!!
هو: لا.. والله العظيم بعيني دي ما شفتها.. أصلها صديقة أختي «نور العيون»
أبوها: لا.. كان كده معليش.. أها.. شغال شنو.. وأهلك من وين؟!
هو: التفاصيل دي نخليها بعدين.. أنا ميسور والحمد لله.. ميسور جداً.. وشاري بتكم دي.. لو عاوزين لبن الطير بجيبوا ليها!
أبوها: يا زول أنا موافق.. لكين لازم نستشير البت وكدا.. ده كلام الشرع..
هو: البت يا عمي موافقة ودايراني عديل كده..
أبوها: قُلته شنو يا ولد؟!
هو: لا.. أنا قصدي إن شاء الله توافق على وكده..
أبوها: خلاص.. مر علينا بعد أسبوع..
هو: ما تخليها بكره!!
أبوها: يعني مستعجل!!
هو: والله أنا جاهز من مجاميعو..
أبوها: كان كده «الفاتحة»!!
120ds
«العريس» يشيل شيلتو..!!
تلاته تلاته.. وللا أربعه أربعه.. وللا اتناشر عديل كده.. حرم كضاب.. ديل أربعه وعشرين من كل نوع.. يعني 24 شنطة يد و24 حذاء و24... و24...!! والله عريس الهنا والسرور.. لكين القروش دي كلها جابها من وين.. مغترب وللا شنو.. مغترب شنو يا اخي البقدر يجيب شيلة بالحجم ده.. العريس يا اخوي «سمسار».. وفي واحدين بقولوا انو شغال في السياسة.. لكين ما متأكد لو كان مع الحكومة وللا المعارضة.. ما بتفرق كثير... الاتنين عندهم قروش بالكوم!!
الإحتفال يتواصل بالعريس!
(1)
أهلاً يا عريس.. ازيك يا عريس..
الأخبار شنو يا عريس.. على وين يا عريس..
شنو مختفي كده يا عريس..
(2)
أها.. شهر العسل قضيتو وين.. ومالك قطعته اجازتك سريع كده.. معقول الشهر خلص كلو.. لكين شكلك جايي آخر حيوية ونشاط!!
(3)
والله انت عريس الموسم.. شنو الشياكة والقيافة دي.. شكلك مبسوط وعال العال.. والله الواحد حاسدك عديل كده.
«بيت عرس» و«بيت ساي»..!!
بيت ساي: مبروك..!
بيت عرس: عقبالك..!
بيت ساي: ما أظن.. جماعتنا ديل ما عندهم نية عرس قريب.. إلا كان «بكا» غايتو..
بيت عرس: والله احسن ليك تكون محايد كده هسه عليك الله «الجوطة» الانا فيها دي في زول نصيح بستحملها..
بيت ساي: حالة صعبة والله.. يا أخي أنا جاني صداع خلي إنت..
بيت عرس: لكين بيني وبينك برضو في حاجات ظريفة بتخلي الواحد ينبسط شويه.. يعني الناس الجايه وماشه دي.. والوجوه الحلوة والنايرة.. والابتسامات الطالعة من جوه القلب.. ده غير «الأكلات» المدنكلة.. والحلويات والخبايز.. وكبابي الشاي والشربات الداخله ومارقه.. والحاجات التانيه الما بتخلص..
بيت ساي: يا بختك.. دي ايامك.. ماشه معاك يا عم
بيت عرس: أنا غايتو بصراحة مافي حاجة غايظاني إلا النضمي الكتير بتاع النسوان.. وهاك يا قطيعة في فلانه وعلانه.. والله جاتني لحظة كده قربته اطفشن مني!
بيت ساي: لكين كيف؟
بيت عرس: قُلته اقطع مويه ونور أو حتى ارمي ليك فيهن حيطة.. تاني طنشته وقُلته مافي داعي نقلب الفرح غم وحزن..!!
بيت ساي: أصيل والله وكلك نظر ومفهومية!!
«همس» في «الكوشه»!
120ds
العريس: تبدين خجولة أكثر مما ينبغي!
العروس: هل نسيت أن هذه هي المرة الأولى التي اتزوّج فيها؟
العريس: بيني وبينك هذا الكم المهول من المدعوّين يحتاج إلى شجاعة أدبية كبيرة.
العروس: حتى الآن تبدو متماسكاً.. ومجاملاً.
العريس: إذن هيا.. فلنرقص معاً على موسيقى هذه الأغنية.
العروس: لقد تعبت من «الرقيص».
العريس: تفضلين الجلوس في «الكوشة» إذن؟
العروس: قليلاً.. ثم نعاود الرقص!
العريس: كأنني في حلم.
العروس: حلم جميل.
العريس: أحبك.
«العروس.. تصمت!!»
«الجرتق».. عادة سودانية متجذرة!!
من العادات السودانية المتجذرة في طقوس الزواج «الجرتق» الذي يكاد تتشارك في الاحتفاء به معظم قبائل السودان..
وفي هذا الطقس يقوم العريس بوضع «الهلال» على جبينه فيما تضع «العروس» «الجدلة» ثم تأتي الخالات والعمات لعمل ما يعرف «الضريرة».. وكذلك تتزامن مع هذه الطقوس عادة «بخ اللبن» حيث يقوم العريس ببخ عروسه باللبن وتقوم هي ايضاً ببخه ويبررون ذلك بقولهم: «عشان يقابلها وتقابلوا بالبيضاء»..!!
الحفلة في البيت وللاّ في النادي؟!
أم العروس: يا بتي خُشي جوّه الأوضة.. ما تقيفي في الشمس وتروحي لينا تعبنا ساي.
العروس: هي الشمس هسه وينها.. نحن في المُغربية.. وبعدين لازم أجامل بنات جيرانا ديل.
أم العروس: والله بنات جيرانا ديل كلامن ما بخلص.. وكان لي عشة ديك الغيرة قاتلاها!
العروس: مافي داعي يا أمي للكلام ده.. ديل صاحباتي وفرحانات لي.
أم العروس: شوفي النحدثك.. الليلة حيجيبوا الكروت.. دايرين نقعد نكتبن مع أبوك.. ومن هسه اسمعيني وافتحي أضانك كويس.. إنتي وأخوك معارفكم كتار.. عشان كدي لازم تحددوا عدد معيّن عشان بعدين ما تجوط ساي!
العروس: قبل الكروت.. لازم نحسم موضوع النادي.. أنا غايتو حفلة جوّه البيت ما عاوزة.
أم العروس: لكين النسوي شنو.. ما قال ما لقه حجز في أي نادي.
العروس: لو المشكلة على يوم الخميس.. ما نعمل العرس في يوم تاني.
أم العروس: والله اليوم ما يتغيّر.. هي الحكاية لعب وللاّ شنو.. وبعدين أنا أحسن لي الحفلة تكون جوّه بيتي ده.
العروس: بس الحكاية دي الناس خلوها.. أقول شنو لصحباتي.
أم العروس: صحباتك ديل كدي الأول يشوفوا ليهن عرسان بدل ما قاعدات كده.. الحفلة في البيت يعني في البيت.
نساء في بيت العرس!!
(1): والله عريس الهنا والسرور.. آخر وسامة ووجاهة.
(2): لكين عليك الله شُفتي العروس كيف!!
(3) صحي.. الله بدي الجنة!
(4): السماحة لكين ما كلو شي.
(1): آآي والله.. البت ما فيها كلام.. أصل وفصل وتعليم وأخلاق.
(2): ما قلنا شي.. الله يسعدم ببعض.
(3): شوفوا يا نسوان هوي.. خلوا المجاملة دي.. العريس ده مصدوم!
(4): مصدوم كيف؟!
(1): عامل حادث يعني!
(2): قصدك شنو؟
(3): العريس ده.. كان داير زميلتو في الجامعة.. لكين زي ما بقولوا أولاد الزمن ديل.. ادوهو شاكوش قام بس غمض وعرّس أول واحدة اقترحوها ليهو.
(4): الكلام ده صحي!
(1): دي اشاعات ساي.
(2) والله أي شي وارد في الزمن ده.
(3) يعني أنا كضابة.. سمح خلي اللي يجي ماري بهنا كان ما سألتوا في وشو!
(4): لا مافي داعي مصدقنك.. الفات مات.. ربنا يتمم ليهم علي خير.
120ds
لماذا تأخر العريس والعروس؟
إتصل بهم حالاً.. لقد تأخروا.. الساعة تجاوزت العاشرة مساءً وعربتهما لم تصل.. أخشى أن يكون قد حدث لهما سوء.. السيارة التي هما عليها مستأجرة.. صحيح أنها بحالة ممتازة وموديلها حديث لكن لا أحد يضمن السيارات المستأجرة.. هيا يا «......» استعجلهما.. الحفلة على وشك الإنتهاء.. غالباً «الكوافير هو الذي أخرهما.. لقد قلت للعروس أن تذهب مبكراً ولم تسمع كلامي.. سأمنحهما خمس دقائق فقط.. إذا لم يصلا إلى مكان الحفل سيكون لي معهما حديث آخر».. «فجأة تدخل سيارة العريس والعروس.. الأبواق تعلو والزغاريد.. والعريس والعروس يرقصان الآن وسط الحفلة.
حنة العريس!!
حنة «العرس» لا تقتصر على «العروس» فقط بل حتى «العريس» نفسه يمارس هذا الطقس ويقوم أهله بوضع «الحنة» له في بيته ومع أصدقائه الذين يتابعون الطقس من بدايته وحتى نهايته.
وفي ليلة الحنة يجتمع كل أهل وأصدقاء العريس ويمتلئ البيت بالأغاني التي وضعت خصيصاً لهذه المناسبة السعيدة وتسمى بـ«السيرة» ومن بين هذه الاغاني الكلمات التي تقول:
يمه الخير بريدو
حننوه الليلة يوم جديدو حننو
شوف اصحابوا جوهو
حننو وقفوا شرفوا سيرو
شوف خالاتو جنّو
وقفن جرتقنو الليلة سيرو
طقوس للزواج.. من نوع غريب جداً!!
حنة العروس!!
«الحنة» من أهم طقوس الزواج في السودان ويحرص أهل العريس والعروس معاً على إقامة هذا الطقس حيث يحدد له يوم خاص وتقوم «حنانة» متخصصة بوضع الحنة بنقوشها ورسومها المميزة على يدي وقدمي العروس، حيث يجتمع أهلها وصديقاتها ويتحلقن حول صينية «الجرتق» والمكونة من الحنة والشموع الملونة والعطور من صندلية ومحلبية ومجموع وبخور.وتكون العروس في كامل زينتها بينما تزغرد النساء فرحاً ويشدين بأغاني العرس والتي من بينها الاغنية التي تقول كلماتها:
مبروك عليك الليلة يا نعومة، يا حليل ناس ديل الزمان بيجونا
يوم حننوك شالت ،ويوم سرحوكي الدمعة سالت -
565yt56tr
- ونتابع -
43sd

ابو الهول
11-23-2010, 03:50 PM
:21_129:


(1)
عرس نفيسي
46فقف
- طارق آآآولدي قوماك دلني لا تحت جنب جدودك في شجرة ناس ود جبارة
- سمح قوماكي
- أدني عكازي
واندلينا لاااا تحت عند بير ود جبارة
- عوض السيد: اهلا بالمرة القاهري
- مافي زولا قاهر قدركم الله لا تكسبكم
- طارق امشي املالي حقتي دي صعوط من دكان العوضابي وجيبلي معاك سيجاري ألت برنجي
- ود جبارة: انت لليلي تسفي وتسجري دحين مو حجيتي
- أيي حجيت واسجر واسف التمباك عندك مانع ؟
- ود جبار (يضحك): اصلك من يومك قاهري وماك نصيحي
.....
مشيت علي دكان العوضابي وخليتم
خمسة رجال وامرأة... شيوخ على حافة القبر
يقضون جل وقتهم في اجترار ذكريات صباهم
يحكون عن أيام مضت منذ زمن بعيد
لا يتحرجون في الكلام ولا ينتبه لحديثهم أحد
يلقون الكلام على عواهنه لا يعنيهم من محيطهم
غير طفل يرسلونه حيث يريدون او امرأة تأتيهم بالطعام
.....
جبت الغرد أليل نفيسي كان اسمعلك:
- عوض السيد (ميت من الضحك): الرسول آآنفيسي عرستي ود عمنا دة كيفن
- كدي خلني اللسف واسجر
- رابح: أصلك من يومك علي الرجال
- جيت يا عوض السيد مندلي لااا تحت شايلالي حرف أليل قراصي لي ابوي
وجنب البير أكان القالك ود الطيب طالع وفي ايدو برسيم
سلم علي وقلتلو: انت يا ود الطيب بقيت تحد زي النسوان كمان
مرتك ماتت ليها سنين وانت لليلي مابي العرس
- عوض السيد: الله يقلعك آآآبتتقدري
- ود ناس الطيب: عندك لي عروس آآآنفيسي
- انا مالي آآآبتعرس
- تعرسيني آنفيسي
- ان بقيت دايرني بكلم ابوي الكلام لا يبقى فسو ساكت
- خلاص ان بقيتي قابلابي عوجة تب مافي
- عوض السيد: الله لا تكسبك يا مقطوعة الطاري
- نفيسي: اندليت علي ابوي تحت يا عوض السيد ولقيتو يحفرلو تحت تمرة
وقلتلو: ابوي ود ناس الطيب دة قال دايرني دحين نجض معاهو الكلام في صلاة العشاء
- جدنا بغداد: انت نان بقيتي للعرس
- نفيسي: كدي يابا شوف فهموا شنو انا هيني
- رابح: آآآبتستحي من يومك
- نفيسي: وحاتك آآآرابح العشي بقالي طويل خلاص وبقيت اتاوق علي جية ابوي من الجامع... ووكتين جاء ما قالي شي اتعشى ورقد نام... وانا الوردي مسكتني
- وراسي بقى يودي ويجيب يا ربي ابوي اباهو ولا السجمان ما فتح الكلام معاهو
- صبحت الدني وانا اوجوج من هني لا هني علي الجدادي الدايري ترمي البيض
- اندليت لا عند ابوي ما شفتو... شويتين اشوفه شايل طوريتو وجايي من لااافووووق
- حدرتلو زين وطلعت لي اهلي...
- الواطة مغربت وانا اتاوق لي طلعة ود الطيب لامن شفتو طالع علي بيتم
- لفحتة طرحتي ومشيت عليه قبل لا يمسك كُشر الباب:
- انت آآآود الطيب تكذب علي وتخليني أكلم ابوي وما تكلموا
- ود الطيب: والله آآنفيسي غلبني اقوله خجل منو... يقول شنو انا بقابلك من وراهو عاد
- الخجل اليقطع مصارينك وحات النبي ما تمشي قدامي هسي ليهو علي اكورك ألم عليك خلق الله هني واقولهم ود الطيب يجرجر فيني من طرحتي
- عوض السيد (ضاحكا بشدة): نجيضي الله يقلعك... أهاااا
- نفيسي: وحاتك ود الطيب قلع عيونه وبقى يرجف وشبكني: آآآنفيسي بمشي معاكي بس لا تضيعيني... وقلتلو ان بقيت راجل ما تجي انا سابقاك للبيت
- ود جبارة: الخرابة آآآبتعرفي الخوف
- نفيسي: جملة الايمان يا ود جبارة جاء وراي ودقة الباب وطلعتلو وقالي ابوك في... وانا اكورك بي طول حسي: أييي يا ود الطيب ابوي لا جوة... فشان ابوي يسمعني
- دخلتو علي ابوي ومشيت علي الطاقة اتصنت في كلامو
- عوض السيد: أها شن قال؟؟؟؟
- نفيسي: اسمع فيهو يقول لي ابوي يا عم بغداد انا جاييك في غرد خير
- رابح: أها يا خرابي
- نفيسي: المهم يا رابح كلم ابوي وانا بقيت اوجوج من هني لاهني
- وازازي بين الطاقي والتكل تقول بطني ماشي (عندي اسهال) لامن مشى لي اهلو..
- وابوي ناداني وقالي رأيك شنو
- عوض السيد: أها شن قلتي يا خرابة
- وحاتك يا عوض السيد بقيت ازغرد لامن ابوي نهرني...وعرسته
- الجميع يضحكون: الله لا تكسبك ماك نصيحي -
- ونتابع -
46فقف:21_129:

ابو الهول
11-24-2010, 12:01 AM
23fd23fd


(2)
- بت جعفر في الغاغة - أي -
- القاعة - وعرس الزين -
:21_131:
- ابراهيم: عمتي لا تخفسيلك خفسي بعدين بجي اوديكم عرس الزين في القاعة -
- سمح آآآولدي الله يعدل ختوتك
- انت ان جيت آآآطارق ولدي.. الزين دا هوول منو واكنها الغاغة دي شًنها ؟
- ايي الشي ماهو عرسا بالجد الشي في السينما
- ايي اخوك قالي عرس الزين تقولي سينما
- عمتي بعدين بتفهمي لامن نمشي -
هسي عندي تمرين اللحلو قبل ما يجي ابراهيم
- سمح انا زاتي بقيت ازوزي اللاخدلي غمدي
:36_1_21:
- يلا عمتي قومي البسي توبك النمشي نحضر عرس الزين -
- سمح كدي النصلي المغرب وآخدلي سفي ونمشي -
- طيب يكون الباقين جهزوا
23fd
وصلنا القاعة ونحن داخلين عمتي شافتلها واحدا لابسلوا بدلة بنية -
- عمتي: انت آآآطارق الخرابة اللابس بني علي الكُرجي (طائر بني) ياهو العريس الزين...
- عمتي قلتلك قبيل الشي سينما
- نان العريس الغبيان دة مالو مدردر الناس في الحتي البعيدي دي اصلو جنب بيتهم مافي فسحي يسولون فيها صيوان ويعلقولم فيها السعون فشان ألمي البارد (الموية) -
- والله يا عمتي انت حجتك كتيري خلاص لامن ندخل وبتفهمي
- أي كدي انت مالك حديثك بقى مسيخ كدي
دخلنا القاعة والانوار منورة والسجاد والموكيت احمر والدنيي هايصي نسوان ورجال وشباب وهيلمانة....
- عمتي - وااااااااسجمي انت ناس العرس ديل جابوا الرتاين السمحات ديل من وين.. الله يعلم من ولدوني ما شفتلي رتاين متل ديل في بلدنا
- عمتي الشي ماهن رتاين الشي انوار بالكهرباء
- دا الكلام باقيلي العريس اهلو منغنغين وشامين عافيتم.. واكنو شنو الشي الناعم الاحمر العلي القرمصيص والناس ماشيت فوقه بي نعالهم دا..
- دا موكيت وسجاد آآآعمتي ماهو قرمصيص
- يعلم الله يا ولدي انا بي حموريتو دي قايلاهو قرمصيص... والناس ديل مالو عرسهم كُتور كدي النسوان منجعصات في وسط الرجال كدي...
- انت لليلي ماك دايري تقتنعي الشي ماهو عرسا بالجد -
23fd
شويتين قعدنا في الكراسي قامت عمتي لكزتني:
- ان جيت مالم ما قدمولن شي الناس ديل لا مويتا باردي لا كعكايات نتصبربهن لامن يختوا عشاهن..
- سمح يا عمتي اصبري بعد شويي بتفهمي الحاصل شنو وفي الاستراحي بنجيبلك الاكل -
شويتين طفوا الا نوار والفليم بدا وعمتي تنقنق من الرتاين الانطفن ديل..
لكزتها: فهمتي ؟
- شيتكم دا لا بيتفهم لاني فارزاهو... نسوان منجعصات وسط الرجال ورتاين يبقن وتاني ينطفن وتلفزيون كبير قدر الديوان -
- انا - قبيل ما قلتلك الشي سينمي قعدتي تقوليلي كلامك مسيخ ؟
23fd
شويتين الفيلم بدا وجات لقطة فيها ممثلة بتدخن...
- هي سووووووووووووواد علي.. ودي مِني دي يا دا المنطلقي دي وتدخن قدام خلق الله كدي
- عمتي الشي تمثيل قلنالك
- حتى ان بقى تمثيل دا منو الراجل الدِلِق دة المخلي مرتو تدخن قدام خلق الله كدي... شوفلي سفي انا اتكهربت خلاص...
شفت الراجل اب فقهي القدامنا دة شفتو قبيل مرقلو حُقة ألت صعوط..
اديناها سفي وتاني رجعت تربرب:
- انت دة منو البوم الفي التلفزيون عامل سيقانو علي السنبريي كدي (تقصد علي مهدي في شخصية الزين)
- دا الزين بطل الفيلم الدايرين يعرسولوا
- تدفني يا طارق... الولد العوير دا ديارين يعرسولوا البت السمحي دي (تحية زروق)
- أييي يا عمتي ؟
- الله بيسألني ناس الخرطوم ديل ماهن نصاح... كيفن ولدا عوير متل دا يعرسولي بنيتا سمحي زي دي
- الله اداهو نسويلوا شنو ؟
lkj,mmm
انتهي الفيلم وطلعنا ولليلي هي تنقنق:
والله سوات التاباني والياباني.. هسي اخوك - اللي هو أنا - جايبنا من البيت للحتي البعيدي فشان نشوف الولد البهيمي دا ... باقيلي دفع قروشا كتار
- اي قروش قدر الفني ؟
- والله ماهو نصيح.. ان كان سوالنا بيهن كرِقي ( كري ) في حوش ابوك دا
ما كان اخير ؟
23fd23fd

ابو الهول
11-28-2010, 11:16 PM
htyu7yu

- يا نسوان هوووي اسمعن جاي -
11116ds
قالوا الدهب راحت عليهو ؟
وبقوا يقشروا بيهو في الشيلة وسد المال بس وبعد داك بلبسوهو للدواليب -
66sd
وقالوا كان واحدة جات مدهبة ولابسة الغوايش والثعابين الشارع كلو يشاور عليها ويقول : ياااااااااي دي شنو المتخلفة دي ؟
والحرامي كان جا يسرق ولقى الدولاب ملان دهب يخموا ويقول : انا ما بسرق انا بساهم في رقي فكر المرأة دي عشان
بعد تفقد الدهب دا تمشي تشتري ليها اكسسوارات وتتطور ؟
66sd
غايتو ما في زول روج لسياسة نبذ الدهب الا مذيعات الزمن دا
الواحده تكون لابسة ليها توب بي قريب المليون وبعد دا تلبس ليها خناق صغيروني ولا ظاهر في الشاشة زاتو
والحلق نتشة وما ممكن اصلوا يكون دهب لانو الاكسسوار لازم يكون لونو طقم مع التوب -
والخاتم فرد واحد
113ds
طبعا الحاجة دي مريحة جدا للأزواج
وطبعا الفرحة ما سايعاهم
والازواج العدمانين خصوصا تلقاهم بروجو لسياسة نبذ الدهب وتمجيد الفضة والفالصو
66sd
ويا حليلك وحليل ايامك يا المعدن الاصفر النفيس ؟
htyu7yu

ابو الهول
01-03-2011, 11:56 PM
66sd
http://www.20at.com/images/stories/welad_elbalad/tahqeqat/woman-car-article.jpg

"للسيدات فقط"، عبارة تتصدر بعض دورات المياه وعربات مترو وأماكن محددة داخل المساجد وبعض الكوافيرات وصالات الجيم.. مثل هذه الجملة تثير غضب واحتجاج الرجال في مصر، فبعضهم يرى أن للرجال الحق، بما أنهم أغلبية، في أن يتواجدوا في أي مكان على أرض مصر، وبعضهم يرى أن تواجدهم في أماكن "للسيدات فقط" فرصة للتنفيس عن كبت جنسي يضيق خناقه على كثيرين، في حين يرى طرف ثالث أن المرأة مادامت قد نزلت إلى الشارع، فيجب عليها أن تتحمل الصعاب!
gfdg454h
الفئات الثلاث لا تعلم ما يخبئه لهم القدر، فهناك دعوة عامة تنتشر على الفيس بوك من أجل صياغة مطلب نسائي شعبي يرغب في تخصيص مواصلات عامة (ميكروباصات – أتوبيسات – ميني باص – تاكسي) خاص بالسيدات فقط تقوده النساء ويركبنه بمفردهن!
:0006[1]:
فعلى صفحات مواقع التعارف الأشهر على مستوى العالم، ظهرت مجموعة (جروب) منذ فترى تدعو لهذه الفكرة "المفتكسة"، ولاقى الجروب إقبالاً كبيراً من جمهور الفيس بوك ما بين مؤيدين ومؤيدات ومعارضين ومعارضات للفكرة.
gfdg454h
فكرة رجالي
:36_11_8:
عدة ملاحظات يمكن أن تلفت انتباهك عندما تستعرض ما جاء في المجموعة، وأولها أن فكرة الجروب نفسها جاءت من شاب يدعى ماجد إبراهيم، الذي أوضح فكرته بقوله: "أنا كشاب أري بعيني يومياً كم السخافات التي يرتكبها العديد من الشباب المستهتر في حق البنات كجنس أوصى الرسول برعايته.. والاهتمام به، فكثيرا ما أرى فتاة تشير إلى ميكروباص في وسط الزحام وأكون أنا بداخله فيتوقف لها السائق وقبل أن تصعد له يسارع شاب بمنتهى البجاحة ليحل محلها فتعود للبحث عن ميكروباص آخر، فضلاً عن عشرات الرجال الذين يحتلون كراسي السيدات في عربات المترو المخصصة لهن، ناهيك عن التحرشات التي تحدث في أتوبيسات النقل العام والميني باص".
ولذلك يطالب ماجد الحكومة المصرية من خلال هذا الجروب بإعداد خطة لعمل وسائل مواصلات خاصة بالبنات والسيدات فقط لا يقودها رجال بل سيدات ولا يركبها سواهن".
gfdg454h
ملاحظة ثانية أكثر غرابة، وهي أن كثيراً من البنات رفضن الفكرة رغم أن الهدف منها هو حمايتهن من الزحام والحر والتحرش الذي أصبح "أكتر من الهم ع القلب"
-على رأي واحدة من أعضاء الجروب – بينما كان أكثر الموافقين علي الفكرة من الشباب، غالباً من المتدينين!
11116ds
زحام أقل.. تحرش أقل ؟
"ولاد البلد " سألت عدداً من الشباب والفتيات حول مدى تأييدهم أو معارضهتم لهذه الفكرة، ومن بينهم أشرف غريب، طالب بكلية دار العلوم بالقاهرة الذي أكد لنا أنه يؤيد الفكرة تماما خاصة وأن الاختلاط أمر غير مستحب حتى فى المواصلات، وطالما نستطيع (القضاء عليه) فلابد أن نفعل ذلك، وأضاف أشرف بأن الاختلاط فى المواصلات أو فى الجامعة أو حتى في العمل يؤدي إلى مزيد من حالات التحرش خاصة وأننا فى مجتمع شرقي وليس غربياً.
ومن جهته أيد أحمد عطية، طالب بكلية الحقوق بجامعة حلوان الفكرة، مؤكداً على ضرورة وسرعة تنفيذها؛ "لأننا بذلك سنقضي على كثير من المشاكل وسيصبح كل فرد آمن على بناته أو زوجته أو أخواته، وسيسمح ذلك للسيدات اللاتي يتأخرن في أعمالهن بالبقاء في الخارج لوقت متأخر طالما أن هناك مواصلات خاصة بهن.
gfdg454h
وفي نفس السياق تشير هند شحاتة، طالبة بكلية التربية بجامعة حلون إلى أن فكرة وجود مواصلات للبنات فقط ليست غريبة فقد لاحظت مؤخراً أن هناك عدداً من سائقي الميكروباصات من كبار السن يمتنعون عن توصيل الطلبة ويكتفون بالطالبات فقط لمنع الاختلاط والتحرش، ولذلك ترى هند أن الفكرة قابلة للتنفيذ نافية أن يكون فيها شيء من التمييز، خاصة وأن المواصلات الخاصة بالبنات ستقلل كثيراً من حالات التحرش والمضايقات التي تتعرض لها الفتيات، وأشارت هند إلى ضرورة أن يكون سائقي هذه المواصلات من السيدات أيضاً حتى نمنع تماما حدوث أية مشاكل.
146546487ds
خسائر اقتصادية

وعلى الجهة الأخرى، تعتقد سارة حسن، طالبة بكلية الآداب جامعة القاهرة، أن تخصيص مواصلات للبنات لن يؤدي إلى تقليل حالات التحرش والمضايقات، مشيرة إلي أن البنت نفسها هي التي تعطي الفرصة للشباب لمضايقتها بملابسها المثيرة والملفتة، سارة أكدت أيضاً أن كثيراً من البنات لا يركبن عربات المترو المخصصة لهن بسبب زحامها الشديد وهو ما يضطرها دائما لركوب العربات الأخرى.
gfdg454h
أما بسمة عبد العزيز، الطالبة بأكاديمية أخبار اليوم، فقالت أنها اشتركت فى الجروب الذي دعا لهذه الفكرة لكي تبدي اعتراضها ورفضها للفكرة؛ لأن ذلك سيسبب فى أزمات كثيرة خاصة وأن عدد الرجال الذين يستخدمون المواصلات أكثر من الفتيات والسيدات وهو ما سيؤدي إلى تفاقم أزمة الزحام والمواصلات ولن يحل أي أزمة اجتماعية. بسمة قالت أيضاً أنها قرأت أن تخصيص عربات للسيدات في المترو يتسبب فى خسارة كبيرة كل عام، وإذا كان هذا صحيحاً فإن تخصيص مواصلات للبنات سيؤدي بالطبع إلي خسائر أكبر.
:23_30_123:
بينما يرى ماجد مبروك، 25 عاماً، أن هناك مشكلة ستنتج لو تم تطبيق هذه الفكرة، وهو أنه لن يستطيع الذهاب لأي مكان برفقة زوجته أو أمه لأن الرجال سيعترضون لو رأوه يركب بصحبة زوجته في ميكروباص مختلط، بالإضافة إلى أنه لا يقتنع أصلاً بأن هذه الفكرة ستقلل من حالات التحرش.
:36_11_8:
اليوم كله نسوان!
تركنا الشباب والفتيات وتوجهنا إلى بليغ عبد المنعم، وهو سائق أتوبيس خط الوراق – القناطر، والذي قال لنا أنها فكرة جيدة لكن أغلب السائقين لن يوافقوا على تطبيقها، خاصة وأنها ستتسبب فى خسارتهم كثيراً لأن عملهم سيقتصر على البنات والسيدات فقط دون الرجال الذين هم أكثر من يستخدمون وسائل المواصلات.
gfdg454h
فى حين قال جلال إبراهيم، سائق ميكروباص بخط إمبابة – الجيزة: "لأ طبعاً.. دي فكرة وحشة أوي...أنت عايز تخرب بيتنا ولا إيه يا عم؟"، جلال قال أنه يقوم بتوصيل عدد من الطالبات إلى إحدى المدارس الثانوية يومياً مقابل مبلغ شهري ثابت، فقط ساعة واحدة صباحاً وساعة في وقت الظهر وبقية اليوم يمارس عمله على الخط دون تغيير، ويضيف: "أنت عايز تقلب يومي كله نسوان.. مش كفاية مراتي في البيت مطلعة....؟؟
دي فكرة تقصر العمر".
66sd
اضف تعليقك (http://www.gobbatsaleem.com/vb/redirector.php?url=%68%74%74%70%3a%2f%2f%77%77%77% 2e%32%30%61%74%2e%63%6f%6d%2f%6d%61%73%72%2f%68%6f %74%2d%74%6f%70%69%63%73%2f%31%32%33%32%31%2d%32%3 0%30%39%2d%30%36%2d%30%39%2d%31%31%2d%32%30%2d%31% 32%2e%68%74%6d%6c%23%61%64%64%63%6f%6d%6d%65%6e%74 %73)
:36_1_60:

ابو الهول
01-13-2011, 12:14 AM
:21_240:

نسوان اخر زمن
60sd
-----
- شوفوا - دي واحدة بتنصح بتها ؟

456ry
يا بت هوي فتحي عينك وابقي نجيضة وفالحة .....
قدر ما أجي داخله عليكم القاكي .... هي هي هي .... و قر قر قر ..... تضحكي مع عبد الله دا....
الراجل ما تضحكيلو كتير.....
يسعلني الله بعدين يحقر بيك....
الراجل اديهو العين الحمرا.
:21_240:
وان قدرتي لعند ايدك تلحقيها ليهو لحقيها...
ابقي نجيضة.....
آآي ..... زي امك.....
الله بسعلني وقت ابوكي يقول حاجة تضحك....
امشي اتحشر في الاوضة واضحك زين واجي مارقة صارة وشي....
51ds
وبعدين اوعك وأوعك وبعدين تااااني اوعك... تقوليلو الجلابية دي سمحة ولا العمه اللابسها دي سمحة...
نفسو تقوم تعجبو يعرس فوقك.... وبعدين تشربي ما تروي....
456ry
واكربيهو بالطلبات.... اوعي تخلي لك قرش يبيت في جيبو...
واوعك تخليهو يشوف.ال...... بيخربن الرجال
وقت المسلسل داك يبدا جيبي فندكك واقعدي دقي أي حاجة جنبو ... ويا ريت لو كانت شطة...
:21_240:
ولا كان شافعك جيعان وداير يرضع وبيبكي خليهو في بكاهو داك لمن المسلسل ينتهي....
:36_1_56:
وبعدين ما يجى داخل يلقاكى تغنى ...
حتى ان بقيتي دايرة تغني اوعك من الغنا الخايس ناس حبيبي حبيبي ....
امسكي في الغنا الحار زي " البيجري مصيبتو و مرتو طلقانة" ولا "اندب حظي"
ولا "دفاعنا الشعبي ياهو ديل" ولا "النار ولعت بقلبي بطفيها".....
:21_240:
اااااااااااي.... عشان تربيلو الزلعة .....والخلعة....
بس اوعك تغني " لو الليلة يوم الرجال"....
بيقوم يصدق و يتحنفش فوقك ساكت........
:21_240:
واوعك تشكريلو حاجة جابها....
ان جاب لك لحم، ختي ايدك فوق راسك وقوليلو:
ووب علي ووب علي ووب علي، غشوك وادوك الجلافيط .....
456ry
وان جاب لك فتيل ريحة اول ما تفتحيهو وتشميهو طوالي كشري وقبلي غادي وابزقي
قوليلو: دا شنو يا عبدالله؟......
الريحة المتل ريحة الفسيخ دي جايبها من وين؟
غايتو انت مغستك تقد.......
:21_240:
وان جنك نسوان ولا بنات....ما تخليهو يقعد وسطن....ويتونس....
طيريهو من البيت....
وان ابى يمرق... قدر ما يقول ليو نكته ولا يخفف دمو قدامن صري ليهو وشيك....
وقوليلو: انت يا عبد الله ما عندك غير النكتة دي؟
يا خي عملت لينا بيها وجع ... وش......
اصلهم الرجال عارفاهم ...
الواحد فيهم لمن يشوفلو لمت بنات يقعد يخفف في دمو ويعمل فيها ودنفاش.....
وتلقيهو يضحك بلا سبب...
حتى ان واحدة قحت ساكت ...
يقعد يضحك ويصفق ايديهو....
واوعك تخليهو معاهن وتدخلي المطبخ تسوي ليك شربات .....
وحات الله ... بنات الزمن دا ان غفلتي من راجلك دقيقة بس ...
تلقيها عرستو ؟؟؟
:21_240:

ابو الهول
01-18-2011, 11:28 PM
45rtyyr

فنــــون المعاكسة و الغــــزل
104ty
(وين يا جميل؟ ..بالله نظرة!..ما تحنو علينا!..أحب العسل) -
34ds
عبارات كثيرة يطلقها الشباب معاكسة لفئة النساء سواء ان كن آنسات أو متزوجات بل في أحيان كثيرة كبيرات و عجائز..(المعاكسة) أو (المغازلة) أو (المشاغلة) بلغتنا المتداولة موجودة منذ زمن قديم في كل أنحاء العالم..
45rtyyr
و في مرات عديدة ترد احداهن على من عاكسها فيقوم هو الاخر بالرد و تتحول لمعركة كلامية و أحيانا تصل مرحلة العراك بالايدي و الارجل و تسيل الدماء و تتطور لـpolice case كل ذلك يحدث عندما تسمع كلمات في الشوارع و الازقة و لاسواق وكذلك تصدر المعاكسة من رجال في مقتبل العمر أو كبار السن من المتقاعدين و اصحاب المعاشات و بالطيع هذه المرحلة متقدمة نسبة لمصاحبتها الخرف أو الزهامير
:5_7_1:
في أحيان كثيرة تبتسم الفتاة و تروح لحالها وهي تسمع الكلام وقد يعجبها مثل http://albrkal.com/vb/images/smilies/frown.gif العيون الكبيرة دي الله ما بدينا ليها) أو (لون القمح لونك) او (طبعك سمح) ..(أحب المنقا بالشطة) و هذه قالها شخص لفتاة كانت ترتدي أصفر مع احمر..
:21_144:
و من أغرب ما صادفني من معاكسات و مواقف لم ادر هل أضحك أم أبكي أم ان اتعجب..ففضلت أن ارويها لكم :
:5_7_1:
*انا في الطريق العام أسير وسط السيارات و هي قادمة او ذاهبة فإذا بـ(كارو)امامي يحمل خرد و فجأة حملق علي و ابتسم ثم قالhttp://albrkal.com/vb/images/smilies/frown.gifخرد..خرد) و بالطبع لم أرد عليه و لكنه بجرأة وجه لي سؤالا مباشرة ( يا أستاذة عندك خرد؟) فنظرت يمينا و يسارا و نظرت الى نفسي فلم اجد غير اني احمل في يدي اليمنى (جوالا) وفي يدي اليسرى (حقيبة)و حتى لا يطوف بكم الخيال بعيدا فما أحمله كان جديدا و انيقا لم يصل لمرحلة بيع الخرد..
وعند ذلك أجبته و الله الا ابيع ليك (ظلط شارع النص ده) و تأكدت ان الموضوع فن من فنون المعاكسة
:21_144:
*كذلك و اثناء مروري في السوق العربي و انا مسرعة اذا ببائع عطور من الباعة المتجولين يستوقفني ليقول:لو سمحت يا مدام شوفي لي الصندلية دي أصلية ولا مزورة! فقلت له بحسم:أنا لا اعرف ذلك ! فقال لي بإصرار و تبسم:بس النسوان المتزوجات بيعرفوا المقلد من المزور..فقلت له انني لست متزوجة..فأصر بوقاحة بس في أثر حنة في رجلك! حينها لم اتمالك نفسي غير ان اقول له (بطل بياخة يا بايخ) فما كان منه الا ان قال:والله الصندلية ما بعرفوها غير النسوان (النظاف) و لم اشعر الا وانا اذهب لاقرب عسكري و اتي به و قلت له ان هنالك تاجرا غشاشا لا يعرف بصناعته و كذلك هو وقح و قام العسكري مشكورا بالواجب معه -
:5_7_1:
*و حكت لي احداهن اثناء سيرها في الطريق استوقفها شخص من داخل السيارة و ناداها بكل ثقة (تعالي) واعطاها ورقة بها رقم هاتفه الجوال ...وحسب روايتها يبدو عليه انه يتقلد منصبا رفيعا و حساسا..
45rtyyr
وعندما ابدت دهشتها للطريقة قال لها:الان بتندهشي و بكرة حتتصلي براك لمن تزهجيني..و مثل هذا الشخص لو اتصلت عليه سوف يقول هي التي بدأت المعاكسة و الدليل ده رقمها في الوارد..
45rtyyr
*و اخرى حكت لنا اثناء دخولها لمحل موبايلات يوجد فيه بائعان و عند دخولها قال واحد للثاني بالله ما عندك لي موبايل (قنبلة)؟؟ فما كان منها الا ان قالت بكل براءة:انتو مع بعض ما عارفين انواع الموبايلات؟؟ فقال اللاخر بخفة دم:هو قاصدك انتي يا مسكينة! فما كان منها الا ان قذفت الموبايل الذي اتت لبيعه في الارض و عليكم اكمال الباقي ...
wernm
الفنون و الجنون كثير في هذا الموضوع و اتمنى ان يأتي طالب و يقوم بإجراء بحث في هذا الموضوع بجوانبه و دواعيه..وقد يحدث و يقوم الجنس الناعم بمعاكسة الجنس الاخر و هذا موضوع آخر-
- :0011: -
- مراقبة للشارع العام -
1sd35454654

ابو الهول
01-18-2011, 11:54 PM
45rtyyr

شوفا فنون الغزل والمعاكسة عند ناس المهن الصناعية ديل :
wernm
الميكانيكى :
34ds
يا واقفة بين صبري وتروس الفرملة
أنا بحكي ريدك للملأ
والجاني من بستم مشاعرك
بلفو طار بحكيبو لليل والخلا
و أنا بعذرك
وأوزن دركسون الصبر
وأضغط كلتش الأمنيات
لو ألحقك
يا الحنتا زي زيت رجوع
أسود من الشقا والدموع -
:21_13:
الجزار :
:36_1_73:
يا طاعمة زي كبدة ابل
بالشطة والليمون شفا
أنا بي وراك سبت القطيع
ضل الدريب وعليك حفا
يا كاسرة بي فرار هواك
أضلعي وظروفي المؤسفة
wernm
المكوجى :
wernm
يا كاوية قلبي قبل قميصي
رشيت لياقتو وما انكوى
يا ريتني لو أغسل دواخلي من الهوى
زي عمة بيضا أشرها
صابون هواك غسل النوي ؟
:8_6_27:
قال نجار:
مسمار ودقيتي
في خشب الليالي المحزنة
منشار هواك
قطع الصلات الممكنة
يا أبلكاش وفورمايكة
أو تك خشب الجنوب ؟
45rtyyr

ابو الهول
01-19-2011, 10:46 PM
:21_98:

فى بادى الامر ظننت انى اشاهد قناة ميلودى هيت او ميلودى عربى لولا انى رأيت عمائم الراجل وثياب النساء بارزة لظننت ان باقان وعرمان انتصروا فى سودانهم الجديد من هول ما رأيت من رقص اجنبى ويكانهم فى لوس أنجلوس او ملهى ليلى فى يوغندا او فى ساوث افريكا .. اندهش حد الاستغراب لما نعلل للخطأ ونقبله بأسم الفرح .. فلنقل او نعلل انهم شباب متحضرون ومواكبون لركب الفيفت سنت وآشر لما يحترمون أهليهم الذين قدموا من كل حدب وصوب وعلى ظهور الحافلات والبصات احتفالا بتخرج ابنهم البار .. من باب أولى ان نراعى مشاعرهم لانهم بكل تأكيد لا يجدون مزاجاً فى سماع ذاك الشغب الانجليزى ولا يريدون ان يروا رقصهم المو راكب عدله دا .. لما نحترم مشاعرهم بل حقه لا نعلنها صراحة ان هذا التخريج فقط للفئة العمرية من 18 -30 وفقط للشباب والشابات اصحاب نفس الرؤية والامزجة المستغربة .. لانه بالجد قمة المشاترة ان تمسع اغنية ماشة مع عسل انا ليك كيفن اصل وانت بتعرض صقرية وتشيل شبال من حرمكم المصون مجاملة لتخريج ابنكم المفترض به ان يكون بار ..
واليكم مثال يحتذى به فى عندما عفونا من الطرب الانجليزى وعندما قرروا مشكورين العودة بنا الى السودان الحبيب عودا ولكنه ليس حميدا ولا مستطاب من ناحيتى على الاقل :


وانا في نومي بتقلب حرامي القلوب تلب

سالت روميو ورندا قفلت البرندا


!!!!!

واناداير اتعشي واحلي بي المريندا

واخد لي سندااااااااااااااااااااااااااااااا

ورقدتا ونعستا وسرحتا

عاينت في الحيطة في حرامي لي تلب

خشي علي براحه بقي مافي بينا مسااحه

يا سااااااااااتر

حرامي شنو دا الراقئ الزاد للروح افراحا

دا حرامي سمح سماحه

!!!!!!

ما عادي طبعوا هادئ

بدل يسرق قروشنا سرق قلبي المعذب

كان عندك قروش دى ما حالك يا اللخت

وصحيت والله بعلم وكنتا صاحي وبحلم

حلمت بي ذول بريدو ومعاهو ما اتألم

حرامي القلوب يسلم دا بحبو وبحب قربو وبخش في قلبو

والبشيل قلبي ويجري يتهني ما يتغلب

هسي كان قبضوهو بشنو حايحاكموهو

مافي قانون بحاكم الذول البريديهو يسكوهو وبمسكيهو وما بخلوهو

تجي السرقه ما فاهم في حب الناس مدرب

وانا في نومي بنقلب الحرامي لي تلب

وانا في نومي بتقلب حرامي القلوب تلب ..


عليكم الله دى يقولوا عليها أغنية شوف جنس الاسماء دى كيفنها روميو ورندا .. يعنى حسى الزولة دى ما لقت زول تتكسر فيها غير الحرامى يعنى حسى خلاص من قلة الشرفاء فى بلادى .. وحات الله العطالة تحت العمود أحسن من السرقة وهى ظروف وبتعدى .. بعدين انا زاتى نفس اتعرف على شاعر الاغنية دى عشان اعرف .. ورميو ورندا المفروض يقفلوا البرندة ديل قبل السندا ديل علاقتهم شنو بالمتحدثة بلسان حال للاغنية دى .. اذا مافى علاقة شرعية تلك طامة كبرى ودعوة الى ما لا يحمد عقباه والعجب العجيب اذا كانوا ديل اولادها ..
59sd
- موسي سليمان موسي -
- منتديات سنار -
66sd

ابو الهول
01-19-2011, 10:49 PM
:21_98:

كاتب الموضوع : موسى سليمان موسى (http://www.gobbatsaleem.com/vb/redirector.php?url=%68%74%74%70%3a%2f%2f%73%65%6e% 6e%61%72%2d%6e%65%74%2e%63%6f%6d%2f%76%62%2f%6d%65 %6d%62%65%72%2e%70%68%70%3f%75%3d%31%31%32%35) المنتدى : المنتدي العام (http://www.gobbatsaleem.com/vb/redirector.php?url=%68%74%74%70%3a%2f%2f%73%65%6e% 6e%61%72%2d%6e%65%74%2e%63%6f%6d%2f%76%62%2f%66%6f %72%75%6d%64%69%73%70%6c%61%79%2e%70%68%70%3f%66%3 d%32) - منتديات سنار -
66sd
وحينما خرجت من التخريج بمحصلة كبيرة من الضوضاء والازعاج العام .. دلفت الى ما تعرف بالقريس وهى تنتمى الى قبيلة الهيواندى العريقة .. وكانى موعود بالاطلاع على موجهاتهم الثقافية وكانه مفروض علينا ان نتلزم بزوقهم الرفيع .. هيا شنفوا اضنيكم مع سائقى القريس اب جل فى شعرو ماذا عرض علينا فى الام بى ثرى :

نحنا شله شفاته بنحب تلاته تلاته
يابلال عليه
بنحب تلاته تلاته
ونحنا الريده زاته
يابلال عليه يابلال عليه يابلال عليه
نحنا شله خطيره بنجكس بالعصريه
يابلال عليه
والحب حاجه عاديه
يابلال عليه
نحنا شله قبضونا في الحراسه ختوتا
يابلال عليه
في الحراسه ختونا لقونا فرد وفكونا
يابلال عليه
نحنا شله حبيبا في اليوم مئه حبيبه
يابلال عليه
في اليوم مئه حبيبه ومرات بنحب كتييييبه
يابلال عليه
نحنا شله طيبانا بنقري جوه التقانه
يابلال عليه
بنقري جوه التقانا مانحنا الحب ازانا
يابلال عليه يابلال عليه يابلال عليه
113ds

وما خفى فى الاغنية من تصرفات كان أعظم
:0041:

ابو الهول
01-22-2011, 12:45 AM
66sd
سواق عائلة
146546487ds
رياضة المشي من الرياضات التي تستهوي الجنس اللطيف البكون يوموا كلوا ضارب النوم خوفا من السمنه والامراض العصريه ناسا جسما مندي ما زينا كده في الجري وراء الرزق اجي البيت حيلوا مهدود افكر في رياضة يوجا للاسترخاء بعدها ياخذ ليهو نومه دي حالتنا احنا بتاعين الدوام في البلد دي (خروج عن النص) حكاية الدوام دي ليها قصه قالوا في واحد اتزوج بت عموا بعد الزواج عمل استقدام جابا البلد هنا البت مبسوطه ومرتاحه كندشه دواجن منفخ بعد شهر العسل العريس نزل الشغل إطلع الصباح اجي الظهر اتغذي انوم اطلع تاني مع زحمة الشوارع اصل البيت منتصف الليل والحال كده... تسألوا مالك يا فلان اقول ليها والله الدوام ده تاعبنا تعب كلوا يوم الدوام ده تاعبنا تعب... بعد فترة البت قالت اطلقوها جو ناس العمم والاجاويد قالوا ليها يا بت الحلال الراجل ود عمك وممتاز مالك طالبه الطلاق بعدين انتو عرسان يادوبكم شهرين ما تميتوا سنة شنو القصه البت قالت ليهم الراجل ده خلاني أعرف للعرس طعم من انتهي شهر العسل يا نايم يا مع صاحبو الدوام الهادي حيلوا ده... نرجع لي موضوعنا... في شوارع بالرياض تم تخصيصها لرياضة المشي شوارع متعه تلقي مع كل ناصيه محلات للمثلجات والكوفي مواقف سيارات اماكن جلوس للسواقين مساطب اسمنتيه وانت ماشي شغاله في راسك مكائن مياه البخار البارد فيها رزاز متعه زي نهاية المطره مع الهمبريب في السودان كل مره بجي بالشوارع دي بشوف غالبية الناس البتريضوا نساء ده كان قبل الزواج افتكرت النسوان ديل بمشوا عشان الولاده غالبية النسوان سمان من الكبسه هنا ما كنت بدقق في البطون للانشغال والسرعه مرة ناس البيت قالوا عايزين اتمشوا مشينا لشارع الحمل ((بضم الحاء)) زي ما مسميهوا انا وبعض الناس الما عندهم علاقه بالحياة الاسريه سابقا طبعا اكتشفت مافي علاقه بين الاسم والشارع الموضوع كلو للجمال وتعتبرالرياضه رشاقه وخفه يعني نوع من الجمال وقفت العربية بتاعتي مع الارهاق حيلي مهدود قلت اشوف لي محل اجلس فيهو مشيت علي سواقين العوائل اتونس معاهم لما جماعتي اخلصوا المشي... الونسه مع الاسيويين صعبه لعدم الفهم عريب مكسر انجليزي تلقط كلام عايزه مجهود ذهني ربنا هداني علي سوداني قلت احسن شيء ولد بلد قعدنا نتونس سواء:
سألني الاخو من وين ؟؟؟
قلت ليهو من مدني ...
قال لي انا من الشماليه لاكن اسمع ما اكون من قري مدني تقول لي من مدني ؟؟؟
عشان الونسه تكون ساهله قلت ليهوا قول من الجزيره
قال لي ... ها زول ها الجابرك علي الكذب شنو كلنا سواقين الحريم ديل الله اقبحم....
بتكلم معاي جات حرمه ماشه نحيفه سكت الراجل بعد فترة قال لي انا شغال مع الماشه دي زي الشهفوفه انا ما عارف الناس دول السمان بمشوا عشان انحفوا الداهيه دي الذي السخل دي ماشه عايزه تبقي شنو قنايه الكن نقول شنو رزقنا نحرسا لما تتم تنططا زي الصبره بعد داك نمشي والله رزق..
ثم استمر في الكلام نكسر الزمن يا الاخو بالونسه انت زولتك انشاءالله كويسه معاك قلت ليهوا والله يعني نص نص.. ثم فاجأته بسؤال طيب انت وقتين زهجان منها ما تخليها الجابرك شنو؟؟؟؟
زولنا اخذ ليهو تململه او قعد كويس قال لي شوف الناس ديل عندهم مزرعه قدر ما حاولت امشي اشتغل فيها مالقيت طريقه كمان عندهم اسواق مواد غذائيه دي جاجيتم فيها لمن الله غفر لي مالقيت طريقه قلت لي زوجها انا زهجت من الشغله دي اديني نقل كفاله ولا اعمل لي خروج نهائي الراجل طيب بس الكلام ما عندوا عند الشهفوفه دي بعد كترت عليهوا الكلام زنيت ليهو في اضانوا الظاهر مشي شاورا قال لي خلاص انا عندي فيزة سواق سوداني شوف لينا واحد استلم منك اكون زيك كده انا بوديك الاسواق من الفرحه قلته اطير.... عندنا وليدا لي اخونا شغال في لوري طوب في البلد حالتوا بي البلا قلت نجيبوا هنا الولد مسكين ابوهوا عدمان التكتحوا رسلنا ليهوا والحمد ليك يا الله الراجل جاء مشينا استقبلنا في المطار اتقول مطلعنوا من دوكه الليلت عواسه والتفه زي الشيطان مشينا البيت جيهتوا بي الحمام حلقت ليهوا بعد ما طلعنا ليهوا الاقامه والرخصه انا ودوني الاسواق عليك امان الله ما قعدته لي شهر الشهفوفه دي اتصلت بي قالت لي تعال الحين ابغاك ((قلته ليها بي قلبي انشاءالله الموا فيك عشرة فحول اتغابوا فيك العرفه))... مشيت قلنا نشوف الحاصل شنوا ما اكون الوليد ده جاب لينا مصيبه مع الحرمه دي دقلا اكركب وقتين قابلت الحرمه قالت لي الجبتو ده ما عايزنوا....هي يا بت الحلال استهدي بي الله الحاصل شنو قالت يلا روح استلم منوا المفتاح.... مشيت اشوف الحاصل سألت الوليد ياولد انا عايزك تنفع اهلك تشتغل هنا المشاكل العملتها دي شنو الولد قال لي:
بعد اديتني المفتاح كنت بمشي مع السواق الهندي في الشوارع كلاموا شتر شتر المهم عرفت اسوق كيف في البلد دي انا نايم المغربيه جاتنا المرأ الذي المسواك دي قالت لي لازم تلبس ثوب قالت افو انا اخوك يا امنه انا البس ثوب عليك الله المرأ دي ما مطرطشه.... قلت ليهوا التوب هنا يعني جلابيه يا الاصنج الما بتفهم... هي لاكن جماعتك ديل خلوني افهم المرأ زعلت مشت مني جاني الراجل شايل جلابيه بي لياقه او معاها شيتا كدي بختوا في الراس او معاهو حبل اسود قال لي البس ديل بكره قلنا طيب.......... ثاني يوم لبستهن والله الجلابيه وقتين شفتها في المرايه قلته الجماعه في السودان كان شافوني اقولوا عثمان ود طه بقي خائب جلابيه بي لياقه ضيقه بقيت زي الصارقيلا ختيت الداهي الاحمر في الراس معاهو الحبل الاسود والله بقيت بس زي الطيره ام قدوما احمر قلنا طيب اكل عيش نعديها ليهم بعد يومين جابوا لي الداهي ده قالوا لي إن اتصلنا عليك تشوف النمره ما ترد علينا كان انت في البيت تطلع لي بره عندنا مشوار يعني الجرس وقت اسوي ررررررررننن انا ابقي لي بره اها الشهفوفه دي حمتني النوم الليل كلوا ررننننن عليك امان الله زهجت منوا رميتوا ليك في الجك الليل المويه ده جمبلغ جمبلغ كضم كضمت حبوبتي ديك او نمت نومي قفلت اللوضه الزي بيت الحمام دي او نمت تاني يوم قايلني هربت اهرب وين عليك الله في بلد الطرش دي وقتين صحيت من النوم جاتني المرأ النجاضه دي تكورك وللل وللل قلت ليها ما تصني راسنا بي كوراكك ده مرقت ليها الموبايل قلت ليها الداهي ده خرب خربااااان يا وليه والله خربان دي فهمتا ليك جري اها ساقوني مشوار بعد رجعت جاتني شايلا ليها واحد تاني قلت في سري الناس ديل نتحلا منهم كيف (( احلني الحلا بله)) لاكن والله كان ارمي ليها في الجك تاني عليك امان الله ما قعدنا شويه أنا افكر في الخلاص منهم الداهي ده رن رنننننن لمان جفلته نطيط نطه اتقول عضاني دبيب قالوا طالعين تاني طلعنا لي حفله في قصر (( صالة الافراح) وقفت العربيه قدام القصر المرأ الشهفوفه دي قالت لي انزل افتح الباب قلت امكن الباب عصلج معاها نزلت فتحتوا لقيتوا زي الباسطه الحريم كلهن اعاين لي تاري الباب ما معصلج افو المرأ استقفلتني والله زعلت زعله انا قاعد منتظرن لي الساعة اربعه صباحا قاعدين مع السواقين كاضم خشمي ده بقم ما قالا ما إتونست معاهم وقتين جو طالعين مع جوطة النسوان وقفت لي زي الصنفور قالت لي افتح الباب قلت ليها افو انا اخوك يا امنه افتح ليك الباب انا امي دار النعيم في لوري الطوب ما بفتح ليها الباب افتح ليك انتي......... ده كلوا الحصل.
اتملم صاحبنا في القعده من الجلوس علي حجر الاسمنت او قال الوليد طلع انجض مني والله حسي شغال في الاسواق بقي زي التور من اكل الطحنيه وأنا موكح بالمرأ الشهفوفه دي في اللحظه دي جات المدام بتاعتوا زولنا قام فتح ليها الباب مع السلامه ما قالا لي ؟
113ds66sd11116ds

ابو الهول
01-27-2011, 02:09 AM
98sd

- بدلا عن كلمة (سجمي) -
يفضل استخدام -
- تعبير ؟
oh,no
er45fgf
cvbbbnmnn:11_6_206:

ابو الهول
02-07-2011, 11:39 PM
:21_240:

عند احد الامسيات جلس حسونه بجوار ابيه قائلا له ؟
- يابوي باكر بدور امشي الخرتوم اشوف خبر الوظيفه شنو..
-لاتروح باكر يا ولدى فيشان بدور امشى معاك ، خلّنا نكمّل حصاد الفول باكر والا بعد باكر و تانى نسافر.
جاء يوم السفر وكان يوما عصيبا على اسرة ودخيرالله وهم يفكرون في سفر حسونه لكى يتحقق حلمه و يتوظف ليعين اباه فى حمل الهم.
هم سفر حسونة ظاهر في وجه ود خيرالله ويحاول جاهدا اخفاءه عن الصبر لكيلا لا يزيد غمها لانه يعلم رهافة قلبها على جناها.
ود خير الله ليس مرتاحا لتلك البقعه الهائجه المائجة المزدحمه التى سيذهب اليها حسونة فقد تملكه خوف شديد من ضياع ابنه في طرقاتها ووعراتها . الصبر دمعتها جاريه منذ وقت بدري، وفي سرها بتتمناهو يقعد في الحله يستر حالو ويعرس بت الحلال (بت خالو) عشان يلد ويستالد ويملا لهم البيت بالعيال ،
تام الريد:- ان شاء الله آ حسونه تصل الميس وتبقى رئيس عشان تسكن في بيت الدخول ليهو بالبوليس,
حسونه :- لا لا آآآ تام الريد ماتقولي كدي عشان ناس الحله مايشوفونا في الهلاويس ذي كلاب ابليس . وكل مره ينظر لتام الريد وهي تلعب بالحجله وتغنى تقول " اخوي ماشي الخرتوم محل الناس بتحوم وتبيع الموية والهدوم ". حسونة قلبه منفطر على فراق اهله ،الحلة وناس الحلة
انبلج فجر يوم السفر وجاء لوري ود ابو ضراع يضرب في البوري تيت تيييت منبها ودخيرالله وابنه للسفر
الصبر: حسونه ياولدي كان الحكومه وظفتك ابقى عشره علي رقبتك وجنّوي هناك مايحقروبك وما تباري ابّين سلاسل وختم و تفف الواحد فيهم لو معروف بنيه لو معروف وليد، وماتحوم لا انصاص الليالي ومايعلموك شراب الحرام وما تهمل صلاتك، و البنيات لاياكلن راسك قالواعينِن طايرة و بيضا وما بِسْتَحِن ، ودعتك الله وانشاء الله تمشى و تجينا سالم وغانم وعافيه منك ورضيانه عليك عفويا يخترك و يبطرك,
ودخيرالله ضاحكا : الصبرانتي حسونه غريب عليك؟! ماك عارفاهو مابدورلو وصيه؟! ولدا صالح و فالح وناجح .اها ودعتكن الله وابقي عشره علي تام الريد وماتغيّب الشمش بره وكلمي بت ودالمرضي تبيّت معاكن لامن اجي.
سافر ودخيرالله وابنه حسونه الي الخرطوم وقطع تلك المسافه وهو مهموم ، خائفا على ابنه من المجهول، و فى قرارة نفسه يتمنى ان يغير حسونة رأيه و يستقر ويزرع ويحصد معه ، ولكن اصرار حسونة على الوظيفة الميرى جعله يرضخ لرغبته .
وصلا الخرتوم ونزلا في منزل قريبهم ود البي كيفو وعند الصباح قصدا المكاتب فوجدوها فى حالة زحام واضطرب لايوصف و احتار ودخيرالله فيما راءه
ود خير الله:- دا بقولوا فيهو شنو آ حسونة آ ولدى؟!
حسونة ضاحكا:- يوم الحشر العظيم آ يابا
:0041:
*************
:21_240:
مرت الايام وودخيرالله وحسونه من مكتب لمكتب ومن امش و تعال بكره وبعد بكره ومن انتظر المدير والوكيل وهكذا دواليك الي ان وصل كل وعد الى حده وانتهت الوعود دون بارقة امل وبلا فائده ، وقررا العودة للديار و حسونه في قمة الاحباط والغضب.
ود خير الله :- مالك يا ولدي زعلان وغضبان ؟؟
حسونة:- زعلان يابوي في شان شهادتي كبيرة وماشغلوني وشغلوا ناسا تانين لا شهاداتهم زى حقتى ولا مابعرفو الانا بعرفو ، شغلوهم بس عشان عندهم الضهر القوي ، الابوهو فلان والاخوهو علان والقريبو شبعان ود المليان والجارو حقار ود المشاتر وكللهم يابوي لا قروا زي قرايتي ولا عندهم زى شهادتى.
- حسونه ياولدي ان الله راد بتشتغل و رزقك مكتوبلك و بجيك من فوق .
ود خير الله بينه وبين نفسه يقول : "إيييه ياحسونه ياولدي، نحن في زمنا الرزق كان ماااشي عليك وعيينك ليهو كف يختفوا قبال يصلك ، و مابعاينوا لي ورقك وقرايتك ، بعاينو لي ابوك شغال شنو ، وبلدك وين ، وبشوفوا ابليس زارك في بيتك كم مره وقال ليك شنو وقلتلو شنو وسوالك شنو، عندك كم بيت وكم عربيه . ان كان دا كلو ما عندك انت ماك زولهم و تروح شمار فى مرقة حتى كان عندك ورقة جايبها بى ضراعك مو بى سرقة. وفي صمته المتواصل ذاك وتفكيره المستمر فيما مرا به من الجرى وراء الوظيفة وصلا الي بيتهما وكان في استقبالهما تام الريد والصبر
الصبر: حمدلالكم بالسلامة وجيدا جيتوا .
بعد ان اكلوا
51ds
الصبر:- اها يابو حسونه سوّيتو شنو؟ ومالو حسونه زعلان وشيهو ينعل فى قفاهو؟ً
تام الريد:اها يابوي الخرتوم كيفنّو وفيهو شنو؟ وجبتو لى منو شنو؟
ودخيرالله: الخرتوم يابنيه فيهو ناسا جاريه و ناسا جارين وراهم ، ناس ماكنة وناس ممكونة ناس راعية وناس مرعية ،الحال مايل آ بتى مركوز بي حيطه ميّلتها المطره الصابه فيها ليها عشرين سنة وزيادة. الخرتوم آ بتى قاطعه قولة يمه وقولة يابه فيهم البياكل العيشه نضيفه وعفيفة و فيهم البياكلها بي بتابها وترابها، فيهم البنوم في الصقيعه و فيهم البأجربكان نومو، المكاتب ،آه يا المكاتب!! ، جايطه و مَتَمْسَحَة ناس ، والماسكنها تماسيح ، ناس الشركات والوزارات شيتا تاني عربات بالصف القروش من تحت الطربيزه بالدوران واللف والكلام كلو خرف في خرف الشوارع نورها باقي ، والعربات والسواويق صوتن طاقي ، والموظفين والموظفات كل زول في هموا، وهم غيرن انشاءالله يطير ويقع البير!! شغلتُن الشُفتهُن بسووا فيها ، اليوم كلو ونسات بالتلفونات وياعم انتظر دقيقه عندي شوية مكالمات يا عم انتظر شوية دى ساعة الفطور وعمكم ينتظر وكت الفطور يعدى ووكت الغدا يقرب وهي والا هو يرغي ويزبد والدقيقه تبقى ساعات ، لامن اليوم يروح بالفرقات وهو ماهو عارف الورانا من الهموم الرفعن الرايات وراكبات فوق ضهورنا تقول مكْرِيّات ، وكل زول يارقبتي والوجع والله شدة مو مالى البطون بس دايرلو دايات.
تام الريد:اها بنيات هناك قايلات كيفن آ يابا
ودخيرالله: اسكتي ساكت اااتام الريد اصبري خلي امك التجيب الشاى وتسمع الحديث فيهن
الصبر:اها قول ااابو حسونه تراني جيت
ودخيرالله:البنيات هناك ياالصبرطبعن شين وليهو اضنين وحات جدي ود الحسين لحمن جاف ولبسن شفاف وضحكا يجيب الطاش وشعورا في السهلا لا طرحة لا حتى شاش مكشوف للغاشي والماش وفاتحات اضنيهن لي الوسواس الخناس و.....
51ds
الصبر: استر بنياتنا ياجدي ابو العباس ويارجال كدباس,انت يابو حسونه الشى ما عندهن زولا شناف و للغلت وقّّاف ومِنُّو البنوت بتخاف؟
ودخيرالله: لكن االصبر برضك فيهن الرزينه البتذكرني بنُّوت حلتنا ، وحمدت الله يا الصبر وشكرتو علي حال بنياتنا مستورات وعفيفات ومن الله خايفات ولي كلام وِليانِن سامعات. ووليدات هناك االصبر فيهن واحدين ، الواحد فيهم لاتعرفيهو راجل لاتعرفيهو مَرَا، لاجلابيه لاعراقى لا طاقية لا مركوب، لا عكاز ولا سكين ، شايل الشنطه بالمقلوب وحسو رفيع لبسو مجبَّص و كلو خليع ، شعرو ملمَّع ، مشيهو مفدَّع قاعد في نص البنًّوت ذي الضيب وان جات حرابه يجري معاهن شبطو مجدَّع ويطلع منها راسو مفلَّع ، البلد ديك آآلصبر السمَّاها كرش الفيل ماكضب بيوتها عااااليه وناسا ناسين النعمه زايله
***********
كو كو كو
ودخيرالله:حباب الجانا اتفضل ادخل لا داخُل ،حباب الدخري ود محجوب
،،حق الله بق الله،،
الدخرى :- اها شن سويتو انت وحسونة؟
- ضاحكا ما سويينا شى ، اتفسحنا انا وولدى وجبنا لنا تواريب وملح بصل و جينا راجعين
- كدى شوية شوية
وحكى ود خير الله للدخرى ما حكاه للصبر وتام الريد ، و من بعده للصلحى ، ثم التومة بت الزين وعندما جاء وقت العِشاء كان معه صديقه احمدون ، فنادى على الصبر
الصبر هوي قومي أًوقدي الصاج وخلى حسونة يحلب لك البعاميه وخدور وعشي الضيف كان بي قراصة كان بي حريف وطرِّى حسونه باكر بِنِدَّلى بدرى نمشي القيف عشان نحرت واطاتنا ، وقبل ما ينوم ما ينسى يقرا من كتاب الله ويصلي علي الرسول ويحمد ربوعلى قسمتو.
وبعد العشاء والحكاوي نام الجميع علي امل ان يأتي يوم غد ٍ بأمال وحلام جديدة لحسونة وود خير الله .
:21_240:

ابو الهول
02-16-2011, 01:24 PM
45rtyyr
- ( 1 ) -
25dfgdf

هل سمعتم أو قرأتم في الأدب العربي أو السوداني أو الصيني أو حتي البنقالي أن هناك أنثي تغزلت في رجل ؟... (إتحداك قول لي).....
الذكور هم من يتغزلون في الأنثي إبتداء من روحها المرحه (بالله في زول شاف الروح عشان يتغزل فيها) ومرورا بأجزاء الجسم (من فوق لتحت ) فالشعر (ذي سواد الليل) والنهود برتكان ورمان ...
والشفايف (كريز) والجيد جيد الغزال (حتي لو كانت الرقبه معووجه عدييييل) والعيون إما داعجه أو ناعسه (بالله كيف زول داير ينوم وعيونه تكون حلوه .. (ده وهم ساااااكت)..ثم الخصر النحيل والصدير الناهد ذي خليج الروم ...
- يتبع - 2 -
:36_1_33:

ابو الهول
02-16-2011, 01:27 PM
45rtyyr

- ( 2 ) -
522ds
قلنا كان ذلك نهج الشعراء منذ عصر الجاهلية أي قبل الأسلام وحتي جاهلية هذه الأيام (مش برضو في جاهليه الأيام دي) ...
كان نهجهم وصف محاسن الأنثي من روحها المرحه إلي جسمها ونفسها وريقها الحلو (حتي إذا كانت بتسف سعوط )ولكني لم أسمع أن إمرأة شاعره (أو غير شاعره) قد تغزلت في رجل فوصفت شنبه مثلا وقالت انه (مثل فرامل اليد) او تغزلت في ذقنه وقالت إنه مثل (النجيله الناعمه) ولم أسمع أن إمراة قالت أن حبيبها فارع الطول مثل الجمل أو سمين و(مدغلب) ذي (التور) أو مفتول العضلات مثل الأسد مع أن الرجل تغزل فيها ووصفها بأرق الحيوانات مثل الجدي والريل وعيون المها ثم تجول في جسمها ووصف كل (حته) فيها بأنواع الفواكه من برتكان ورمان وكرز ولم يترك حتي الفواكه الحامضه فوصفها بالليمون ....
ولكن لا حظوا معي للمرأة عندما تتغني للرجل ( لاحظ تتغني مش تتغزل) ...
فتغني له بأنه رجل شهم ... وجواد كريم ... والترجمه الحقيقيه لذلك الوصف هو ؟
- ( يتبع) -
45rtyyr

ابو الهول
02-16-2011, 01:33 PM
45rtyyr

- 3 -
103gfhgf

هل تعرفون ما هو القصد الحقيقي للمرأة عندما تغني لك بأنك (جواد كريم)...
هي تعني أن تقول (ماشاء الله محفظتك مليانه) وتقوم إنت الفنجري هاكي يا روحي إشتري اللي في نفسك ...
فإذن هي عينها علي المحفظه وليس علي شخصك ...( ولا عندكم تفسير تاني ؟ )...
جواد كريم مين ياعم ؟ كدي أعمل فيها جواد وكريم وأضبح ليك خروف لأصحابك ... حرم النقه تقيف صباحي ...
أنا خدامة أبوك أنضف ليك الكمونيه والكرشه وأسوي ليك الكبده والشيه وإنت وأصحابك تجغمو...والنقه ما تقيف إلا بعد آخر حته من الخروف تدخل الحله وتبقي شوربه والحته دي هي طبعا (راس النيفه) اللي حتشدها إنت لأنو مطايب اللحم راحت لأهلها ...(واخد بالك إذاي).....
ثم هل سمعتم عن إمرأة تغزلت في محاسنكم إيها الرجال المتغزلون حتي في قدميها ؟... يعني هل عبيد مثلا سمع في حياته واحده قالت ليه : ياحلاة لونك الأخضر الي ذي البرسيم ؟ أو أموت في لونك الأخضر الي ذي الباميه الخضراء؟ ...أو مثلا واحده قالت لزيد يا حلاة لونك الأبيض الي ذي الفاصوليا ؟...
هل سمعتم أو قرأتم لأمرأة تغزلت في رجل واصفة محاسنه ومفاتنه وطوله وعرضه وشنباته ؟ ....
- (يتبع) -
:16_12_7:

ابو الهول
02-16-2011, 01:42 PM
45rtyyr
- 4 -
:21_144:

لم تتغزل أية أمراة في أي رجل من شاكلة الوصف البرتكاني أو الليموني أو حتي البطاطسي أو الباذنجاني ...(المرأه أعقل مما نظن بكثير)...(بل هي داهيه اكثر مما نظن بكثير)...
لذلك فهي أي المرأة لا تتغزل في الرجل ولكن تغني له أغاني حماسيه من شاكلة الدود النتر قرض المرافعين هوي...ومن شاكلة جبار الكسور ومقنع الكاشفات ...مما يجعلك أيها الرجل (الفنجري) أن تتحمس وتحمل سيفك وعصاك ودرقتك وخنجرك إنطلاقا من ذلك الحماس الذي يدعو إلي القتال فتذهب وتقاتل وفي النهاية (تروح فطيسه سااااكت).....
ولم يتوقف غزل الرجل في المرأه عند ذلك الحد بل تعدي ذلك حتي إلي مطاردتها وهي مسافره ...فيدعو علي (القطار المسكين) القطر الشالك إنت يتكسر حته حته ...
45rtyyr
ياجماعه القطر ذنبو شنو ؟...تخيل لو كنت أنت المسافر في ذلك القطر ماذا يخيل لك ان تقول المرأه ؟ أكيد كانت ستقول (إنشاء كرعينك تتكسر عشان ما تسافر) لأنها تعلم أن تلك الدعوي أضمن لها من الدعاء علي القطار فهي بذكاءها تعلم أن القطار ربما يمكن تصليحه وإن تكسر (حته حته) أو يمكن الأتيان بقطار بديل ولكن لو تكسرت أرجلك فقطعا -
(إنت قاعد في السرير جوه عينك)....
- ولما يسألوها ؟ وين أبو الأولاد ؟
- تقول ليهم ؟ أها داك قاعد جوه مكسر حته
حته ؟؟
:36_1_33:
125467465

عبدالله قاسم
02-16-2011, 02:41 PM
والله يا ابو الهول ملاحظه جديره بالاهتمام ,,,,لماذا لا تتغزل المرأة في الرجل ؟؟؟؟؟ هل
لانها داهيه فعلا !!!!!!!!
ام انه الحياء الجميل الذي يمنعها من ذلك !!!!!!!
ام انها طبيعة الاشياء تفرض على الرجل التغزل في الانثي التي بطبعها فيها شيء من الجمال !!!!!
ام ان التغني للرجل هو عباره عن تغني لقيم الشهامه والرجوله والكرم الخ !!!!!هذا يضيف للرجل ولا ينتقص منه !!!!!

ود الشيخ عبدالله قاسم

ابو الهول
02-19-2011, 02:14 AM
sdf43xc
- ودا عشان منو ؟
- ما شوية غزل زايد دلع ؟
- أيييه داعي الزعل -
http://zoom.maktoob.com/showImage.php?setID=&groupID=&showPrivate=&ImageID=179226&size=500

http://alraed-sd.com/portal/thumbnail.php?file=elares_861103148.jpg&size=article_medium

- وووووووووو ؟
- خمرة -
http://2.bp.blogspot.com/_VStrwq1Fv14/TOhHZtQ93WI/AAAAAAAACYo/rYbQGW7J-Ao/s1600/ayalamorielparfumsnatur.jpg

:21_131:47hyg:36_1_21:

عبدالله قاسم
02-19-2011, 09:31 AM
و لولا الهوى ما ذلّ في الأرض عاشـــــــــق........... ولـكـن عـزيـز الـعـاشـقـيـن ذلـيـــــــــل.

نقل فؤادك حيث شئت من الهــــــــــوى........... ما الــحـب إلا لـلـحـبـيــــــــــب الأول.

ابو الهول
02-21-2011, 01:36 AM
htyu7yu

ود الحيشان التلاتة
عريسنا جالس بانبساطة
فج الجيل ألفي السباتة
عروسو ضاوية السباتة
رقصت ليهو مسك حجباته
جابت قونين ببساطة
دفع المية للمشاطة
:36_7_15:
تعكس الأغنية السابقة، وهي من الاغنيات التي يحتج بها في التاريخ، من بين ما تعكس أدبيات عديدة كانت سائدة لفترة طويلة في المجتمع السوداني كالسكن الفسيح المريح الذي ينعكس على نفسيات العروسين وبالتالي استقرارهما الأسري.
:21_240:
فعدد (حيشان) أسرة العريس بعدد مدن العاصمة المثلثة القومية.. قد يكون حوش الأسرة الكبيرة ثم حوش الخيلان ثم حوش الخالات، أو حيشان العريس الريفية والعاصمية ثم العواصم-الإقليمية.
يحدث ذلك في ذلك الزمان حينما كان الريف مستقرا وخيره كافي ووافي وكان الحضور إلى الخرطوم في حد ذاته يعد اغترابا غير محبب إلى النفس. المفارقة ان الجميع صارت تبحث عن ملاجئ في أقصى بقاع الأرض.
112قق
أما سيد الحيشان التلاتة، فقد أصبح حائرا يبحث عن إيجار الغرفة.. وللأسف (واحدين بالإيجار ما لاقين جحر)!!
htyu7yu

فجأة صارت (الإشْفة) وهي و الإبرة الطويلة المنتهية بقاعدة خشبية و(بَلَل) الدلكة او المحلب أو الشاي السادة المسيخ ومعه عبارة: (الحَلَّة والبَلـَّة ومشاطك عليَّ ودِهْنَك علي الله) التي تبتدر بها الماشطة عملية المشاط، تستحق المائة جنيهاً بالتمام والكمال..!!

أي منقلب انقلب الجنيه السوداني في أول عهده الانقلابي وقَلَب حالنا معه؟؟
من الصعب إعطاء تاريخ واضح للفترة الزمنية التي تم تأليف هذه الأغنية فيها. وهل يمكن أخذها كأداة توثيقية ؟ والى أي مدى يمكن اعتبار المعلومات الواردة فيها مؤشرات اجتماعية راكزة ذات دلالات مستقبلية؟
:36_7_15:
شيء آخر جدير بالوقوف عنده، ربما يسلط بعض الضوء على المرحلة الزمنية. فالسيناريو الكروي الطريف بين العروسين في الأغنية السابقة، والذي يبدو انه تم دمج زمنين مختلفين فيه (الرقص شبه العاري والحوار الكروي الراقص)، يشير غالباً إلى نهاية الستينات ومطلع السبعينات من القرن الماضي، ففي تلك الفترة اقترنت أسماء الثياب وبعض أنواع اللبس بأسماء بعض لعيبة كرة القدم المشهورين، كما نجد في (جكسا في خط ستة)، كناية عن قصر الفستان. غير ان الثابت أن أول خفض الجنيه كان في عهد الرئيس السابق جعفر نميري (1969-1985).
الغريب في الأمر أن الشاعرات، واغلبهن مجهولات, تغنين لكل مستلزمات الزواج ومراسمه من (شيلة) وعطور وكوافير بلدي ووجبات مجانية، ولم يتطرقن علي الإطلاق إلي المهر. ولعل مرد ذلك إلي أن المهر شرعاً من نصيب الممهورة(وهذه الكلمة من عندي)، إلا إنها في اغلب الأحيان لا تراه ولا يتم استئذانها في إنفاقه، على الرغم من كتابة المهر كاملا في وثيقة الزواج وليس الاكتفاء بكتابة مبلغ رمزي بالعملة المحلية- كما يحدث الآن- وتسديد المهر بالعملة الصعبة كما هو الوضع الآن، حيث بدأت معظم الأسر في الاتجاه إلى الإعلان عن وضعها الاقتصادي و(اسكيلها) الاجتماعي العالي وتسديد مهر أبنائها بالدولار وربما الإسترليني والريال والدرهم وربما الخوان والين ، ليركب فينا كآباء غالبية ذريتها ذكور، (خازوق السجم والرماد) طَوَّالي.
:36_7_15:
لعبت الإذاعة دور كبيراً في نشر البذخ في أصقاع الريف السوداني، الأمر الذي جعل مجهوداتها القليلة-لاحقا- في مجال التغيير الاجتماعي الايجابي تتعارض مع المفاهيم البذخية التي رسخت في أذهان الناس،والتي ربما كانوا مهيئين لها بحكم ولع النفس البشرية بالظهور و(الفشخرة). فقد عرفت معظم أقاليم السودان الشمالي أغنية الشيخ سَيَّرو وربما حسدت أمهات البنات نسيبة الشيخ علي لواري ال(شيلة) التي جاءتها (تتقنت) وضاهتها في طمعها أيضا:
:36_1_56:
تلاتة قدور صندلية
تلاتة قدور محلبية
وجاب معاها الريحة نية
نسيبتو قالت شوية
وحرمان ما يدخلن عَلَيَا
القدر في العامية السودانية، حسب علمي المتواضع، هو الصفيحة سابقا زنة (36 رطلا) أو الجركانة حاليا، زنة اربعة عشر كيلو ونصف. تخيلوا معي صفيحة أو جركانة زنة 14 كيلو ونصف مضروبة في ثلاثة عدد الصفائح الثلاثة أو القدر كما ورد في الأغنية، علما بأن سعر الكيلو من الصندلية تصل قيمته بسعر اليوم إلى عشرة ألف وخمسمائة ريال سعودي، عليه وبعملية حسابية صغيرة فإن قيمة القدور الثلاثة تصل إلى ثلاثمائة ثمان وأربعين مليون جنيه، بواقع ثمانمائة جنيه للريال الواحد (الجنيه القديم).
لا تنسى عزيزي القارئ/القارئة إضافة ثمن المحلبية والسرتية. و باقي الريحة الناشفة من صندل ومحلب وقرنفل ومسك وحبهان او هيل . وهذا الأخير أدخلوه كسر رقبة في صناعة الخُمرة ويبدو ان (الدور جايي) على الفول السوداني، والذي نافس هو الآخر، الذرة في صناعة الدِلْكة.. ومع سياسة شد الأحزمة على البطون المعلنة هذه الأيام، فقد يطل علينا صباح يوم نقول فيه باي باي للدكوة أيضا ويبقى علينا الاثنين لا دلكة طلنا ولا وجبة أكلنا.
كما أرجو عزيزي القارئ/القارئة تشغيل آلتكما الحاسبة وعدم الاعتماد على مقدرتي الحسابية، فبالإضافة إلى أن إلمامي بأسعار العطور لا يعول عليه كثيرا. فأنا في حالة إضراب دائم عن هذه (المشاهيد الباذخة).
:36_7_15:
تخيلوا أن تكلفة زواج الشيخ في أغنية "الشيخ سَيَّرو" ربما تفوق بندي الصحة والتعليم مجتمعين في ميزانية جمهورية السودان اليوم..!!
عرس بميزانية بلد..!!
درس واحد نخرج به من هذه الأغنية أن الجنيه السوداني كان علي حافة هاوية..فخطا خطوة إلي الأمام فتدحرج إلى القاع من حينه..!!.
:21_240:
للتذكير كان سعر الريال السعودي في عام 1994 يساوي 25 قرشاً سودانياً، بمعني أربعة ريالات سعودية تساوي واحد جنيه سوداني، فسبحان مغير الأحوال والقافز بالجنيه من حال إلى حال..!!
:36_7_15:
لعلكم تجدون العذر لـ(شيلة) الشيخ التي شلت تفكيري إنا أيضا، فالرجل احضرها بأسعار الأمس الباذخ، بعد أن دخل امدرمان وجالا و(كَمَّل قماش النصارى)، أي الحرير، لِنُفاجأ نحن بواقع اليوم (الفقري) الراسخ ومطلوب منا المجاراة، ولو بعد حين.
:36_7_15:
هذا خلافاً للمطامير التي استهلكها الزافون، والزمن الذي استغرقته الطواحين البدائية (المراحيك) آنذاك في طحن الذرة و(الدُوأك) التي استخدمت في (العُوَاسة):
تلاتة أرادب غدا
تلاتة أرادب عشا
ود الشيخ قلب الكِفا
:36_7_15:
ولمعلومية القارئ الكريم، فان الأردب يساوي جوالان كبيران زنة كل وحد منهما اثني عشر كيلة أو ثلاثة جوالات زنة الثمانية كيلات، وأن الكيلة التي أعرفها بها ربعان وأن الرُبُع به مَلـْوَتان (كل ملوة تعادل نصف ربع).
لن استطرد وأقول إن (الملوة) بها أربعة (تُمَن) وأن الكيلة بها ستة عشرة (تمنة). يبدو أن هذه المقاييس لحقت العملة المعدنية كأم قرشين (الفِريني) و الخمسة قروش(أب خمسة)، التي قد توجد الآن في دار الوثائق لدي المرحوم أبي سليم أو في الهيئة القومية للآثار، بطرف خلفاء البروفيسور حاكم محمد احمد رئيس شعبة الآثار في تسعينيات القرن الماضي.
:36_7_15:
أشياء ليست من الماضي..يجعلها مقتضي الحال السياسي، نسياً منسياً، ثم يحاول نبشها وإعادتها إلي الحياة.. وبين الموات والحياة.. تسقط معارف كثيرة لجيل ليس بيننا وبينه حاجز زمني كبير..
:36_7_15:
والتركيز علي وجبة الكسرة في أغنية (الشيخ سَيَّرو) تذهب بنا إلي حقبة نهاية منتصف الستينات الممتدة إلي نهاية السبعينات وبداية الثمانينات، حيث لم يكن الريف يعتمد علي الرغيف في وجباته الغذائية. وبالتالي لم يعرف مخاطر برومينات البوتاسيوم المستعملة في تحسين شكل الخبز والتدني بقيمته الغذائية. ثم إن الذرة كانت تفيض بها المطامير. خلافا لواقع الحال اليوم حيث (تَرَيَّفت) العاصمة وأُفْقِر الريف عن غالبية سكانه الذين نزحوا إلى أطراف المدن التي ضاقت بما رحبت واختنقت على جميع الأصعدة.
:36_7_15:
ما لم تقله صراحة الشاعرة السَرَّارة- كما وثقت لاسمها في الأغنية- وتعكسه الأغنية بكل وضوح، هو أن السودان كان يفيض بخيراته الزراعية، وان الاكتفاء الذاتي من لقمة العيش الكريم كان مكفولاً لجميع الناس، علي مختلف طبقاتهم الاجتماعية. بينما جاء الوقت الذي بُشِرنا فيه بأننا صرنا نستورد الثوم من الصين والزيوت من إثيوبيا وشَمَّعنا مشروع الجزيرة على المزارعين السودانيين حتى إشعار آخر... الله يستر على الكَوَل والمِرِس والكجيك والبَني كَرْبو وتوابعهم.
ثم تلى ذلك الدعوة الصريحة والضمنية التي أطلقها السيد وزير المالية الأسبوع الماضي، بالعودة إلى عُواسة الكسرة و بتنزيل شعار نأكل مما نزرع إلى ارض الواقع بعد عشرين عاما حسوما، وهجر المزارعين للزراعة راغبين او مجبرين فصارت الكسرة عزيزة ونادرة واغلى من الخبز نفسه (حلَت وغِلَت).
39sd
وفقا للأغنية فقد كان المعازيم في ذلك الزمان يجلسون في بيت العرس ما طاب لهم الأمر وكان العرس والبكاء يمتدان إلي أكثر من أربعين يوماً حيث يولم للعريس وأصحابه كل يوم ويأكل جميع أفراد أسرته وجبات مجانية مقدمة من أهل العروس بكل طيب خاطر. وقد تمكنت المؤرخة والأستاذة الجامعية فيفيان أمينة ياجي ، قبل ثلاثة عقود من الزمان من الاستفادة من التجمع الكبير و الوقت المبذول بسخاء في هذه المناسبات، فألفت كتابها "أحاجي امدرمان" بالاستفادة من جلوسها في احد بيوت البكاء بأم درمان ومجالسة النساء الملمات بالأحاجي.
:36_7_15:
أما اليوم، فقد جاء على الناس زمان صاروا يحملون أوقيات سكرهم وقطع صابونهم أينما حلوا، فيما أطلق عليه البطاقة التموينية.. وبدلاً عن الحيشان الثلاثة، صارت السكني مائتي متر وربما بالإيجار الباهظ التكلفة..(وواحدين بالإيجار مالاقين جحر).
لم يكن هناك شتات أو دياسبورا كما هو الحال عليه اليوم، حيث صارت (كل الخُلوق) فارَّة في أصقاع الدنيا.
:36_7_15:
في سودان اليوم، فإن القيمة الاقتصادية للجنيه السوداني مقابل الدولار ، حدث ولا حرج..ولعل الذاكرة الجمعية للشعب السوداني تختزن ما قيل في بداية الإنقاذ : (لو ما جينا كان الدولار وصل العشرين جنيها)..
يقول الشيخ فرح ود تكتوك في حوار ينسب اليه بينه وبين العيش. حسب الرواية فقد وقف الرجل بكل احترام أمام سُْويبته(مخزن تقليدي مصنوعة من الطين ومفتوحة من الأعلى) وخاطب العيش قائلاً:
:36_7_15:
يا الباكل فيك
وكل يوم بصبح مشتهيك
أبيعك ولا أخليك
:21_240:
فرد عليه العيش حسب الرواية:
كان بعت نوم عينيك
أنا مالي بيك
htyu7yu

ابو الهول
02-24-2011, 03:30 PM
45rtyyr

مهارات ابليس في فن التجكيس
:21_13:
طبعا اخوكم من واقع خبرتو الكبيرة فى مجال الجكس وكدا؟
عاوز اقدم ليك عدد من الارشادات عن لقاء الجكس وكيف تعلق ليك واحدة -
اها نبداء:
تحذيرات:
اولا
ابعد من التلفون الغلط يعنى لو جاك تلفون بالغلط وطلعت بنت اوووعك تتكلم معاها وتواعدها اختصرها لانو ديل مواسير جد جد
وحاجه ثانيه اى واحده تسالها من عمرها تقول ليك عمرى من 15 الى 18 طوالى تعمل خط رجعه لانو دى برضو ماسورة -
وكمان الصوت اوووعو يغركم انا بى سبب الصوت دا ياما اتمقلبتا ؟
اوعك توصف لى بنت نفسك يعنى روحها ماتوريها وصفك تمام لانك لو مشيت تقابلها وطلعت شينه وهى عارفه اوصافك الا ترقد فى نص الزلط وتنتظر اجلك
والبنت البتتعجن فى التلفون وتغير فى صوتها دى ياها زااااااااااااتها http://www.darg3l.com/images/smilies/smillllles/sm168.gif
wernm

مقابلة الجكس:
اولا لازم تختار مكان عام ويفضل الحدائق العامه لانك ممكن تهرب فيها بسهوله وممكن تتشعبط فى اقرب شجرة وترفض النزول الا بعد ان ياتو لك بعربيه للهروب
ثانيا اعمل تلفونك صامت ويفضل انك تلبس سماعه فى اضنينك عشان لو ضربت ليها وطلعت شينه ممكن تعمل نفسك انك ما انت الاتصلت بيها وتعمل فيها بتسمع فى اغانى -
ثالثا اذا ماوافقت انكم تتقابلو فى حديقة عامه لابد ان تعمل رحله استكشافيه للموقع المتفق عليهو فى البداية وتعرف المداخل والمخارج بى وين ولازم تشوف ليك حته تعمل فيها ليبتون لحدى ماتتاكد من البنت حلوة ولا شينه ويفضل ان يكون مكان الاختباء مزيرة قديمه او مظله -
رابعا لابد ان ترتدى ملابس عكس اللتى ستخبرها بالوانها للتمويه لانها مؤكد حتسالك حتجى لابس شنو ؟
خامسا لو دقست ولمت فيك البنت وطلعته زى - هنايا - ما عليك الا ان تتظاهر بالاعياء وتسقط مغشيا عليك لانو المستشفى بتكون اهون من شوفتا والقعاد معاها -
:8_6_27:

ابو الهول
02-25-2011, 01:59 AM
45rtyyr

اللؤم مشاعر سالبة تمور في نفس صاحبها وتجعله في حالة (حقد) دائم على المجتمع من حوله، ناقم على كل ذى نعمة حتى أنه ليحسد (الأعمى على طول عكازه)!!
واللئيم هو الشخص الذي لا يتورع عن إيذاء الآخرين بـ (حفر) يديه أو بـ (سكين) لسانه، ولا يعجز عن إيجاد الكلام الكعب ولا (بتلفت ليهو)، حتى أننا نصف الزول اللئيم بأنه:
(كلمتو ترمي اللقمة من الخشم) !
وتقول أماتنا الزمان:
(فلان وكت يديك الكلمة .. يقنّعك بها من الدنيا وخيرا) !
و(فلان كلامو زي اللقمة الناشفة أصلو ما بتبلع) ..
* عندما أكثر عيال الحلة من الإلحاح على (هيثم) بأن يحضر الـ(بلي استيشن) الجديد الذي أحضره له أبوه هدية على تفوقه في امتحان نهاية العام الدراسي، كي يلعبوا به جميعا في بيت ناس (معاذ)، وذلك لميزة تفضيلية وهي أن التلفزيون عند ناس معاذ موضوع في غرفة منفصلة بعيدة نسبيا عن باقي الغرف، بحيث يتيح لعيال الحي اللعب بـ (راحتم) دون أن يتسببوا في إزعاج أهل البيت ..
وكان (هيثم) يتملص ويتحجج بالأعذار حتى اتهمه رفاقه بأنه بخيل ولا يرغب في مشاركتهم لعبته الجديدة، على الرغم من أنه كان يشاركهم في ألعابهم اليد باليد حتى تتلف أو تتحطم .. وما كان لهم أن يلوموه لسابق علمهم بطبع والدته الجاف ولسانها الناشف السنين، الذي جعل أهل الحي يلقبونها سرا بـ (حليمة اللئيمة) ..
للإنصاف، لم تكن (حليمة) في واقع الأمر (لئيمة)، ولكنها امرأة ذات (طبع خواجاتي) تعودت أن لا تجامل أحداً على حساب نفسها ومصلحتها، فهي شخصية مباشرة لا تحب الحال المايل ولا تعرف اللف والدوران ولا تذويق الكلام ..
تخلص (هيثم) من حرج إلحاح رفاقه، بأن وجههم لأن يأخذوا الإذن من أمه كي تسمح له بأخذ الـ (بلي ستيشن) لبيت جارهم (معاذ) .. ترددوا وتراجعوا بضع مرات قبل أن يتشجع أحدهم ويتقدم نحو مجلسها المعتاد أمام التلفزيون وقال:
خالتي حليمة .. يعني عايزين نشيل بلي ستيشن هيثم عشان نلعب بيهو في بيت ناس معاذ !
فكان نصيبه (نهرة) أطارت (رحمن) قلبه، فطار على اثرها يسابق الريح مع اصحابه للخارج:
تبلبل النار في عضامكم .. شايفاكم تحجلوا في لعبة الولد من جابوها ليهو وأكان ما خسّرتوها ما بترتاحوا .. يللا طيروا كل واحد على بيوتم بلا دوشة فاضية !
كما تجرأت جارتها (مواهب) في ذات حيرة على (شحدة) توب (حليمة) التوتل المشجر الجديد، وسافرت لتقشر به في مناسبة زواج عند نسابتها، وهناك- والحق لله - قصّرت (مواهب) في المحافظة على التوب وتركته لـ (الفتوات) في بيت العرس ليجرجرنه بينهن، ولها العذر في التقصير لأنها لا تستطيع أن تمنع بنات أهل زوجها من لبس تيابها حتى لا تتهم بـ (الكعابة) والتعالي على النسابة..
حملت (مواهب) التوب بعد عودتها من السفر وذهبت به لـ (حليمة)، فوجدتها تجلس في ضل الضحى لتحرس بت اليومية التي كانت تغسل الملابس .. جلست على الكرسي كما دعتها (حليمة) ومدت يدها وناولتها التوب بقلب واجف ولسانها يلهج بأن (عاد يا الله تمرقني من لسان حليمة) ..
تناولت (حليمة) التوب منها وقلّبته بين يديها برهة قبل أن تعقد حاجبيها وتقول لـ (مواهب) بمساخة قاتلة:
التوب ده كنتي بتلعبي بيهو في الطين؟ .. وكمان جايباهو لي بلا خجلة عشان أسوي بيهو شنو ؟
وقبل أن تتمكن (مواهب) من إيجاد لسانها لترد به .. إلتفتت (حليمة) للشافعة (بت اليومية) وقذت لها التوب بطول يدها وهي تقول:
هاك يا بت التوب ده وديهو لي أمك التتغطى بي .. تاني ما بنفع معاي !!
45rtyyr

حلوله
02-28-2011, 11:43 PM
بسم الله الرحمن الرحيم


[الخال العزيز الله يحفظك اينما كنت ..ولك كل الود والتقدير
لقد شدني العنوان استراحه نسائيه وقلت ادخل واريح راسي شويه وكمان اتفاءل بما ساجده من معاني جميله تصفنا بها لاننا تعودنا الغزل من معشر الرجال كما قلت ..ولكن هيهات اخذنا:10_5_137::..هههههههه ومع ذلك اصدقك القول لقد استمتع بالموضوع ..فلتسلم وشكرا علي السرد الجميل للموضوع .واصل وانا سوف اقراء لك بكل اهتمام :21_98:

ابو الهول
03-14-2011, 05:18 PM
gfdg454h

- أعتراف أمرأة -
:36_1_60:
- الونسة - ؟


الونسة ما عاوزة تعريف لان أي كلام حلو وظريف ولطيف بين اتين او جماعة من الناس يعتبر ونسة بس للاسف الشديد دايما اجمل الونسة هى الونسات المختلطة اى الرجال والنسوان مع بعض (( لا اقصد اى شى خارج الشبكة كل شى فى حدود المقسم )) لان دايما الونسة المختلطة بتكون عن المواقف الظريفة التى مرت باى واحد من الحاضرين او الغايبين او عن ذكريات الزمن الجميل او العصر الذهبى (( وطبعا اى شئ زمان احلى من الان وزمان هو العصر الذهبى والان العصر الخشبى المكلاه الارضة كمان )) نرجع للونسة والونسة المختلطة بيكون فيها الونسات والشمارات الحميدة (( اى الشمارات التى تستوجب من الواحد صلة رحم )) زى فلان عيان وفلان جاء من السفر وكمان دايما بيكون فيها اقتراحات ظريفة ومشاريع ترفيهية ممتعة اقتراح جميل زى رايكم شنو نعمل بوش وطبعا الاكل بيكون جميل مع اللمة او مشروع ظريف زى ارايكم شنو الجمعة الجاية نمشى رحلة شلالات السبلوقة المهم حاجات من النوع دة ......
اما اذا الجمع من جنس واحد اى الحريم (( وده اصل الموضوع )) دايما ما تكون هناك قطيعة من النوع الموسو جديد (( كان شفتى فلان وعلانة )) وطبعا نادر ما تجى سيرتة واحدة بالشكر او عرض مزايها او صفاتها الحميدة دايما ما يكون الكلام عن العيوب والفضايح ..... او يكون موضوع الونسة الشكاوى من الزوج وعمايل الزوج المهببة (( على حسب قولهم )) وكل واحدة تنفض كيسها وتطلع المستخبى ودايما اى واحدة منهم لمن تحكى بتديك احساس انو هى عايشة مع فرعون (( لكن فى الحقيقة تلقاها السعادة دايرة تشرطها)) وانو موريها الويل وسهر الليل المهم نادر ما تجى سيرة الزوج فى لمة نسوان الذكر الحسن ولو فى واحدة بس شكرت زوجها وذكرت افضالو كلهم بعد ما تقوم سوف ينعتوها بالمنافقة او الكذابة او البوابارة (( مجتمع غريب مش )) ....
او موضوع الونسة بينهم يكون بوبارx بوبار وطبعا كل واحدة عاوزة تثبت لاختها انو هى عايشة فى قصر هارون الرشيد (( كل واحدة عارفة انو التانية بتكذب عليها )) .....؟؟!!

....والعجب لو فى واحدة قامت فى نص القطيعة قالت ليهم حرام عليكم ما سجم امها كلهم حيقوموا فيها خلاص انت بقيت نبى ما امبارح كنت بتقطعى معانا الجد شنو (( وتكون المسكينة عاوزة تغير حياتها وتتوب )) لكن ما فى طريقة معاهم الا ا تقاطعم ....
ولو فى واحدة اتكلمت عن السياسة او الحاصل شنو فى البلد والصحف والتلفزيون كلهم حيقولوا عليها (( خلاص الثقافة كتلاها )) ... واخطراللمات التى تحاك فيها الخطط للزوج او تدبر فيها المكايد للزوج (( وصدقونى )) لازم فى كل لمة تكون هناك خطة عسكرية جديدة (( تكتيك حربى عديل )) ..... .!!!!! دى نماذج من ونسة الحريم وما خفى كان اعظم شديد (( اكتر من كدة دمى بيتهدر )) .......
القصد من وراء الموضوع ليس كشف اسرار النسوان فى ونساتهم الخاصة ولكن القصد هو ليه دايما فى الونسة او اللمة بتاعتم بيكون هناك فى قطيعة او تحريش او حاجات من النوع المذكور اعلاه ما فى واحد يقول لي ديل نسوان زمان او ديل نسوان ما متعلمات بس للاسف ديل نسوان هذا العصر ومتعلمات وفاهمات وواعيات لكن كلهم فى الونسة واحد ما فرق بين متعلمة او مامتعلمة (( انا ما قاصدة كل النسوان فى موضوعى ده ولكن هنالك 95 % بهذا النوع عشان ما تزعلوا )) ليه ما تتغير نوع الونسة الى ونسة فى موضوعات مفيدة لاسرنا ومنزلنا واطفالنا (( نادر ما نلاقى النوع دة )) بدل القطيعة والبوبار ممكن نقول اخر اكلات اسامة السيد او اخر صيحات الموضة من حنة وده وحاجات فارغة لكن ما افرغ من القطيعة وذكر عيوب الاخرين وفوق ده كلوا سيئات بالكوم والردوم وكلام الزى ده هو البجيب المشاكل (( قلنا وقالوا فلان قالت فيك وعلانة ....)) والنار تولع .... اخواتى لازم تجربوا نوع جديد من الونسة الظريفة عن اشياء مسلية لان اعراض الناس وعيوبهم ابدا غير مسلية (( واحترمى وغضى طرفك عن عيب غيرك عشان يظل عيبك مستور )) ..... وربنا يهدينا جميعا ويسهل علينا وعليكم اتباع النوع الجديد من الونسة.......... (( الرجال ما بقدر اتكلم عنكم لان ما بعرف نوع ونستكم لانها اكيد ما زى دى ولو زيها او فيها ذرة منها اتقوا الله )) .
- إمرأة -

11116ds113ds

ابو الهول
04-17-2011, 06:02 PM
sdf43xc

http://sennar-net.com/up/upfiles/4Jq39984.jpg

- غايتو ؟ جنس ودار وبشتنة ؟
22tytjg

ابو الهول
04-28-2011, 03:39 PM
oi89


عرس حواء النبي بت مُحمد
:0091:
محمد - يا فاطني خلي حوالنبي تجيب الفطور تلقانا في السبيقي العند درب التُرك ؛وسوي شاي بي حرجل -
فاطني : سمح الليلي عندي سبروق كيف سمح بي تجيبو وتجيكم ،
حوالنبي : يمي اسوق معاي ناس زينب فشان نجيب الواقود -
فاطني : لا لا امشي وتعالي فسراع انا ماشي لي ناس مديني قالو شافعه عندو وردي ؟
حوا النبي :: ياب الفطور يدا جبتو ؟
مُحمد: ختيهو فوق التقند داك وامشي بي ورا التميرات ديلك تلقي عمك ودفزع قوليلوا تعال لي الفطور -
120ds
عمي ودفزع قالولك تعال لي الفطور
ود فزع : إنت هيل منو ؟
حوا النبي : انا بت محمد ود مساعد -
ود فزع : ما شاءالله وتبارك الله هو محمد عندو بنيات ، سمح قوليلو جاي عليك -
ود فزع: السلام عليكم
محمد : وعليكم السلام ورحمة الله ؛تعال جاي اقعد الفطور -
ود فزع : والله يامحمد ماني قايل عندك بنيات ؛ بلا العرسوهن ناس حمد -
محمد : بس يها دي الفضلت كلهن مشن الله يعدله عليهن -
ود فزع : دي زاته دايرنها لي فضل ولدي اليومين ديل يجهز في بيتو وداير يعرس بعد التمر انشاءالله آها قلت شنو ؟
مُحمد : البت بتك والولد ولدك الدايرو تسويهو ،،
ودفزع : بارك الله فيك والله من زمان متمني نسبك ؛
محمد : إنت زول ماك ساهل وفضل ولد عندو مروه وخادم اهلوا ديل كبيرون علي صغيرون الله يخضر ضراعو -
ودفزع : الحمد لله ونحنا عافين منو وربنا يسهل عليهو ؛؛
ملاح طاعم وسمح عامرين انشاءالله ؛؛
انا من هني وماشي اكلم فضل واكلم امو فشان يدبروا حالن من بدري
الله يبعد العوارض ودعتك الله -
محمد: يابت حوالنبي إنتي مشيتي وين تعالي؛؛؛ اربطي مواعينك ديل واطلعي البيت وشيلي عقاب التيراب دا وديهو معاكي -
حوا النبي : سمح جاي دايري القط لي ليمونات وامشي -
45sd
ود فزع : فضل تعال جاي ؛؛ انا لقيلتلك العروس بت عمك محمد يقولوله حواي حدثت ابوها وقلتلم العرس بعد التمر دا انشاء الله وقال خير دحين جهز حالك واخير تبيع البقره الصغيري وتشتري تور للعرس ؛؛
فضل : البتشوفوا ياابوي سويهو ؛؛ انا اصلي داير بت الرجال -
ود فزع : صدقت ياولدي الزول يشوف بت الرجال والمره الماعندها وليان وين يودوها ؛؛ آها قوم نمشي علي أمك،،
خديجي نحنا خطبنا حواي بت مُحمد للفضل وقلت ليهو العرس بعد التمر -
اريته بت السرور ؛؛بت الناس الزينين ؛؛؛؛ والله مافيهم كلام لكن لشنو ترجو التمر انا علبتي ملياني وتعرس للفضل وتفضل ونعرس لو الاسبوع الجاي ان وافقت وربنا هون بس امشي لي ود لبدي ينضف اليوم ؛
محمد : سلام هوي الجوا -
فاطني : مرحب حبابك ؛؛؛تعالي يا حواي لاقي ابوك امسكي منو الطوري والحمار -
سقيتو خلاص؟؟ نعل البابور ما اتعبكم زي المره الفاتت ؟
محمد: الحمد لله سقينا وخطبنا للبنيي كمان
فاطني : قول بسم الله ياابوحمد بنيت شنو البتختبلها أي واسجمي !!!البت لسع ما لحقت؛؛؛؛؛؛وحصاية شطوره ماقامت ؛؛؛؛ يعني تاني حولين تلات حتن تبقي مره
محمد : نان انتي وكت اخدتك كان لحقتي ؟؟ مااخدتك صغيري وتلعبي مع البطان شن صادك، مو يدي سميني واميني ، أنا البت مضيته خلاص وقالو العرس بعد التمر -
فاطني : الله يسهل شن نقول تاني بدن اتفقت مع الراجل -
فاطني : حواي تعال اسمعي كلامي دا سمح تاني لاتمشي حفياني قولي لي ابوك ياخدلك برطوش ولاتمرقي بلا هدم فوق راسك وخلي اللفيت الجاي وغادي في الشارع ؛؛؛؛؛؛وخليك رزيني ؛؛؛؛وعرسك فضلو اربعين يوم بس ..
حواي - ههههههه عرس شنو يا يمه ؟
اسكتي وشوفي الجات دي مني ؟
ازيكم ناس فطون
فاطني :اهلان يا خديجي ادخلي ؛؛ قومي يا حواي ادخلي جوه
خديجي : كيفنكم؛؛ يايمه من ودفزع قالي خطبت حواي لي الفضل فرحت من قلبي وغلبني القعاد وقلت الا اجي وابارك واقولكم علي السلامي ،والله ياه ذي زينب بنيتي ؟
فاطني : والله عارفاك ذي امها وماب تديها عوجي
خديجي :: ايوووووووووي اييييييييييييييوي ؟
فاطني : ياخديجي اقيفي لاتكسري علينا ناس الحلي العرس للي بعيد ؟
خديجي : ماهو بعيد وباكر نسد المال والفضل ما عندي غيرو وبمرقلوا كل المخزن ، وحات الله العلبي الدافنها تعرس لي وليدات الحلي كلهم
حريم الحلي : انشاءالله خير الفي شنو ؟
خديجي: خطبنا حواي للفضل وباكر سد المال
اييوووووووو ي اليييييييييييييوي ؟
ربنا يوصل ؛ وعلي السلامي
فاطني : حواي اطلعي لي ناس زينب وستنا قوليلن امي دايراكن ويجن بدري يسون معانا العشي ؟
حواي : خالتي زينب وستنا قالولكن تعالن سون معانا العشي فشان عندنا كرامة
ستنا : كرامة منو ؟؟
والله ماني عارفي ؟؟ بس أمي قالت لي قوليلن يجن.
إزيكن ناس فطون هوي الجوه
آهلن حبابكن يازينب ادخلن
يآيمة مبروك خيطوبة البنيي وربنا يتم علي السلامي ويبعد العوارض ؛؛؛؛بري ماني خابري الآ كلمتني خدوم في الشارع وانا صدقت قايلي عندكم كرامة .
آمين يأخيتي الله يتمو علي السلامي
عاد الليلي إنكربن اهل العريس كيف كتار ، ومهلن حللكن ، وما تشوفن قعره ؛؛؛لمن الناس يتكفوا إخير يفضل ويبيت في حللوا ولاينقص .
يلا ياحريم ختن الحلل من بدري وشوفن البنات اليعوسن الفطير ،وولعن الفرن
•هاكن ضوقن الدكاي دا رسلتو ليكن السره
•اريتو دكاي السرور ؛؛؛أي والله كيف سمح
•هههههههه ههههههههه ؟
•يايمه سجم خشمكن إنتن سكرتن !!!!!!!!الضحك شنو ؟؟؟
•قومن امشن جيبن لي بعر للفرم النرمي العشيات ديل
•إنت اخواتي شعري وينو ؟؟؟ ؟
•الجن اليجننك يامديني شعرك مويدا الوراكي ؛؛ انا ماقلتلكن سكرتن ؟
•كدي النشوف المصيوبات ديلك لايبقي رقدن في بيت الغنم ؛؛؛؛ ؛بدن تفتشي في شعرك
•وب علي وب علي هي اقيفن تحلبن الغنم في القفه ؟
•امرقن يمرق لحمكن ؟
• هوي حليمي قومي لافوق راقدي في الزبل دا كيفن ؛؛؛
•حريم اليابا مُحمد اخوي ؟
•آ بخيتي الحريم ديل سوقيهن لمن تفج منهن ؛؛؛؛ 120ds120ds
زينب تعالي جاي جيبي إضانك انا ماقلتلكن المجنونه دي لاتمسكنه شيتآ يأكلو؟؟ عايني كل سوطه للحلة تأكله لحماي وانا خايفي الليلي نمرق بلا كمونيي ؛؛
آخرابه لاتفتحي حلتك دي كتير فشان البصل يتهرد
كدي النشوفه ليك ما نجضت ؟
زينب ؛؛؛؛؛تعالي ماشي وين؛؛؛؛؛ نجضت ؟؟
دي ماله دي بس ابت تقولي عينك في رأسك ؛؛
يا فاطني؛؛؛ فاطني هوي تعالي ،
أي جاي إنت وين؟
انا في الزقاق تعالي فسراع
مالك إنشاء الله خير ؛؛
وآ فضيحتنا وآآآآآآ فضيحتنا الخرابه المجنونه دي قبيييييييييييييل قلت ماتدنها خدمي اصله أي شي تمسكو نصو في كرشه ؛؛؛؛؛،شوف عيني العيش تنضف وتاكل زي نعجت العرب -
يأاخيتي لاتوقفيني ؛؛؛؛؛وريني الحاصل شنو انا عندي خدمي -
ما فهمتي يا فاطني ؛؛؛؛؛ قلتلك الكمونيي بصل سااااااااااكت ولا فشفاشاي ما فيها -
فاطني اسكتي وستريها والساتر الله ؛؛ كوركي لي حمد وقوليلو فاطني قالتلك تعال في مراح الغنم بالباب الورا ؟
حمد : في شنو يا فاطني ؟
امسك العبور دي واضبحه في مكانك دا وفسراع لحقنا بالكمونيي ؛؛
بسم الله وين توديها هسع ما ضبحنالك خروف ،
حمد سوا القلتو ليك ولاتنضم كتير -
•جيبي صاج اللحم آ زينب وحمري الكمونيي هني قبلك وبعد ما تنجض كبيها في بصل الكمونيي
•ايووووووي ايييييييييييييوي -
آها الحمد لله كل الناس إتكفت والخير باسط ومافي شيتآ نقص ؟
•ماشاء الله ماخلوا شي الريحة كلها حتي فتيل بت السودان الاصلي -
•وهدوم السرور الله يهنيهم بيها -
•آها ودعناكم الله -
•في مان الله؛؛؛؛ وتعالن باكر فشان نكفي الدلكي وإن عندكن قدح جيبنو معاكن
•عندنا،، وباكر من الفجر معاكي،، والله يبعد العوارض
•الحمدلله إنتهينا من الريحة ودلكة العروس وخبيز الكعك ،،
•بس البنيات يدلجن اوضة العروس ويعلقن المعاليق فشان العرس باكر -
•الرسول تغنن تفرحن الملائكي -
•الفوسيب كدي يا عروسنا خضرا متيق كدي يا عروسنا ؟
حفلة السرور شفو الرقيص الموخمج وعرس طاعم الله يسعدن ؟
•ستنا السهر قدد عيونا؛؛؛؛؛ خلاص آراجنو سوقي العروس دي دخليها ؛؛
•العروس دخلوها تعالن نعاين بي الشباك المشقق دا ؛؛؛
• فضل إزيك ياحواي ؟
•مدي إيدك سالميني ؛؛؛؛إنت خايفي كدي مالك
•هيي لع سكينة
•قلتلك سكينة
•سكينة ماله ؛
•تحت العنقريب ؟
•هههههههههه ههههههههه اصلك ماب تخلي جنك دا ياسكينة امرقي يمرق جلدك ؟
•وب عليكن زحن حس الباب فتح ؟
•سكينة !!!!! وآسجمي الدخلك شنو في اوضة العروس؟؟؟؟؟
•ههههههههه ههههههه
• مقلب وبس
45sd
فاطني الحمد لله العرس تم علي خير وبارك الله فيكن ياحبيباتني ماقصرتن ان شاء الله نجاملكن في حلو وليداتكن ؟
oi89
• وعاش العرسان في بهجة ووئام -
120ds120ds

ابو الهول
04-30-2011, 11:51 PM
- شمشرة حريم -



المراة دي جنت ولاشنو ... والله دي سواية مجانين بس
هسي عليكم الله رقية دي مالها .... الا تكون عندها سبب ما براها
سبب شنو البخلي مراة تعضي راجلها .... يا انتي
يمكن طعنها في شرفها
عليك النبي شوفن جنس التخاريف دي
ولا يمكن شافتو مع واحدة
هسي في ذمتك دي .... حارة الخيانة ولا حارة الضرة .... عباس ده ما اتزوج فيها قبل سنين ليه ما عضتو ... لمن تشوفو مع واحدة تسوي سوايتها دي
هههه ....يمكن بتريدو
اسكتي انتي كمان .... ريدة شنو .... لو كانت كل مراة بتريد راجلها
بتعضيهو كان رجالنا كملو من زمان ....من كترة العضعيض


عباس رجع لافي ايدو ....نافخ جضيماتو ..... حلف بالطلاق انه المراة دي ما تقعد معاهو دقيقة في البيت ... من دربها ده لبيت اهلها ...يا عباس قول يا لطيف .... يا عباس اخزي الشيطان .... دي عشرة سنين
يا عباس صلي علي النبي .... دي ام اولادك
: تشيلهم معاها .... بس تتخارج لي من البيت ده
: يا عباس اهدى
اهدى شنو .... بعد اربعين سنة جابت ليه عضعيض كمان .... ياهو الفضل
يا عباس اكيد في سبب ماساكت المراة دي قامت من النوم ولقتك راقد عضتك
اين كان السبب في مراة محترمة تعضي راجلها
المسألة بقت بوليس كيس .... رقية مشت للقسم ولقت الشاويش على ...قاعد ... وقالت الا تفتح بلاغ في راجلها عباس ....
آآآآآآآي عضيتو .... الراجل الاضينة ده .... الراجل الخيبان ولو لقيتو تاني بعضيهو.... كيتن كده
اهدي يا حاجة رقية .... الامور ما بتتعالج كده
تبكي رقية الشايقية النجيضة .... تبكي وتكورك ... انا ما بسيب حقي .... انا امك يا جعفر ....عُشرة سنين هانت عي الراجل المزعمط ده .... الله يقطع سنينو ..... الله يكتلوا ان شاء الله ... صبرت عليهو الراجل السكران... الحيران .... ما قدر صبري


دخل العسكري ومعاهو عباس رابط يدو .... يعاين عباس لرقية
تفي عليك يا مراة يا عضاعضة .... يا مراة يامسترجلة يا قليلة الادب
الشاويش على يهدي في رقية وعباس ..... ورقية تبكي ... وعباس نفسوا طالع ونازل .... الولية جابت كثافتو ....رفعت ضغطتو ....
احكي يا عباس الحاصل شنو
يا خد نفس .... يسكت شوية ....ينفخ في الهواء ... والله يا افندم ... المراة دي من اتزوجتها ماشميت عافية ....يوم ضارباني بالشبشب ، يوم فالقاني بي حلة .... وهسي جابت ليهاعضعيض..... بكرة يا افندم بتجيب ليها سكاكين كمان


سكين اليكتلك يا سكران
سكران بي حقي يا وليه يا خرفانة


الشاويش علي يهدي تاني ... واصل ياحاج عباس .... يا افندم انا نايم في امانة الله ... في الصباح القي الولية الخرفانة دي معلقة في ضراعي ده .... ومغرزة اسنانها فيهو ... لمن جابت لي تتنس ....قمت من-النوم مخلوع اكورك زي الراكبني جن ..... دي سواية مراة نصيحة .....
تتدخل رقية .... : ما توريه عضيتك لي شنو يا سجمان


وريهو انتي ياالفاهمة يا الراسية
ورينا انتي يا حاجة الحاصل شنو


تبكي رقية .... والله يا جنابو الشاويش انا صابرة على السجمان ده اربعين سنة ما قلت بغم .... جابلي الضرة ما قلت حاجة .... يغمز للنساوين في الشارع قلت بكرة بزهج ... يعاين للبنات المايعات في التلفزيون أقول تخاريف كبار ..... يجيني سكران أقول بكرة يعقل.... آخرته كمان في النوم ..... ينادي في نناسي عجرم و يتغزل في شكيرة .... وانا نايمة جنبو زي القفة والصباح اقول ليه ده شنو يا عباس:


يقول لي خلي صدرك واسع زي نجوى كرم.
- ياهو دا حالكم ؟؟
- ولآ شنو ؟؟
40sd11116ds

قطرالندي
05-08-2011, 11:30 AM
السلام عليكم ورحمة الله _ والله يستااااااهل العض

ابو الهول
06-07-2011, 05:43 PM
98sd

http://www.grea24.net/vb/images/smilies/eek.gifhttp://www.grea24.net/vb/images/smilies/frown.gif
- شكلة وبوبار -
http://www.grea24.net/vb/images/smilies/mad.gifhttp://www.grea24.net/vb/images/smilies/smile.gif
دايرة تدينى عين؟ - يا أم وشّاً شين ! - يا قدُر نفرين ! - يا البتفطرى شحدة ! - و بتتغدى بالدين ! يضُربك الضريب شقّاق العناقريب -! يالبتقيفى فى الزلط و تتكلمى غلط - نحن نححححححححححححمد الله الغدا ضأن والتحلية برتكان - العشاء حمام و التحلية شمّام و مليانيييييييييييين يا إنتى - لا كوع يقد الوسادة لا ساق يضبح الجدادة - نحن تربية بيت و فرش موكيت - تربية عِز ورضاعه بِز - أحححححمدو , مبسووووطة و شلاليفى ممطوطة -
http://www.grea24.net/vb/images/smilies/smile.gif
- هيييييههههيييييييييى - حليلكم إنتو يا ناس الإشلاق يا الما سمعتو بى السيريلاك - سُكنة قطاطي ومستوي واطي - شِراكم قطّاعي وركوبكم النقل الجماعي- بششششششتنة و الناس متمحنة - قهر و فراق أهل _ نبرة و نستبرة و ما نسكن جبرة..يا الديّامة يا حطب القيامة - يا ناس أمبدة - البِفطُر فيكم ما بتغدّى - يا البتستحمّوا بى موية العِدّة - عشوائى جدّة ولا فِلل أمبدّة - دا مستوي داير دَوا يخخخخخسسسسسسى و مرض نفسى - هيييييييييييييييييييييييى - لا كرعيننا رقاق و لا مولودين فى زقاق - أولاد عوااااااااايل و عندنا فايل - ربّونا فى الإمتداد و حبينا فى البلاط ولدونا فى الدايات و قرينا فى الراهبات - نححححححححححححمدو - نحن نشتّت و خلق الله تلقّط البنريدو بنولع ليو اللمبة - والما بنريدو بنحرش ليو الكلبة - ساكنين الخرطوم , محل الرئيس بنوم , والطيارة بتقوم , والجكس بِحوم - أولادنا لابسين الجِنز وحالقين مارِنز - أولاد راستا - وعشانا باسطة وشٌغلنا واسطة - ما بنتردّى , ونلبس الشدّة - لا بنركب الركشات , ولا بندخل غُرف الشَات.. بنعرف الذوق ,ومستوانا فوق - بناكل المنقة و ما بنعرف الزنقة .. بنعرف الجكس , وما بنركب التكس..اسكيلنا عالي ,ومهرنا غالي و مناسبين ناس أمدرمان , العصيرهم رٌمّان , و شارعهم شيكان , و محطّتهم شقلبان - و مصاحبين ناس بحرى البيخلطوا فى كوبرى شمبات المكسّر بالجمبات ,بى تحت موية و بى فوق عربات - عصيرهم أناناس و ما بيضايقوا الناس - حكوووومة و الناس مظلووومة - عشان كدا أعملى لاين و أقيفى بهايند و أفهميها - أعملى شخيط و اقيفى بعيد سجم و كمان عدم فهم؟ يا بجم يا ولادة الندم !هييييييييييييييييى و تااانى هييييييييييييى و تانى و تانى هيييييييييييييييييى - ما تكُبّى الريحة و تعملى تفتيحة , و تخلينا نقيف ليك فى طرف المعلقة و نورّيك الصعلقة - هييييييى إتلمّى يا البتقعى و ما بتسمّى - هووووووووووووى - تنبزينى أنا يا كرور يا وسخ الخور ! يا اللُقمة الفِى الزور يا شوكة الحوت اللا بتتبلع لا بتفوت يا تربيزة الجزارة يا اللامّة الوسخ و الزفارة ! والله دى قصة و دايرة حصّة ! هييييييييييييييييييى - أخير ليك فتحى عينك قدر الريال و خلّى أضانك قدر العقال . ما تخلينى أدق الصفايح و أطلع الفضايح - و أقيف ليك فى الحوش و أنفُض الكَلُوش ! يا مرة يا مجنونة يا شبه حجر الطاحونة !يا ليمونة و عاملة فرعونة ! هيييييهييييييييييييييييييييييي - غادى الجزام بعادى - يا القاعدة برّة للأذى و المضرّة - يا الككوية يا أم جضوماً موية - يا السوقِك بايِر ودمِّك فايِر - الشمس ضربتِك و الرجال أبتِك ! القطر فاتِك و الزمن شاتِك. يا الفى الحفلة ما عبّروك. ناس الفيديو فطّوك و ناس العَشا نطّوك. الزمن خَرَتِك. و الضِحِك شَرَطِك. يا الوزّعتى صورتك و ما فكّيتى بورتك ! قطرِك صفّر وسوّاقُو طفّر. هييييييييييييى. خِفّة و شعر تِفّة . مرجخيص و النبق الرخيييص , جابوهو بالجمعة وباعوهو بالخميس -
http://www.grea24.net/vb/images/smilies/redface.gifhttp://www.grea24.net/vb/images/smilies/eek.gif

ابو الهول
07-22-2011, 01:11 AM
146546487ds
http://www.grea24.net/vb/images/smilies/frown.gifhttp://www.grea24.net/vb/images/smilies/mad.gif
- وتاني - شكلة نسوان ؟
- بين ؟ أم الزوجة ووالدة الزوج -
- واللي ؟ شبكم يخلصكم -
http://www.grea24.net/vb/images/smilies/eek.gif
هيييييييييييييييييييييي
- دايرة تضربينى عين؟؟ .. يا أم وشّاً شين ؟؟ ..يا قدُر نفرين .. يا البتفطرى شحدة,, و بتتعشّى بالدين ؟؟!!! ... يضُربك الضريب شقّاق العناقريب ...!!
ما تقيفى فى الزلط و تتكلمى غلط ..
http://www.grea24.net/vb/images/smilies/frown.gif
....هيييييههههيييييييييى....
.... حليلكم إنتو يا ناس الإشلاك يا الما سمعتو بى السيريلاك ....
... سُكنة قطاطي ومستوي واطي... شِراكم قطّاعي وركوبكم النقل الجماعي...
...بششششششتنة و الناس متمحنة ..قهر و فراق أهل..... نببببببببرة و نستبرة و ما نسكن جبرة..يا الديّامة يا حطب القيامة.. يا ناس أمبدة , البِفطُر فيكم ما بتغدّى .. يا البتستحمّوا بى موية العِدّة !!!... عشوائى جدّة ولا فِلل أمبدّة ...!!..دا مستوي داير دَوا !!
يخخخخخسسسسسسى و مرض نفسى ...
http://www.grea24.net/vb/images/smilies/mad.gif
هيييييييييييييييييييييييى ...
لا كرعيننا رقاق و لا مولودين فى زقاق ..
أولاد عوااااااااايل و عندنا فايل ....
ربّونا فى الإمتداد و حبينا فى البلاط.... ولدونا فى الدايات و قرينا فى الراهبات....
.نححححححححححححمدو..... نحن نشتّت و خلق الله تلقّط ..
البنريدو بنولع ليو اللمبة.. و الما بنريدو بنحرش ليو الكلبة !!
ساكنين الخرطوم , محل الرئيس بنوم , والطيارة بتقوم , والجكس بِحوم .... أولادنا لابسين الجِنز وحالقين مارِنز..اولاد راستا ..وعشانا باسطة..وشٌغلنا واسطة .. ما بنتردّى , ونلبس الشدّة ... لا بنركب الركشات , ولا بندخل غُرف الشَات.. بنعرف الذوق ,ومستوانا فوق .... بناكل المنقة و ما بنعرف الزنقة .. بنعرف الجكس , وما بنركب التكس..اسكيلنا عالي ,ومهرنا غالي..
و مناسبين ناس أمدرمان , العصيرهم رٌمّان , و شارعهم شيكان , و محطّتهم شقلبان !!
.. و مصاحبين ناس بحرى البيخلطوا فى الكوبرى ..كوبرى شمبات المكسّر بالجمبات ,بى تحت موية و بى فوق عربات !!!.. عصيرهم أناناس و ما بيضايقوا الناس!!
حكوووومة و الناس مظلووومة ... !!
.. عشا ن كدا أعملى لاين و أقيفى بهايند.... و أفهميها... أعملى شخيط و اقيفى بعيد ..
سجم و كمان عدم فهم؟؟ يا بجم يا ولادة الندم ؟!!..
http://www.grea24.net/vb/images/smilies/redface.gif
...هييييييييييييييييى و تااانى هييييييييييييى و تانى و تانى هيييييييييييييييييى....
ما تكُبّى الريحة و تعملى تفتيحة , و تخلينا نقيف ليك فى طرف المعلقة و نورّيك الصعلقة .. هييييييى إتلمّى يا البتقعى و ما بتسمّى ..يا جرجير يا وسخ الزير ... بالنهار تسبّحى , وبالليل تضبّحى ..
كان جبل طلعناو و كان عسل لحسناو ..
http://www.grea24.net/vb/images/smilies/redface.gif
.هووووووووووووى.... تنبزينى أنا يا كرور يا وسخ الخور !!... يا اللُقمة الفِى الزور !!
يا شوكة الحوت اللا بتتبلع لا بتفوت لا بتخلّى الزول يموت !!.. يا تربيزة الجزارة يا اللامّة الوسخ و الزفارة !! .. والله دى ق ص ّة و دايرة حصّة !!
هييييييييييييييييييى
أخير ليييييك فتحى عينك قدر الريال و خلّى أضانك قدر العقال ...
ما تخلينى أدق الصفايح و أطلع الفضايح... و أقيف ليك فى الحوش و أنفُض الكَلُوش !!!
... يا مرة يا مجنونة يا شبه حجر الطاحونة !!...يا ليمونة و عاملة فرعونة !!!

... هيييييهييييييييييييييييييييييي ....
غادى غادى الجزام بعادى ...يا القاعدة برّة للأذى و المضرّة ..
.. يا الككوية يا أم جضوماً موية.. .يا السوقِك بايِر ودمِّك فايِر..
...الشمس ضربتِك و الرجال أبتِك !!!!!
القطر فاتِك و الزمن شاتِك.....
يا الفى الحفلة ما عبّروك...... ناس الفيديو فطّوك و ناس العَشا نطّوك....
الزمن خَرَتِك... و الضِحِك شَرَطِك.....
يا الوزّعتى صورتك و ما فكّيتى بورتك !!..
قطرِك صفّر وسوّاقُو طفّر...

هييييييييييييى.....

خِفّة و شعر تِفّة ... مرجخيص و النبق الرخيييص ,, جابوهو بالجمعة وباعوهو بالخميس..
براااانا بنعرف مستوانا ...
برستييييج يا ناس أر ي ييج .... و إستااايل يا ناس واااائل ...
ما ناس الدمار و رفع الأريال فوق بيت الإيجار ...
ناس الشمار و البوبار ..
ناس الشوبار و عدم الدبار...
د يل خسارة الداية و تعب السماية .......
بطااااااااطس و مستوى غااااااطس ....

هيييييييييييييييييييييى
....بَنَضورة و كشفنا دورها....
قرفة و عدم عرفة... بستلّة و حايمة فى الحِلّة...
كركدى و ما عرفنا ليه ... بامبَى و أبى ينجض لَى ...

نحن الغدا ريجييم و التحلية إيسكريييم.....
متعلّمييين.. من ما قمنا بين الكراريييس ... الفطور فى لندن و العشا فى باريس ..
سمعتنا و مصاريف جامعتنا .. حبّونا وفى الحدائق ما شرّونا ...!!
.. لابسين الموضات و راكبين العربات , مقاعدنا سوستة وسواقنا اوسطى !!
البيابانا بنوصّف ليهو غلط.. و البريدنا بنقطّعو الزلط.........
قناااابل فى محطّة البلابل..
هييييييييييييييييى...

جقر جقر يا كمونية البقر!!!! .. يا القليدة , شرّابة المديدة !!! إنشالله تدخل عليك بالساحق و الماحق و البلا المتلاحق ,, بركة الجمعة الجامعة و الكلمة السامعة !!بركة سيد البريّة و تيران بدريّة !!... قولى آآآمين .. إنشالله تاكلى الضب السمين , بالكسرة و العجين !!
عشان تعرفى شُغل الدفِس البلا نَفِس.. ..
يا الراخية أضانك و ما ناقشة حنانك ,إنتى يا الطيرة المبارية السيرة ..!!!
نفسياات و عدم إمكانياات...شِدّة و بَدَل عِدّة.....
والله دى قصّة و آخرها لسّة ..!!

هييييييييييييييييييييييييى يا ...

عاملة راسك زى المكوة .. و جضمك زى كيس الدكوة....الشعر مضفّر و الوش محفّر ... حسّة دا وش وللا طش ؟؟؟
يا المقطّعة هدومك و مادّة قدّومك ...حسّة دا قدّوم لكّوم وللا كد دوم ؟؟!!
يا التِبِش البِقى يمِش !!صارّة وشّك و مادّة كرشِك !!! يا شارع الزلط المركب غلط !!
دى شلاليف وللا مجارى خريف ؟؟!! .. ديل ***** وللا عيونى كعبات ؟؟!!
هو العسل إلاّ ينقّط والقرد إلاّ ينطّط..؟؟
يخخخخخخخخخخسى و مرض نفسى ..!!!

كوااارع و حايمة فى الشاارع....
مكرووونا و ما عرفنا لونا....

هووووووووووى يا أخوها الجابك شنو ؟؟؟؟!!
لسّة ما خلّيت الشلاقة , والمتاوقة بالطاقة .. ؟؟!!
عارفنّك شليق , و بتشرب بالإبريق ..
يا زول الصَقَت جا ..خلَّى عندك ذووق..
الباب مقفول يللا نط بى فووق...!!
أخير ليك تلاوِز و ما تجى تحاجِز !!!
و أحسن ليك تتدسّة و ما تخرب الرصّة ... كان قُلتا أخ , الليلة بتِتلَخ !!
يا النسيت ناسك و فقدتَ إحساسك ...
شِن جدَّ فى المخدّة ؟؟... التنجيد ولّلا الكيس الجديد ؟؟؟
يا راجل يا كشَا مشَا.. يا العزموك فطور جيت عشَا....
يا الدقّيت بابنا و أكلتَ كبابنا ..تشرب شايينا و تكسّر كبابينا !!
يا ناصل و ما عارف الحاصل ..!!
هووووووى يا أب رِدا ... وشّك كِدا ؟ وللا خَرَبو الشِتا ؟؟ ... أجيب ليك عيشة تقرّضا ؟ وللا مخدّة تنجّدا ؟
.يا طويل يا سلك الغسيل .. يا شمّاسى يا ظهر الكراسى...
هبّهاااااان ووسخ بيان...
بتدّى ولا بتعضّى ؟؟... يا كِجِنكِى , يا مسمار الزِنكى ..
عامل لَى فيها تفتيييحة و شايل مفاتيييحها...؟؟
كان إنت واقع من السما ,نحن اللزّيناك ... و كان مزروع فى الأرض , نحن الغزّيناك !!

هيييييهييييييييييييي يا ..
ما تقعد تنقنِق و عُضامك تطقطِق ...
إنت واقع من لورى شطّة ؟ وللا فاتتك المحطّة ؟؟!! ..
ما تعمل لَى فيها خطيييير و بتستحمّى بى موية الزيييير ... يللا كِش عشان نقدر نمِش ..
ما تقعد تعاين و تطفّش الزباين ... و أوع تِنفَرّا و تمرُقنا بى برّة .. ولّلا تتمطّى و تكشّح فينا الشطّة ..
يا الكاتلاك السخانة , و ما شُفت الحضانة ..عيشتك كلّها فوضى , و ما دخّلوك الروضة !!
يخخخخخخسى و مرض نفسى ..


هييييييييييييى.....وتاااااانى هييييييييييييى ...
هيييييييي يا هاء , يا همزة على ياء ...!
ما تخلّينى أورّيك المغطّى و ملان شطّة ... يا بتاع البوبار يا البتخمّس السجار ..
القميص جمايكا .. و الصلعة فورمايكا....
الأضان هبّابة ... و الفَلَجَة بوّابة..
الجبهة سبورة .. و النخرة ماسورة..
شوفوا البوز الما ضاق الموز!! .. اليدّين مساويك , والكرعين مفاريك ..
ما تعمل فيها شِفِت و ممسّح بالزِفِت ..
كان إنت ضربتا السما جير ,, نحن أدّينا الهوا بوهية, و ضربنا النجوم مَنَكير !!
أطََفَّر ؟؟ وللا بتدفِّر ؟؟..نجى بالدَرِِب وللا فيه كلِب ؟؟؟
مرّة تجوط , ومرّة كاتم صوت ..
..يا بايركس , يا ما بتعجب الجكس ..
يا المن قمت ما باسوك , و يا الرُحت و أهلك ما كاسوك !!
يخخخخخسسسسى و مرض نفسى ..

هييييييييييييييي هييييي ..
صحى الرجال ماتوا فى كررى , و الباقين فى تايتنك ..
تانى ما أشوفك قدّامى يا المصيرك تتشنِق ..
وقع ليك ؟ وللا أعيدو ليك ؟
يللا زحّوا الإتنين كدا ,وخشّوا جُحُركم الدنيا شتا ..
شبهييينا و إتلاقينا.....
يا جيران السواد , و نقيصة الزاد ..
خلاص نسينا سيرتكم , ورمينا طوبتكم ..
صحى ناس ناس .. و ناس أنناس ...
و ناس أذى للناس ...
وناس يتمَوا بيهم باقى الناس -
- وناس يخمو الرماااااااااااد -
- أجشششششش -
http://www.grea24.net/vb/images/smilies/tongue.gifhttp://www.grea24.net/vb/images/smilies/redface.gif

عبدالله قاسم
07-24-2011, 11:34 AM
الحبيب ابو الهول

شكرا لهذه اللغة الموزونه الجديده الظاهر نحن بقينا بره الشبكه والله يستر صعب التحديث والله المستعان من هذه اللغة التقيله ,,,,,,,,,,
على الاقل نعمل بروفات من كلام حبيبنا ابو الهول حتى ما تجينا صدمه حضاريه ولا انا غلطان يا جماعه ,,,,,,,,,

ود الشيخ عبدالله قاسم

ابو الهول
07-31-2011, 04:51 PM
104ty34ds
مطلوب عريس (http://www.4-starz.com/vb/showthread.php?t=8456)اشقر وعينه ملونه
ابيضاني
الطول مش مهم
وياريت لو رشيق
يليق بعروستنا الحلوه
wernm
الشعر ايه حرير
والقامه ايه
تقولش عود غزال
اوصف ايه والا ايه بس ؟
شوفو بنفسكم ؟
-
-
-
-
-
-
-
-
-
-
-
-
-
-
http://store3.up-00.com/Jun11/B7a04957.jpg

http://store3.up-00.com/Jun11/M0X04957.jpg
- عسل يا ناس -
1sd354546541sd35454654

ابو الهول
08-22-2011, 03:25 AM
45rtyyr
http://www.anasudani.net/4images/data/media/19/440px-Anglo-between_1890_and_1923_Sudan_Nubian_woman.jpg

:36_1_33::36_1_33::36_1_33:

ابو الهول
08-23-2011, 02:45 AM
[quote=ابو الهول;37041]45rtyyr
http://www.anasudani.net/4images/data/media/19/440px-Anglo-between_1890_and_1923_Sudan_Nubian_woman.jpg

:36_1_33::36_1_33::36_1_33:
sdfiu78
- بجد حكاية عجيبة ؟
http://www.anasudani.net/4images/data/media/2/faces_59_copy.jpg
:36_1_21::36_1_21::36_1_21:

ابو الهول
01-01-2012, 03:26 AM
98sd
http://img7.hostingpics.net/pics/45234213_glitter_ward2u.gif

21dfg

ابو الهول
04-23-2012, 01:38 AM
:36_1_33:
الصفقة الصفقة ارارارح ارح ارح يا ام ريداً شعل في جسمي لهلوبه
انا المعيوس دوام كسره وفارد ضلعي راكوبه
انا المفروم اكيد كفته وجنبك قالب الهوبه
اشيل احزاني واتوجع واعاين ليك بعينين دوام تدمع
اجيب الفانته ما تنفع
اقدم كولا ما تنفع
اعزمك سينما ما تنفع
الف في القهوه واتمرصع وارقص جيركي واتوقع
والبس ليكي شارلستون وقمصان قوس قزح مليون
انا المخروط انا المغبون
انوم فالق اقوم مفلوق
انوم منفوخ اقوم مطفوق
انا المتروك بدون احباب وانا المشنوق في حلق الباب
وانا المارق من المولد بدون حمص
وانا الامسخ من الترمس
وانا الرامني في الكوشه وانا العفصتني نعنوشه
وانا الضاربني نوك اوت وكل اسناني مدشوشه
وحيييييي لو حي تفيد ملكوم
لو بترجع اللكوم ولو بتروح الدوشه
كنت اقوم واقول احي
كنت احوم واصول احي
كنت انوم واقول احي
كنت اعوم واقول احي
كنت اصوم واقول ا حي
كتلت الجضوم وآآآآآآآآآه احي
وحي احي وحي احي
انا اللاعب وفاقد اتوه ودايماً وارمي في البوشه
انا الكاتلاني حنتوشه
وانا الشارني في الكوشه ارح ارح ارح ارح .....
النبق النبق النبق النبق ...
الصفقة الصفقة الصفقة
5111tkj - دا عشان نرفع البوست لناس برنس وكدا - 125467465
23fd

ابو الهول
06-04-2012, 04:34 AM
:15_3_34:
مجكسين
- انت ليه ما بتمسك ايدي وإحنا طالعين سوا؟
لا طبعا" يا روحي... أفرضي زول من اهلك شافنا؟
ولا واحد من أهلي؟ على الأقل كِده بنقدر نزوغ من الزرزره,
لكن إن شاء الله يا حبيبتي بكره نتزوج وامسك أيدك
قدام الدنيا كلها
مخطوبين
أنت ليه ما بتمسك ايدي وإحنا طالعين سوا؟
عشان ما داير زول يعلّق علينا ويقول الجماعة ما مصدقين انهم مخطوبين...وبعدين
بصراحة كده أنا ما برضى أي زول يتكلم على حبيبتي ...
متزوجين
انت ليه ما بتمسك ايدي وإحنا طالعين سوا؟'
يا حبيبتي إحنا ما مراهقين عشان نقعد نمسك إيدين بعض في الشارع وكده!!....
إحنا اتنين متزوجين ومحترمين ح نقعد نتماسك ف الشارع زي اليادوب مجكسين
متزوجين وعندهم عيال
انت ليه ما بتمسك ايدي وإحنا طالعين سوا؟'
يعني امسك إيدك انتي ولا امسك إيد الشافع ولا اشيل الأكياس دي كلها ولّا شنو يعني؟!'
مُصيبة شنو الوقعنا فيها دي يا ربي؟؟؟

بعد 25 سنه من الكفاح المُسلـّح
انت ليه ما بتمسك ايدي وإحنا طالعين سوا؟
إيد شنو دي البمسكها هسه بعد العُمُر ده! امسكك انتي ول امسك العكاز ؟ بعدين إنتي دايره راجل بـتك يقول علينا كبرنا وخرّفنا؟!
يا وليّه أكبَري عليك الله
98sd98sd